کشمیر ہماری شہ رگ ہے کشمیر کے بغیر پاکستان نامکمل ہے، محمد مجاہد اسماعیل رضوی
اشاعت کی تاریخ: 5th, February 2025 GMT
یکجہتی کشمیر ریلی سے خطاب کرتے ہوئے ٹی ایل پی کے رہنمائوں کا کہنا تھا کہ بھارتی بربریت کو 77 سال گزر گئے حکومت پاکستان کو اب عملی اقدام اٹھانا ہوگا، انڈیا طاقت کی زبان سمجھتا ہے کشمیر کی آزادی کا واحد حل اعلان جہاد ہے۔ اسلام ٹائمز۔ 5 فروری یوم یکجہتی کشمیر کے موقع پر تحریک لبیک پاکستان ملتان کے زیراہتمام لبیک بیت المقدس و کشمیر ریلی نکالی گئی، ریلی چوک دولت گیٹ تا چوک گھنٹہ گھر تک نکالی گئی، جس کی قیادت ضلعی امیر فقیر افضل نقشبندی اور سرپرستی ڈویڑنل امیر علامہ محمد مجاہد اسماعیل رضوی نے کی، شرکائے ریلی سے خطاب کرتے ہوئے ڈویڑنل امیر محمد مجاہد اسماعیل رضوی نے کہا کہ کشمیر ہماری شہ رگ ہے، کشمیر کے بغیر پاکستان نامکمل ہے، بھارتی ظلم و بربریت کو 77 سال گزر گئے جبکہ ہمارے حکمران اقوام متحدہ کی راہیں تک رہے ہیں، وہ کشمیر لے کر دینگے اقوام متحدہ نے کبھی کشمیر آزاد نہیں کروانا، حکومت پاکستان کو اب عملی اقدام اٹھانا ہوگا۔
انہوں نے کہا کہ انڈیا طاقت کی زبان سمجھتا ہے، کشمیر کی آزادی کا واحد حل اعلان جہاد ہے، ضلعی امیر فقیر افضل نقشبندی نے کہا کہ خالی مذمتیں کرنے سے کشمیر آزاد نہیں ہوگا۔ کشمیر کا واحد حل صرف جہاد فی سبیل اللہ ہے، مزید ان کا کہنا تھا کہ اقتدار میں آکر آزادی کشمیر کے لیے عملی قدم اٹھائیں گے، اس موقع پر ڈویڑنل ناظم چوہدری بلال نور رضوی اور معزز علماء کرام، سماجی شخصیات، انجمن تاجران، وکلاء برادری، حلقہ پی پیز کے امراء ناظمین سمیت کثیر تعداد میں یوسی کارکنان نے شرکت کی جنہوں نے ہاتھوں میں پلے کارڈ اٹھا رکھے تھے، جس پر کشمیر ہماری شہ رگ ہے، کشمیر چھین لینگے لبیک کہنے والے ، الجہاد الجہاد لبیک لبیک کے نعرے درج تھے۔
ذریعہ: Islam Times
کلیدی لفظ: کشمیر کے
پڑھیں:
ایم ڈبلیو ایم کے مرکزی کنونشن میں '' محفل مذاکراہ '' کا انعقاد، بانی اراکین کی شرکت
محفل مذاکراہ میں وائس چیئرمین ایم ڈبلیو ایم علامہ سید احمد اقبال رضوی، مجلس علمائے مکتب اہلیبیت پاکستان کے سربراہ حجتہ الاسلام والمسلمین علامہ سید حسنین عباس گردیزی، مرکزی جنرل سیکرٹری ایم ڈبلیو ایم پاکستان سید ناصر عباس شیرازی، معروف تعلیمی شخصیت و سابق مرکزی صدر امامیہ اسٹوڈنٹس آرگنائزیشن پاکستان سید امتیاز علی رضوی، سابق صوبائی وزیر و اپوزیشن لیڈر گلگت بلتستان میثم کاظم بطور مہمان شریک ہوئے۔ اسلام ٹائمز۔ مجلس وحدت مسلمین پاکستان کے مرکزی بقیة اللہ کنونشن میں تنظیم کے ماضی، حال اور مستقبل کی صورتحال کے حوالے سے '' محفل مذاکرہ '' کا اہتمام کیا گیا، محفل مذاکراہ کی نظامت مرکزی صدر عزاداری ونگ ملک اقرار حسین علوی نے کی، جبکہ وائس چیئرمین مجلس وحدت مسلمین پاکستان علامہ سید احمد اقبال رضوی، مجلس علمائے مکتب اہلیبیت پاکستان کے سربراہ حجتہ الاسلام والمسلمین علامہ سید حسنین عباس گردیزی، مرکزی جنرل سیکرٹری ایم ڈبلیو ایم پاکستان سید ناصر عباس شیرازی، معروف تعلیمی شخصیت و سابق مرکزی صدر امامیہ اسٹوڈنٹس آرگنائزیشن پاکستان سید امتیاز علی رضوی، سابق صوبائی وزیر و اپوزیشن لیڈر گلگت بلتستان میثم کاظم نے بطور مہمان شرکت کی۔ محفل مذاکراہ میں تنظیم کے ماضی، حال اور مستقبل کے حوالے سے شوریٰ عمومی کی جانب سے سوالات کیے گئے جنہیں مقررین نے احسن انداز میں بیان کیا۔
سندھ پبلک اکاﺅنٹس کمیٹی کا اجلاس‘کراچی ڈیویلپمنٹ اتھارٹی کے 5سو جعلی پنشنرز کو 66 کروڑ کی ادائیگی پر ڈائریکٹر فنانس معطل