امریکی صدر ٹرمپ کا غزہ خالی کرانے کا احمقانہ خواب کبھی شرمندہ تعبیر نہیں ہوگا، متحدہ علماء محاذ
اشاعت کی تاریخ: 5th, February 2025 GMT
علماء مشائخ نے کہا کہ غزہ خالی کرانے پر مصر و بضد فانی طاقت کے نشے میں بدحواس بدنام زمانہ ٹرمپ کے خلاف ایران، سعودی عرب کی طرح پاکستان سمیت دیگر مسلم ممالک کو بھی فلسطینی امنگوں سے ہم آہنگ مشترکہ جرأت مندانہ موقف اختیار کرنا چاہیئے۔ اسلام ٹائمز۔ متحدہ علماء محاذ پاکستان میں شامل مختلف مکاتب فکر کے جید علماء مشائخ، قائدین مولانا محمد امین انصاری، علامہ مرزا یوسف حسین، علامہ عبدالخالق فریدی سلفی، شیخ الحدیث مولانا مفتی محمد داؤد، علامہ سید محمد عقیل انجم قادری و دیگر نے اپنے مشترکہ اخباری بیان میں کہا ہے کہ امریکی صدر ٹرمپ کا غزہ خالی کرانے کا احمقانہ خواب کبھی شرمندہ تعبیر نہیں ہوگا، امریکہ و اسرائیل غزہ فلسطین کی جنگ میں ذلت آمیز شکست کے باعث بدحواس و نفسیاتی ہوگئے ہیں۔
ان کا کہنا تھا کہ تعمیر و ترقی کے پس پردہ مذموم عزائم ظلم و جبر اور حق و انصاف اور انسانی حقوق کا کھلا قتل ہے، غزہ خالی کرانے پر مصر و بضد فانی طاقت کے نشے میں بدحواس بدنام زمانہ ٹرمپ کے خلاف ایران، سعودی عرب کی طرح پاکستان سمیت دیگر مسلم ممالک کو بھی فلسطینی امنگوں سے ہم آہنگ مشترکہ جرأت مندانہ موقف اختیار کرنا چاہیئے، اقوام متحدہ سمیت حقوق انسانی کے عالمی ادارے اور غیر جانبدار انصاف پسند اقوام اہل غزہ کی جبری بے دخلی و منتقلی کے خلاف آواز اٹھائیں اور عملی اقدامات کریں۔
ذریعہ: Islam Times
کلیدی لفظ: غزہ خالی کرانے
پڑھیں:
’ امریکا میں کوئی بادشاہ نہیں‘ مختلف شہروں میں ٹرمپ مخالف مظاہرے
’ امریکا میں کوئی بادشاہ نہیں‘ مختلف شہروں میں ٹرمپ مخالف مظاہرے WhatsAppFacebookTwitter 0 20 April, 2025 سب نیوز
واشنگٹن:امریکا کے مختلف شہروں میں صدر ڈونلڈ ٹرمپ کے خلاف مظاہروں کا سلسلہ جاری ہے جبکہ آج بھی ہزاروں مظاہرین نے نیویارک، واشنگٹن سمیت دیگر شہروں میں امریکی صدر کے خلاف بڑی ریلیاں نکالیں۔
غیر ملکی میڈیا رپورٹس کے مطابق نیویارک میں لوگ شہر کی مرکزی لائبریری کے باہر جمع ہوئے، انہوں نے پلے کارڈز اٹھا رکھے جن پر امریکی صدر کے خلاف نعرے درج تھے اور “امریکا میں کوئی بادشاہ نہیں” اور “ظالم کے خلاف مزاحمت” جیسے الفاظ درج تھے۔
بہت سے لوگوں نے ڈونلڈ ٹرمپ کی جانب سے غیر دستاویزی تارکین وطن کی ملک بدری کے فیصلے کو تنقید کا نشانہ بنایا اور کہا کہ کوئی آئی سی ای (تارکین وطن کےخلاف کریک ڈانؤن کرنے والی ایجنسی) نہیں، کوئی خوف نہیں، یہاں تارکین وطن کا خیر مقدم ہے کے نعرے لگائے۔
واشنگٹن میں مظاہرین نے تشویش کا اظہار کیا کہ ڈونلڈ ٹرمپ شفاف طریقہ کار پر عمل درآمد کے حق سمیت طویل عرصے سے رائج قابل احترام آئینی اصولوں کو خطرے میں ڈال رہے ہیں۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی