آئی سی سی رینکنگ، ون ڈے میں بابر اور رضوان کی تنزلی
اشاعت کی تاریخ: 5th, February 2025 GMT
انٹرنیشنل کرکٹ کونسل (آئی سی سی) نے تینوں فارمیٹ کی نئی رینکنگ جاری کردی ہے، 50 اوورز کے فارمیٹ میں بابر اعظم اور کپتان محمد رضوان کی تنزلی ہوئی ہے۔
آئی سی سی کی جانب سے ٹیسٹ، ون ڈے اور ٹی 20 کی نئی رینکنگ جاری کی گئی ہے جس میں قومی ٹیم کے کپتان محمد رضوان کی تنزلی جبکہ سعود شکیل اپنی جگہ برقرار رکھنے میں کامیاب رہے۔
ٹیسٹ بیٹسمین رینکنگ
آئی سی سی کی ٹیسٹ رینکنگ میں انگلینڈ کے جو روٹ بدستور پہلے نمبر پر ہیں، جبکہ دوسرے پر انگلینڈ کے ہی ہیری بروک، تیسرے پر نیوزی لینڈ کے کین ولیمسن، چوتھے پر بھارت کے یشسوی جیسوال پر ہیں۔
آسٹریلیا کے اسٹیو اسمتھ نے تین درجہ ترقی کے بعد پانچویں جبکہ سری لنکا کے مینڈس نے ایک درجہ ترقی کے بعد چھٹی پوزیشن حاصل کی ہے۔
ٹیسٹ رینکنگ میں ٹاپ 10 کھلاڑیوں میں پاکستان کے صرف سعود شکیل شامل ہیں جبکہ محمد رضوان ایک درجہ تنزلی کے بعد 16ویں نمبر پر پہنچ گئے اور بابر اعظم کا 19واں نمبر برقرار ہے۔
ٹیسٹ بولر رینکنگ
رینکنگ میں بمراہ کا پہلا نمبر ہے جبکہ جنوبی افریقا کے کاگیسو ربادا دوسرے، آسٹریلیا کے پیٹ کمنز تیسرے، جوش ہیزل ووڈ چوتھے اور پاکستان کے نعمان علی پانچویں نمبر پر رہے۔
اس کے علاوہ پاکستان کا کوئی بھی بالر ٹاپ 20 ٹیسٹ بولر کی رینکنگ میں شامل نہیں ہوسکا۔
ٹیسٹ آل راؤنڈر رینکنگ
ٹیسٹ فارمیٹ کی آل راؤنڈ کیٹگری میں بھارت کے رونیدرا جدیجا پہلے، جنوبی افریقا کے مارکو دوسرے، بنگلادیش کے مہد حسن تیسرے نمبر پر رہے۔
ون ڈے بیٹسمین رینکنگ
ون ڈے رینکنگ میں بابر اعظم کی بادشاہت برقرار ہے جبکہ دوسرے، تیسرے اور چوتھے نمبر پر بھارت کے روہت شرما، شبھمن گل اور ویرات کوہلی براجمان ہیں۔ پانچویں نمبر پر جنوبی افریقا کے ہائنرک کلاسن موجود ہیں۔
پاکستان کے فخر زمان ایک درجہ ترقی کے بعد 17ویں نمبر پر آگئے ہیں اس کے علاوہ امام الحق 21، محمد رضوان 22 اور صائم ایوب 23ویں نمبر پر ہیں۔
ون ڈے بولر
آئی سی سی کی بولنگ رینکنگ میں افغانستان کے راشد خان پہلے، بھارت کے کلدیپ یادوو دوسرے جبکہ سری لنکا کے مہیش تین درجہ ترقی کے بعد تیسرے نمبر پر پہنچ گئے۔
شاہین آفریدی ایک درجہ تنزلی کے بعد تیسرے سے چوتھے نمبر پر آگئے۔ اس کے علاوہ حارث رؤف کی 18ویں پوزیشن مستحکم رہی۔
ون ڈے آل راؤنڈر کیٹگری
اس کیٹگری میں افغانستان کے محمد نبی بدستور پہلے نمبر پر براجمان ہیں، دوسرے نمبر پر زمبابوے کے سکندر رضا، تیسرے نمبر پر افغانستان کے عظمت اللہ، چوتھے پر بنگلادیش کے مہدی حسن اور پانچویں نمبر پر افغانستان کے راشد خان موجود ہیں۔
ٹاپ 20 آل راؤنڈرز میں پاکستان کے واحد شاہین شاہ آفریدی 18ویں نمبر پر موجود ہیں۔
ٹی 20 بیٹسمین رینکنگ
آئی سی سی کی ٹی ٹوینٹی رینکنگ میں آسٹریلیا کے ٹریوس ہیڈ پہلے نمبر پر ہیں جبکہ بھارت کے ابھیشیک شرما 38 درجہ ترقی کے بعد دوسرے نمبر پر پہنچ گئے اور انہوں نے تلک ورما سے پوزیشن چھین لی۔
تیسرے پر بھارت کے تلک ورما، چوتھے پر انگلینڈ کے فل سالٹ اور بابر اعظم 7ویں نمبر پر موجود ہیں۔
ٹی 20 کے ٹاپ ٹین بلے بازوں میں بابر اعظم اور محمد رضوان شامل ہیں جو 7ویں اور 9ویں پوزیشن حاصل کرنے میں کامیاب رہے۔
ٹی 20 بولنگ رینکنگ
مختصر اوور کے فارمیٹ کی بولنگ رینکنگ میں ویسٹ انڈیز کے عقیل حسین پہلے نمبر پر رہے اور انہوں نے انگلینڈ کے عادل رشید کی جگہ پر قبضہ کرلیا۔
عادل رشید ایک درجہ تنزلی کے بعد دوسرے، بھارت کے ورن چکرورتی تین درجہ ترقی کے بعد تیسرے نمبر پر آئے۔ ٹاپ 20 بولرز میں کسی بھی پاکستانی کھلاڑی کا نام شامل نہیں ہے۔
ٹی 20 آل راؤنڈر رینکنگ
اس کیٹگری میں بھارت کے ہاردک پانڈیا پہلے، نیپال کے دیپندر سنگھ ایری دوسرے، آسٹریلیا کے مارکس اسٹوئنس ایک درجہ ترقی کے بعد تیسرے، افغانستان کے محمد نبی بھی ایک درجہ ترقی کے بعد چوتھے نمبر پر آگئے۔
پاکستان کے سابق آل راؤنڈر عماد وسیم ایک درجہ تنزلی کے بعد 13ویں سے 14ویں پوزیشن پر پہنچ گئے۔
.ذریعہ: Express News
کلیدی لفظ: ایک درجہ تنزلی کے بعد ایک درجہ ترقی کے بعد تیسرے نمبر پر افغانستان کے کے بعد تیسرے پہلے نمبر پر ا سٹریلیا کے ا ئی سی سی کی پر پہنچ گئے انگلینڈ کے محمد رضوان پاکستان کے موجود ہیں بھارت کے پر ہیں
پڑھیں:
کسی صوبے کا پانی دوسرے صوبے کے حصے میں نہیں جا سکتا؛ رانا ثناء اللہ
سٹی 42 : وزیراعظم کے مشیر برائے بائے الصوبائی رابطہ رانا ثنا اللہ خان نے کہا ہے کہ اکائیوں کے پانی سمیت وسائل کی منصفانہ تقسیم پر مکمل یقین رکھتے ہیں، کسی صوبے کا پانی دوسرے صوبے کے حصے میں نہیں جا سکتا۔
رانا ثنا اللہ خان نے اپنے بیان میں کہا کہ قائد محمد نواز شریف وزیراعظم شہباز شریف نے پی پی پی سے بات چیت کے ذریعے مسائل کے حل کی ہدایت کی ہے۔ انہوں نے کہاکہ اکائیوں کے پانی سمیت وسائل کی منصفانہ تقسیم پر مکمل یقین رکھتے ہیں۔ پیپلز پارٹی وفاق کا حصہ ہے، آئینی عہدوں پر رہتے ہوئے بات زیادہ ذمہ داری سے کرنی چاہئے، ہمیں پی پی پی کی قیادت کا بہت احترام ہے۔
اسحاق ڈار کی افغان حکام سے اہم ملاقاتیں، مشترکہ امن و ترقی کا عہد
رانا ثنا اللہ نے کہاکہ 1991ء میں صوبوں کے درمیان طے پانے والے معاہدے اور 1992ء کے ارسا ایکٹ کی موجودگی میں کسی سے ناانصافی نہیں ہو سکتی۔ انہوں نے کہا کہ اس امر کو یقینی بنانے کے لیے ملک میں آئینی طریقہ کار اور قوانین موجود ہیں، پانی کے مسئلے پر سیاست نہیں کرنی چاہیے، معاملات میز پر بیٹھ کر حل کرنے چاہئیں۔
انہوں نے مزید کہا کہ اکائیوں کی مضبوطی کو وفاق کی مضبوطی سمجھتے ہیں، ماضی کی طرح اسی طرز عمل پر چلتے رہیں گے، آئین و جمہوریت پر پختہ یقین رکھنے والی جماعت کے طور پر اکائیوں اور اس میں رہنے والے عوام کے حقوق کے تحفظ پر سمجھوتہ کیا نہ کریں گے ۔ انہوں نے کہا کہ بات چیت اور مشاورت ہی ہر مسئلے کا حل ہے۔
سرکاری گاڑی کا استعمال، سوشل میڈیا پر وڈیو وائرل کرنیوالے ڈان ساتھی سمیت گرفتار
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ