بلوچستان میں خوف و ہراس کا دور دورہ ہے، کوئی محفوظ نہیں،زاہد اختر
اشاعت کی تاریخ: 6th, February 2025 GMT
کو ئٹہ(نمائندہ جسارت)نائب امیر جماعت اسلامی بلوچستان زاہداختر بلوچ نے کہاکہ بلوچستان کے حالات روزبروزخراب ہورہے ہیں شاہراہیں محفوظ ہیں نہ عوام ،سکول کے بچے محفوظ ہیں نہ تاجر ہرطرف پریشانی اورمشکل وخوف کا دوردورہ ہے مقتدر قوتیں اورحکمران غافل اورناکام ہیں بلوچستان کے عوام کو حقوق عزت واحترام دیکر زیادتیاں ناانصافیوں کا خاتمہ کیا جائے بلوچستان کے بلوچ پشتون سمیت سب پریشان ہیں وسائل پر دسترس ہیں نہ وسائل پرقابض قوتوں کو عوامی مسائل مشکلات کا کوئی فکرہے بلوچستان کی اپنی روایات وثقافت اورقبائلی رسم ورواج اور سنہری تاریخ ہے بلوچستان کے سلگتے قومی اجتماعی مسائل کے حل میں ہمیشہ سے یہاں کے مخلص قوتوں نے بہترین کردار اداکیاہے بدقسمتی سے عوامی حمایت یافتہ لوگوں کو کام کرنے نہیں دیا جارہا جماعت اسلامی یہا ں کے عوام کے سلگتے قومی اجتماعی مسائل کے حل کیلئے ہر فورم پر کردار ادا کریگی ۔ہمارے ممبران اسمبلی ان شاء اللہ علاقوں کے عوام کو مایوس نہیں کرے گے ۔صوبائی حکومت واسمبلی کو کام کرنے دیا جائے ممبران اسمبلی مسائل پر کھل پراحتجاج کریں اورعوام کے مسائل مشکلات پر خاموشی اختیار نہ کریں ۔ ان خیالات کا اظہارانہوں نے تقریب سے خطاب،وفودسے ملاقات میں گفتگوکرتے ہوئے کیا۔ انہوں نے کہاکہ جماعت اسلامی بلوچستان کے سلگتے مسائل،لاپتا افراد، بے امنی،حقوق سے محرومی لوٹ مار ختم کرنے اورامن کے قیام ظلم وجبر کا راستہ روکھنے کیلئے ہرفورم پر جدوجہد کررہی ہیں ہم عوام کو مایوس نہیں کریں گے نہ کسی کے دبائو میں آئیں گے ان شاء اللہ عوامی تائید وحمایت سے قبائلی عمائدین ،وعام کے خیر خواہ کسی کے دبائو میں نہ آنے والے اچھے لیڈرکو ساتھ ملاکر مشترکہ متفقہ لائحہ عمل کے ذریعے قوم کو متحد ویکجا کرکے مسائل کے حل کی راہ ہموار،دیرپابھی دیں گے سب مل کر دیانت دار ی واخلاص، باہمی مشاورت سے بلوچستان اور یہاں کے مظلوم عوام کو ظلم سے نجات دلاکر حقوق دلائیں گے جماعت اسلامی کی بلوچستان کے حقو ق کے حصول کیلئے جدوجہد قابل تعریف وقابل تقلید ہے بلوچستان کے مسائل کا حل مشاورت بات چیت اور سیاسی جدوجہد وآئینی مزاہمت ہے بلوچستان کو لاوارث سمجھ کر وسائل کو ہڑپ کیا جارہا ہے ، بلوچستان کے ولی وارث ہم ہیں اہل بلوچستان وسائل کی حفاظت حقوق کے حصول کیلئے جماعت اسلامی کا ساتھ دیں جماعت اسلامی مشاورت سے اہل بلوچستا ن کے حقوق کے حصول وسائل کی حفاظت ،لوٹ مار ،بے روزگاری ،بارڈرزبندش ودیگر مسائل کے حل کے حوالے حقوق بلوچستان مہم چلار ہی ہے ایوان کے اندراورباہر ظلم وجبر کے خلاف ،حقوق کے حصول کیلئے ہر فورم استعمال کریں گے عوام ،مشران اورقائدین اس جدوجہد میں ہماراساتھ دیں۔
.
ذریعہ: Al Qamar Online
کلیدی لفظ: پاکستان کھیل جماعت اسلامی بلوچستان کے ہے بلوچستان مسائل کے حل کے حصول عوام کو
پڑھیں:
جماعت اسلامی کی پُرامن غزہ مارچ کی یقین دہانی، فیض آباد کو ٹریفک کیلئے کھولنے کا فیصلہ
جماعت اسلامی کی فلسطینیوں سے اظہار یکجہتی کے لیے پر امن غزہ مارچ کرنے کی یقین دہانی پر فیض آباد انٹرچینج کو ہر قسم کی ٹریفک کے لیے کھولنے کا فیصلہ کیا گیا ہے۔ضلعی انتظامیہ کا کہنا ہے کہ جماعت اسلامی نےایکسپریس وے پر پُرامن مارچ کی یقین دہانی کرائی ہے جس کے بعد فیض آباد کو عام ٹریفک کے لیے کھولنے کا فیصلہ کیا ہے۔ضلعی انتظامیہ کے مطابق رابطہ سڑکیں بند ہونے سے ٹریفک کی روانی شدید متاثر رہی تاہم جماعت اسلامی کی پرامن احتجاج کی یقین دہانی کے بعد ہیوی مشینری کی مدد سے تمام کنٹینرز ہٹانے کا عمل شروع کر دیا ہے۔دوسری جانب وفاقی دارالحکومت میں ریڈزون کے داخلی راستوں پر سکیورٹی تاحال انتہائی سخت ہے، ڈی چوک، سرینا چوک کو کنٹینرز لگا کر بند کر دیا گیا ہے، ریڈ زون کے داخلی و خارجی راستوں پر خار دار تاریں اور بیرئیرز لگا دیے گئے ہیں اور وفاقی دارالحکومت میں کسی بھی غیر قانونی اجتماع پر پابندی ہے۔سلام آباد ٹریفک پولیس کا کہنا ہے کہ سری نگر ہائی وے پر غیر معمولی سکیورٹی انتظامات ہیں لہٰذا شہری سری نگر ہائی وے سے منسلک سروس روڈ کا استعمال کریں، آج ساڑھے 9 بجے سے ساڑھے 11 بجے تک ہیوی ٹریفک کا داخلہ ممنوع ہے۔ٹریفک پولیس کے مطابق بلیو ایریا، سیکٹر ایف 6، ایف 7 کے لیے ایچ 8 انڈر پاس استعمال کیا جائے، سیکٹر آئی اور ایچ کے لیے راولپنڈی پشاور روڈ، آئی جے پی روڈ سے سروس روڈ استعمال کریں۔مختلف شہروں سے جماعت اسلامی کے قافلے غزہ مارچ میں شرکت کے لیے اسلام آباد کی جانب رواں دواں ہیں اور راستوں کی بندش کے حوالے سے سیکرٹری اطلاعات جماعت اسلامی اسلام آباد عامر بلوچ کا کہا ہے مارچ کا مقصد غزہ کے مظلوموں سے اظہار یکجہتی کرنا ہے، راستوں کی بندش ہمارے حوصلے پست نہیں کر سکتی۔دوسری جانب وفاقی وزیر داخلہ محسن نقوی اور وزیر مملکت برائے داخلہ طلال چوہدری نے سیکرٹری جنرل جماعت اسلامی لیاقت بلوچ سے ٹیلی فونک رابطہ کیا۔اس حوالے سے جماعت اسلامی کی جانب سے جاری اعلامیے میں بتایا گیا کہ دونوں وفاقی وزرا سے آج اسلام آباد میں یکجہتی فلسطین مارچ کے حوالے سے گفتگو ہوئی۔لیاقت بلوچ کا کہنا تھا حکومت کو کوئی حق نہیں کہ فلسطینیوں سے اظہار یکجتی مارچ کو روکے، جماعت اسلامی کا فلسطین سے اظہار یکجتی مارچ پرامن ہو گا، حکومت رکاوٹیں کھڑی کرکے پوری دنیا میں رسوا نہ ہو۔رہنما جماعت اسلامی کا کہنا تھا حکومت آج اسلام آباد میں یکجہتی فلسطین ریلی روکنے سے اجتناب کرے، فلسطین سے اظہار یکجہتی کیلئے کوئی نوگوایریا نہ بنایا جائے۔لیاقت بلوچ کا کہنا تھا کویت کا اسرائیل سے تعلقات ختم کرنے کا اعلان پوری امت کی ترجمانی ہے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج