رمضان شوگر ملز کیس: عدالت نے وزیراعظم شہباز شریف اور حمزہ شہباز کو بری کردیا
اشاعت کی تاریخ: 6th, February 2025 GMT
لاہور(اردوپوائنٹ اخبار تازہ ترین۔06 فروری 2025)اینٹی کرپشن کی عدالت نے رمضان شوگر ملزم کیس کا فیصلہ سناتے ہوئے وزیراعظم شہباز شریف اور ان کے صاحبزادے حمزہ شہباز کو بری کر دیا، جج سردار محمد اقبال ڈوگر نے فیصلہ سناتے ہوئے دونوں رہنماوں کو الزامات سے بری کرنے کا حکم دیا۔ عدالت نے شہباز شریف اور حمزہ شہباز کی بریت کی درخواستیں منظور کرلیں،مقدمے کی سماعت کے دوران مدعی اپنے بیان سے منحرف ہوگیا تھا جبکہ وزیراعظم شہباز شریف اور ان کے صاحبزادے حمزہ شہباز نے عدالت میں بریت کی درخواستیں دائر کیں تھیں۔
18 فروری 2019 کو نیب نے شہباز شریف اور ان کے بیٹے حمزہ شہباز کے خلاف رمضان شوگر ملز کیس میں ریفرنس دائر کیا تھا، شہباز شریف اور حمزہ شہباز پر شوگر ملز کیلئے گندے نالے کو 21 کروڑ روپے سے قومی خزانے کے ذریعے تعمیر کروانے کا الزام عائد کیا گیا تھا۔(جاری ہے)
رمضان شوگر ملز کیس کا فیصلہ 3 فروری کو محفوظ کیا گیا تھا جبکہ 28 جنوری کو مقدمہ کے مدعی ذوالفقار علی نے ریفرنس سے اظہار لا تعلقی کیا تھا۔
خیال رہے کہ گزشتہ سماعت پر اینٹی کرپشن عدالت نے وزیراعظم شہبازشریف اوران کے بیٹے حمزہ شہباز کی رمضان شوگر ملز ریفرنس سے بریت کی درخواستوں پر وکلا کے دلائل مکمل ہونے پر فیصلہ محفوظ کیا تھا۔عدالت نے فیصلہ 6 فروری کو سنانے کاحکم دیاتھا۔اینٹی کرپشن عدالت کے جج سردار محمد اقبال ڈوگر نے وزیراعظم شہباز شریف اور حمزہ شہباز کے خلاف رمضان شوگر ملز ریفرنس پر سماعت کی تھی۔ شہباز شریف اور حمزہ شہباز کے وکیل امجد پرویز نے دلائل دئیے تھے۔ امجد پرویز نے حتمی دلائل دیتے ہوئے کہا تھاکہ پنجاب اسمبلی نے سال 2014-15 کے ترقیاتی منصوبے میں نالے کی تعمیر کی منظوری دی تھی یہ نالہ اس وقت کے ممبر صوبائی اسمبلی مولانا رحمت اللہ کی درخواست پر بنایا گیا تھااور اس میں حمزہ شہباز کا کوئی کردار نہیں تھا۔ رکن پنجاب اسمبلی مولانا رحمت اللہ کی درخواست پر گندے نالے کیلئے ڈائریکیٹو جاری کیا گیاتھا اس پراجیکٹ کو پنجاب اسمبلی نے منظور کیاتھا۔ ڈائریکٹو کے اجراءمیں حمزہ شہباز کا کوئی کردار نہیں مفروضوں پر بات نہیں ہو سکتی تھی۔انجینئر نے یہ نتیجہ نکالا تھا کہ گندہ نالہ رمضان شوگر ملز کو فائدہ دینے کیلئے بنایا گیا تھا یہ کیس سیاسی بنیادوں پر بنایا گیا تھا اس میں گواہوں کو طلب کرنے کی ضرورت نہیںتھی۔ وکیل امجد پرویز نے دلائل میں یہ بھی کہا تھاکہ نالے کی تعمیر کا حکم اس وقت کے وزیراعلیٰ شہباز شریف نے نہیں دیا بلکہ نالے کی تعمیر کی منظوری پنجاب کابینہ نے دی اور نالہ علاقے کی بہتر کیلئے بنایا گیاتھا۔ انہوں نے کہا تھاکہ بجٹ کی منظوری کے بعد اس کیلئے فنڈز جاری کئے گئے اور اس نالے کو 10 گاو¿ں استعمال کر رہے تھے۔ وکیل کا کہنا تھا کہ نیسپاک کی رپورٹ کے مطابق رمضان شوگر مل کا پانی گندے نالے میں زیادہ گرتا ہے جب کہ باقی علاقوں کا پانی کم تھا۔ نالہ صرف رمضان شوگر ملزکیلئے نہیں بلکہ اس سے 10 گاوں استفادہ کررہے تھے یہ ریفرنس مضحکہ خیز سروے کی بنیاد پر بنایا گیاتھا۔ پراسیکیوشن کے وکیل محمد وسیم نے دلائل میں کہا تھاکہ ہمارے پاس کوئی ایسا گواہ نہیں ہے جسے پیش کرنا تھا۔ تمام گواہان کے بیانات ریکارڈ ہو چکے تھے تمام شواہد فائل کے ساتھ لگائے ہوئے ہیں اس کیس میں سات گواہان کے بیانات ریکارڈ کئے گئے تھے۔ مدعی ذوالفقار علی نے بیان ریکارڈ کروایا تھا کہ اس نے کوئی درخواست نہیں دی تھی۔ مدعی نے بیان دیا تھاکہ 1991 میں گندہ نالہ اپنے خرچ پر بنانے کا حلف نامہ سے متعلق کوئی علم نہیں تھا۔امجد پرویز نے اپنے دلائل میں عدالت کومزید بتایاتھا کہ انجینئرکا کہنا تھا کہ اس نالے میں رمضان شوگر ملز کا پانی زیادہ ہے باقی جگہوں کا پانی کم تھا۔انجینئرنے یہ نتیجہ نکالا تھا کہ گندہ نالہ رمضان شوگر ملزکو فائدہ دینے کیلئے لگایا گیا ہے۔عدالت نے سرکاری وکیل سے مکالمے میں کہا تھا کہ آپ کیا کہتے ہیں کہ کیا دوسرے گواہوں کے بیانات ہونے چاہئیں یا نہیں؟ سرکاری وکیل نے کہا تھاکہ اس میں جو متعلقہ ایم پی اے تھے وہ فوت ہو گئے ہیں اس میں تمام گواہ سرکاری تھے اس کیس میں بہت سے گواہ غیر متعلقہ ہیں۔ میرے حساب سے تو نالے کا روٹ تو صحیح بنا ہوا تھا۔.ذریعہ: UrduPoint
کلیدی لفظ: تلاش کیجئے شہباز شریف اور حمزہ شہباز وزیراعظم شہباز شریف اور رمضان شوگر ملز امجد پرویز نے بنایا گیا نے دلائل عدالت نے کا پانی نالے کی گیا تھا کہا تھا تھا کہ
پڑھیں:
وزیراعظم شہباز شریف ترکیہ کے دو روزہ دورے پر انقرہ پہنچ گئے
وزیراعظم شہباز شریف ترکیہ کے دو روزہ دورے پر انقرہ پہنچ گئے۔ ترک صدر رجب طیب اردوان کی دعوت پر وزیراعظم شہباز شریف انقرہ پہنچے۔
انقرہ کے ہوائی اڈے پر ترکیہ کے وزیر دفاع نے وزیراعظم شہباز شریف کا استقبال کیا جبکہ اس موقع پر ڈپٹی گورنر انقرہ، پاکستان ترکیہ کلچرل ایسوسی ایشن کے صدر برہان قایاترک بھی موجود تھے۔
پاکستان کے ترکیہ میں سفیر یوسف جنید، ترکیہ کے اعلیٰ حکام بھی اس موقع پر موجود تھے۔
اپنے دورے کے دوران وزیراعظم شہباز شریف ترک صدر رجب طیب اردوان سے ملاقات کریں گے جبکہ دونوں رہنما مشترکہ پریس کانفرنس سے بھی خطاب کریں گے۔
اپنے دورے میں وزیراعظم شہباز شریف ترکیہ کے سرمایہ کاروں اور کاروباری وفود سے بھی ملاقاتیں کریں گے۔
نائب وزیراعظم اسحاق ڈار، وزیر اطلاعات عطا تارڑ اور معان خصوصی طارق فاطمی وزیر اعظم شہباز شریف کے ساتھ ہیں۔
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش