چین کا التے سکی کے شوقین افراد اور سیاحوں کے لئے پرکشش مقام بن گیا
اشاعت کی تاریخ: 5th, February 2025 GMT
چین کا التے سکی کے شوقین افراد اور سیاحوں کے لئے پرکشش مقام بن گیا WhatsAppFacebookTwitter 0 5 February, 2025 سب نیوز
بیجنگ(شِنہوا)چین کے شمال مغربی سنکیانگ خودمختار علاقے کے شہر التے کے دل میں واقع سنکیانگ جیانگ جُن شان ماؤنٹین انٹرنیشنل سکی ریزارٹ ایک قومی 5 ایس کلاس الپائن سکیئنگ کا مقام ہے۔ یہ جگہ شہر کے قریب ہونے، وافر برفباری اور طویل عرصے تک موثر برفانی موسم کی وجہ سے مشہورہے۔ یہ ریزارٹ سکی کے شوقین افراد اور موسم سرما کے کھیلوں کے سنسنی خیز تجربے کے شوقین سیاحوں کے لئے ایک پرکشش مقام بن گیا ہے۔
جیانگ جُن شان ماؤنٹین انٹرنیشنل سکی ریزارٹ تقریباً 70 کلومیٹر سکی ٹریلز پر مشتمل ہے۔ جوسکیئرز کی مختلف ضروریات کو پورا کرتاہے۔
اس سکی پارک کا ڈیزائن، تعمیر اور روزانہ کی دیکھ بھال کا انتظام مقامی نوجوان چھیاؤ مو کی سربراہی میں ایک ٹیم کے ذریعہ کیا جاتا ہے۔ جیانگ جُن شان ماؤنٹین انٹرنیشنل سکی ریزارٹ کی مدد سے اور 6 سے 7 سال کی مشق کے ذریعے چھیاؤ کی ٹیم نے پارک کی تعمیر کے رہنمااصول تیار کئے جو سکیئنگ مارکیٹ کے موجودہ طلب سے مطابقت رکھتے ہیں۔
التے علاقائی ثقافت وسیاحت کے شعبے کے اعداد و شمار کے مطابق 2024-2025 کے سکی سیزن کے آغاز سے لے کر یکم فروری تک ریزارٹ نے 6لاکھ سے زیادہ سیاحوں کا خیرمقدم کیا۔ یہ تعداد پچھلے سال کے مقابلے میں 23 فیصد زیادہ ہے۔
ذریعہ: Daily Sub News
کلیدی لفظ: کے شوقین
پڑھیں:
پاکستان کے ساتھ گلوبل سیکیورٹی تعاون کو فروغ دیں گے، چین
جیانگ زیڈونگ نے گفتگو میں کہا کہ سی پیک کے جدید ورژن کو تشکیل دیں گے، دہشتگردی کے خلاف پاکستان کی صلاحیتیں بڑھانے میں مدد کریں گے، پاکستان کے استحکام کی کوششوں کو محفوظ بنائیں گے۔ اسلام ٹائمز۔ اسلام آباد میں تعینات چینی سفیر جیانگ زیڈونگ نے نجی ٹی وی کیساتھ گفتگو کی انھوں نے کہا کہ پاکستان کو قومی خودمختاری میں مدد فراہم کریں گے، پاکستان کو ترقی کے راستے پر چلنے میں مدد دیں گے۔ جیانگ زیڈونگ نے گفتگو میں کہا کہ سی پیک کے جدید ورژن کو تشکیل دیں گے، پاکستان کے ساتھ گلوبل سیکیورٹی تعاون کو فروغ دیں گے۔ چینی سفیر نے یہ بھی کہا کہ دہشتگردی کے خلاف پاکستان کی صلاحیتیں بڑھانے میں مدد کریں گے، پاکستان کے استحکام کی کوششوں کو محفوظ بنائیں گے۔
پاک-چین میری ٹائم کے شعبے میں مذاکرات کا پانچواں دور، تعاون برقرار رکھنے کا فیصلہ