مولانا سے شادی کروں گی، پھر پاکستان میں الیکشن لڑوں گی، راکھی ساونت
اشاعت کی تاریخ: 6th, February 2025 GMT
بھارتی اداکارہ و رقاصہ راکھی ساونت ان دنوں پاکستان میں آنے اور شادی کرنے کے حوالے سے خبروں میں ہیں۔ انہوں نے کہا ہے کہ وہ کسی مولانا سے شادی کرنے کے لیے مر رہی ہیں۔
حال ہی میں ایک ڈیجیٹل میڈیا چینل سے انٹرویو میں راکھی ساونت نے پاکستان آنے اور اپنی شادی کے علاوہ بھی مختلف موضوعات پر کھل کر بات کی۔ انہوں نے کہا کہ وہ 2 دن کے لیے پاکستان آئی تھیں اور کسی تقریب میں شرکت کے لیے آئی تھیں۔
یہ بھی پڑھیں: دودی خان کے انکار کے بعد مفتی قوی راکھی ساونت سے شادی کو تیار، مگر کس شرط پر؟
شادی کے حوالے سے بات کرتے ہوئے راکھی ساونت نے بتایا کہ وہ کسی مولانا سے شادی کرنے کے لیے مر رہی ہیں، میری بہن ثنا خان نے بھی ایک مفتی سے ہی شادی کی ہے۔ راکھی ساونت کا کہنا ہے کہ انہوں نے کبھی مولانا قوی صاحب کو دیکھا نہیں ہے مگر ان کے نام میں ہی قوی ہے ، پھرانہوں نے مفتی قوی کو مخاطب کرتے ہوئے کہا کہ ’قوی صاحب! میرے لیے ایک کویتا لکھیں‘۔
پاکستانی اداکار دودی خان کے حوالے سے بات کرتے ہوئے انہوں نے بتایا کہ وہ بھی کسی مفتی سے کم نہیں ہیں، وہ ایک ماڈرن انسان نظر آتے ہیں مگر پکے نمازی ہیں۔ راکھی کا کہنا تھا کہ دودی خان کی پہلی شادی سے ان کو کوئی اعتراض نہیں ہے اور انہیں لگتا ہے کہ دودی کی پہلی بیوی کو بھی اس پر اعتراض نہیں ہے۔
راکھی ساونت نے کہا کہ اسلام میں تو 4، 4 شادیوں کی اجازت ہے اور جب دودی خان شادی کرنا چاہ رہے ہیں تو انہوں نے بیوی سے اجازت لی ہو گی اور اگر نہیں لی تو وہ لے لیں گے۔ اداکارہ نے مزید کہا کہ ان کی شادی پاکستان میں اور ولیمہ ہندوستان میں ہوگا۔
یہ بھی پڑھیں: دودی خان نے بالی ووڈ اداکارہ راکھی ساونت کے ساتھ شادی سے انکار کیوں کردیا؟
پاکستان میں اپنی پسندیدہ اداکارہ کے حوالے سے بات کرتے ہوئے راکھی نے کہا کہ ہانیہ عامر ان کی پسندیدہ اداکارہ ہیں اور وہ ان کی شادی میں پرفارم بھی کریں گی۔ راکھی نے کہا کہ وہ سلمان، شاہ رخ اور عامر خان سے کہتی ہیں کہ ہانیہ عامر کو اپنی فلم میں ہیروئن بنائیں۔
بانی پی ٹی آئی عمران خان کے حوالے سے راکھی ساونت نے کہا کہ ’ہم آپ سے بہت پیار کرتے ہیں، آپ جلدی جیل سے باہر آئیں، عوام کی خدمت کریں۔ اور وزیراعظم بن جائیں کیونکہ آپ سچے کھلاڑی تھے اور اچھے انسان ہیں‘۔ راکھی نے کہا کہ اگر عوام نماز میں اللہ سے دعا کریں کہ عمران خان جلد از جلد جیل سے چھوٹ جائیں، کچھ بھی ناممکن نہیں ہے۔
یہ بھی پڑھیں: ’جس کو ملنا ہے وہ لاہور آ جائے‘، بھارتی اداکارہ راکھی ساونت کی ویڈیو وائرل
راکھی نے کہا کہ اگر وہ کسی پاکستانی سے شادی کر لیتی ہیں اورانہیں پاکستانی پاسپورٹ مل جاتا ہے تو وہ پاکستان میں انتخابات لڑیں گی اور عوام کی خدمت کریں گی، انہوں نے عمران خان سے کہا وہ ان سے جیل میں ملنے آ رہی ہیں اور ان کے لیے کھانا لائیں گی۔ انہوں نے عمران خان سے پوچھا کہ وہ کیا کھانا پسند کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ دودی خان راکھی ساونت راکھی ساونت شادی.ذریعہ: WE News
کلیدی لفظ: بالی ووڈ راکھی ساونت راکھی ساونت شادی راکھی ساونت نے پاکستان میں ا کے حوالے سے کرتے ہوئے انہوں نے کہا کہ ا نہیں ہے کے لیے
پڑھیں:
سیاستدان کو الیکشن اور موت کے لیے ہر وقت تیار رہنا چاہیئے، عمر ایوب
اسلام آباد(نیوز ڈیسک)پاکستان تحریک انصاف (پی ٹی آئی) کے بانی چیئرمین عمران خان سے ملاقات نہ کرانے پر اسلام آباد ہائیکورٹ میں توہین عدالت کیس مقرر نہ ہوسکا، قومی اسمبلی میں اپوزیشن لیڈر عمر ایوب کا کہنا ہے کہ 2 دن پہلے درخواست دائر کی تھی، ڈائری نمبر بھی لگ چکا ہے، سماعت کا کوئی علم نہیں۔
سابق وزیراعظم عمران خان سے جیل میں ملاقات کی اجازت نہ ملنے پر توہین عدالت کیس مقرر نہ ہونے پر اپوزیشن لیڈر قومی اسمبلی عمر ایوب اسلام آباد ہائیکورٹ پہنچے، جہاں بات چیت کرتے ہوئے انہوں نے بتایا کہ 2 دن پہلے درخواست دائر کی تھی، تاحال ہماری درخواست مقرر نہیں ہوئی، اس پر دائری نمبر لگ چکا ہے۔
میڈیا کے نمائندوں گفتگو میں اپوزیشن لیڈر عمر ایوب نے کہا کہ 2 دن پہلے ہائیکورٹ میں بانی پی ٹی آئی کی بہنیں اور قیادت موجود تھی، چیف جسٹس کے پاس پیش ہونا چاہا مگر وہ شاید جمعہ کی وجہ سے چلے گئے تھے۔
انہوں نے بتایا کہ پٹیشن کو دائری نمبر لگا دیا گیا ہے مگر وہ ابھی تک فکس نہیں ہوئی، پہلے بھی ہمارے کیس یہاں پر لگتے رہے ہیں، اس کے بعد ملاقاتوں کا سلسلہ شروع ہوا تھا ۔ اُس وقت کوئی زمین آسمان اوپر نیچے نہیں ہوا۔
عمر ایوب کا مزید کہنا تھا کہ بانی پی ٹی آئی سمیت دیگر پی ٹی آئی کی قیادت جو گرفتار ہیں وہ سیاسی قیدی ہیں ۔ مجھ پر بسکٹ چوری تک کے کیس لگائے گئے ہیں۔ ہم لوگ یہاں آئے ہیں اور انصاف کے لیے عدالت کا دروازہ ہی کھٹکھٹائیں گے۔
اپوزیشن لیڈر نے کہا کہ ہم ریاست کا حصہ ہیں، ریاست کی جو تعریف یہ لوگ کرتے ہیں وہ یکسر مختلف ہے، عقل کے اندھوں سے کہتا ہوں کے آئین کا مطالعہ کر لیں تو سمجھ آئے گا کہ ریاست کیا ہوتی ہے۔
انہوں نے مزید کہا کہ پاکستان ہارڈ اسٹیٹ نہیں کیوں کہ یہاں قانون کی حکمرانی ہی نہیں،یہاں صرف جنگل کا قانون چل رہا ہے۔ بانی پی ٹی آئی نہ ڈھیل مانتے ہیں نہ ہی ڈیل کو مانتے ہیں۔ بانی کی بہنوں کو سیاست میں لانا ناجائز ہے ، بہنیں بطور فیملی ممبر ملاقات کرتی ہیں۔
انہوں نے اپنے استعفے کی خبروں کی تردید بھی کرتے ہوئے کہا کہ سیاستدان کو الیکشن اور موت کے لیے ہر وقت تیار رہنا چاہیئے، پی ڈی ایم حکومت میں ہم نے دھاندلی کیسے کرلی؟ میرے خلاف امیدوار ہار مان چکے ہیں لیکن ریموٹ کنٹرول والوں کو چین نہیں آرہا۔
مزیدپڑھیں:باکس آفس پر ناکام فلم ”سکندر“کےحذف شدہ منظر نے شائقین کو چونکا دیا
عمران خان کو مذاکرات کے لیے راضی کیا، بات چیت سود مند ہوگی، اعظم سواتی