نائیجیریا میں اسکول میں آتشزدگی سے 17 طالب علم جاں بحق
اشاعت کی تاریخ: 5th, February 2025 GMT
ABUJA:
نائیجیریا کے شمالی قصبے میں ایک اسکول میں بدترین آتشزدگی سے 17 طالب علم جاں بحق اور متعدد زخمی ہوگئے۔
غیرملکی خبرایجنسی کی رپورٹ کے مطابق شمالی نائیجیریا کے قصبے کوران نمودا میں اسکول میں آتشزدگی سے 17 بچے جاں بحق اور دیگر کئی جھلس کر زخمی ہوگئے، اسکول میں بچوں کو دینی تعلیم دی جا رہی تھی۔
پولیس نے بتایا کہ آگ کے باعث جھلس کر زخمی ہونے والے متعدد بچوں کو اسپتال منتقل کردیا گیا ہے، اسکول میں زیرتعلیم بچوں کی عمریں 7 سے 17 سال کے درمیان تھیں۔
ان کا کہنا تھا کہ جھلس کر زخمی ہونے والے بچوں کی تعداد 12 سے زائد ہے، جو شدید زخمی ہیں۔
ترجمان پولیس یزید ابوبکر نے بتایا کہ آگ لگنے کی وجوہات کا تعین کرنے کے لیے تفتیش شروع کردی گئی ہے۔
اسکول میں آتشزدگی کے نتیجے میں جاں بحق ہونے والے دو بچوں کے والد حسینی ادامو نے بتایا کہ آگ اسکول کے قریب واقع ایک گھر میں لگی اور پھیلتے پھیلتے اسلامی اسکول تک پہنچ گئی۔
.ذریعہ: Express News
کلیدی لفظ: اسکول میں
پڑھیں:
سونے کی بالی گم ہونے پر بیوی کو جلانے والے سفاک ملزم کو 12 سال قید کی سزا
ایڈیشنل ڈسٹرکٹ اینڈ سیشن جج غربی نے سونے کی بالی گم ہونے پر پیٹول چھڑک کر بیوی کو جلانے کے مقدمے کا فیصلہ سناتے ہوئے سفاک ملزم کو 12 سال قید کی سزا سنادی۔
ایڈیشنل ڈسٹرکٹ اینڈ سیشن جج غربی نے سونے کی بالی گم ہونے پر بیوی کو جلانے کے مقدمے کا 6 سال بعد فیصلہ سنایا۔
استغاثہ جرم ثابت کرنے میں کامیاب رہا اور ایڈیشنل ڈسٹرکٹ اینڈ سیشن جج امیر الدین نے ملزم مہتاب کو 12 سال قید کی سزا سنادی۔
عدالت نے ملزم کو دیت کی سزا بھی سنادی، عدالت نے ملزم کو مقتولہ کے ورثا کو 5 سال تک 5 ہزار روپے ماہانہ ادا کرنے کا حکم دیا۔
عدالت نے اپنے فیصلے میں کہا کہ یہ کیس اس چیز کی ضرورت کو اجاگر کرتا ہے کہ صنفی بنیاد پر تشدد کا خاتمہ ہو، ان واقعات میں عدلیہ کا کردار اہمیت کا حامل ہے، اس کیس میں مقتولہ کا مرتے وقت قلمبند کروایا گیا بیان اہم تھا۔
استغاثہ کے مطابق مقتولہ اور اس کے شوہر کے درمیان بالی گم ہونے پر جھگڑا ہوا، شوہر نے مقتولہ پر پیٹرول چھڑکا جب کہ اس کے سسر ذوالفقار نے آگ لگائی، مقتولہ کے بھائی نے موقع پر پہنچ کر خاتون کو اسپتال منتقل کیا، بعد ازاں مقتولہ دوران علاج دم توڑ گئی۔
دوران ٹرائل خاتون کے سسر ملزم ذوالفقار کا انتقال ہوگیا تھا، پولیس کے مطابق ملزم کیخلاف تھانہ مومن آباد میں مقدمہ درج کیا گیا تھا۔
سنگاپور میں پارلیمنٹ تحلیل، عام انتخابات 3 مئی کو ہوں گے