تمام مسافر ٹرینوں کے کرایوں میں 5 فیصد اضافہ
اشاعت کی تاریخ: 6th, February 2025 GMT
کراچی(اسٹاف رپورٹر) پیٹر ولیم مصنوعات کی قیمتوں میں اضافے کے بعد پاکستان ریلوے نے تمام مسافر ٹرینوں کے کرایوں میں 5 فیصد اضافہ کر دیا ہے جس سے ٹکٹ 50 سے 400 روپے تک مہنگی ہوگئی۔ اضافے کا اطلاق ( 5 فروری) سے سیلون سروس سمیت تمام آؤٹ سورس ٹرینوں پر بھی ہو گا۔لاہور سے کوئٹہ جانیوالی جعفر ایکسپریس کا بزنس کلاس کرایہ 7 ہزار 360 سے بڑھ کر 7 ہزار 730، اے سی سٹینڈرڈ کا کرایہ 5 ہزار 460 سے بڑھ کر 5 ہزار 730، اکانومی کلاس کا کرایہ 4 ہزار 10 سے 4 ہزار 210 روپے ہوگیا۔ لاہور سے کراچی جانیوالی
پاک بزنس ایکسپریس کا بزنس کلاس کرایہ 8 ہزار 10 سے بڑھ کر 8 ہزار 400، اے سی سٹینڈرڈ کا کرایہ 5 ہزار 760 سے بڑھ کر 6 ہزار 130 اکانومی کلاس کا کرایہ 4 ہزار 10 سے بڑھ کر 4 ہزار 210 ہو گیا۔لاہور سے ملتان جانیوالی موسی پاک ایکسپریس کا بزنس کلاس کا کرایہ 1546 سے بڑھ کر 1640، اے سی سٹینڈرڈ 13 سو 60 سے بڑھ کر 14 سو 30 اکانومی کلاس کا کرایہ ایک ہزار دس سے بڑھ کر ایک ہزار سات روپے ہو گیا، لاہور سے پشاور عوام ایکسپریس اے سی سٹینڈرڈ کا کرایہ سولہ سو سے بڑھ کر سولہ سو اسی، اکانومی کلاس کرایہ گیارہ سو پچاس سے بڑھ کر ایک ہزار دو سو دس ہو گیا۔پرائیوٹ ٹرین راول ایکسپریس کا راولپنڈی تک اے سی پارلر کا کرایہ چوبیس سو سے بڑھ پچیس سو بیس اکانومی کلاس کا کرایہ گیارہ سو پچاس سے بڑھ کر بارہ سو دس روپے ہو گیا ہے۔
ذریعہ: Jasarat News
کلیدی لفظ: اے سی سٹینڈرڈ ایکسپریس کا سے بڑھ کر لاہور سے ہو گیا
پڑھیں:
بینکوں سے قرض لے کر گاڑیاں خریدنے کے رجحان میں نمایاں اضافہ
لاہور(اُردو پوائنٹ اخبارتازہ ترین - این این آئی۔ 21 اپریل2025ء)اسٹیٹ بینک کی پابندیوں کے باوجود بینکوں سے قرض لے کر گاڑیاں خریدنے کا رجحان ایک بار پھر بڑھنے لگا۔ رپورٹ کے مطابق بینک لیز پر گاڑیوں کی خریداری کا نیا ریکارڈ بن گیا، تین سال بعد کسی ایک ماہ میں بینکوں سے ڈھائی سو ارب سے زائد کی آٹو فنانسنگ ہوئی۔ بھاری قرضے لے کر ادھار پر گاڑیوں خریدی گئیں۔(جاری ہے)
اعدادوشمار کے مطابق مارچ میں ہونے والا یہ کاروبار پچھلے سال کی نسبت 7.5 فیصد زیادہ ہے۔ آٹو فنانسگ کیلئے بینک ریٹ سنگل ڈیجٹ تک نیچے آچکا ہے جو خریداروں کیلئے باعث کشش ہے۔ماہرین کے مطابق قرضہ دینے کی حد 30 لاکھ روپے اور ڈائون پیمنٹ 30 فیصد کی اسٹیٹ بینک کی شرط کار فنانسنگ محدود کرسکتی ہے۔ مستحکم کرنسی ریٹ اور معیشت پر لوگوں کا اعتماد قرض لے کر گاڑیاں خریدنے کے رجحان کو بڑھا رہا ہے۔ماہرین کا کہنا ہے کہ شرح سود سنگل ڈیجٹ میں آنے اور اسٹیٹ بینک کی پابندیاں نرم ہونے سے مستقبل میں بینک لیز پر گاڑیاں لینے کا رجحان مزید بڑھے گا۔
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ