امریکا میں چور ایک لاکھ انڈے چرا کر فرار
اشاعت کی تاریخ: 6th, February 2025 GMT
امریکا میں برڈ فلو وائرس کے پھیلاؤ کے باعث ٹرک سے 1 لاکھ انڈوں چوری ہو گئے۔
بین الاقوامی میڈیا کے مطابق یہ واقعہ امریکی ریاست وسطی پنسلوانیا میں پیش آیا، امریکا میں برڈ فلو کے باعث لاکھوں مرغیاں ہلاک ہو گئیں جس کی وجہ سے انڈوں کی رسد میں کمی آئی اور قیمت ریکارڈ سطح پر پہنچ چکی ہے۔
رپورٹ کے مطابق 1 لاکھ انڈوں کی کل قیمت 40 ہزار ڈالرز کے قریب ہے۔
رپورٹ کے مطابق انڈے ایک کمپنی کے فارم کے تھے جن کو فرینکلین کاؤنٹی سے رات 8 بج کر 40 منٹ پر چوری کیا گیا تھا۔
غیر ملکی میڈیا کے مطابق کمپنی کی جانب سے جاری کیے گئے بیان میں کہا گیا ہے کہ ہم مقامی حکام کی تحقیقات میں تعاون کر رہے ہیں، ہم اس مسئلے کو سنجیدگی سے دیکھ رہے ہیں اور اسے جلد حل کرنا چاہتے ہیں۔
یاد رہے کہ حالیہ مہینوں میں امریکا میں برڈ فلو کے پھیلاؤ کی وجہ سے انڈوں کی صنعت شدید بحران کا شکار ہو گئی ہے۔
.ذریعہ: Jasarat News
کلیدی لفظ: امریکا میں کے مطابق
پڑھیں:
حکومت کو ملنے والی غیرملکی امداد میں کمی آگئی
اسلام آباد:حکومت کو ملنے والی غیرملکی امداد میں کمی آگئی، رواں مالی سال امداد کا ہدف 19 ارب ڈالر ہے تاہم 9 ماہ گزرنے کے باوجود تاحال 5 ارب 50 کروڑ 75 لاکھ ڈالر ہی مل سکے ہیں جو کہ سالانہ ہدف کا محض 28.40 فیصد ہے۔
اقتصادی امور ڈویژن حکام کے مطابق حکومت کو رواں مالی سال کے پہلے نو ماہ کے دوران حاصل ہوئی بیرونی فنانسنگ میں سے 5 ارب 37 کروڑ ڈالر بطور قرض ملا جبکہ 13 کروڑ 56 لاکھ ڈالر بطور گرانٹ شامل ہیں تاہم اس میں آئی ایم ایف سے ملنے والی ایک ارب ڈالر کی پہلی قسط شامل نہیں ہے۔
اقتصادی امور ڈویژن کے مطابق اس عرصے میں پاکستان کو پچھلے مالی سال کے مقابلے میں 1.39 ارب ڈالر کم فنڈز حاصل ہوئے، گزشتہ سال جولائی سے مارچ کے دوران پاکستان کو 6 ارب 89 کروڑ ڈالر کی بیرونی مالی معاونت موصول ہوئی تھی۔
حکام کا کہنا ہے کہ پاکستان کو موصول ہوئی فنانسنگ کی تفصیلات کے مطابق اس عرصے کے دوران سعودی عرب نے 3 ارب ڈالر ، متحدہ عرب امارات (یو اے ای) نے دو ارب ڈالر قرض دیا جبکہ چین نے ایک ارب ڈالر قرض رول اوور کیا۔
اس کے علاوہ دیگر عالمی اداروں نے 2 ارب 82 کروڑ 76 لاکھ ڈالر فراہم کیے جن میں سے ایشیائی ترقیاتی بینک (اے ڈی بی) کی جانب سے ایک ارب 18 کروڑ ڈالر اور عالمی بینک کی جانب سے 72 کروڑ ڈالر شامل ہیں۔
مالی معاونت فراہم کرنے والے ممالک میں چین، امریکا، سعودی عرب، فرانس، کویت اور جاپان شامل ہیں جبکہ فرانس نے 10 کروڑ 80 لاکھ ڈالر، چین نے 9 کروڑ 91 لاکھ ڈالر، امریکہ نے 4 کروڑ ڈالر، جاپان نے 2 کروڑ 88 لاکھ ڈالر اور کویت نے دو کروڑ 44 لاکھ ڈالر کی مالی امداد فراہم کی ہے۔
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ