نامعلوم افراد کی فائرنگ ، ڈپٹی سپرنٹنڈنٹ ڈسٹرکٹ جیل کوئٹہ محمد قاسم جاں بحق
اشاعت کی تاریخ: 5th, February 2025 GMT
کوئٹہ (نیوزڈیسک)نامعلوم افراد کی جیل روڈ پر فائرنگ ڈسٹرکٹ جیل کوئٹہ کے ڈپٹی سپرنٹنڈنٹ محمد قاسم موقع پر ہی جاں بحق ہوگئے، مقتول اپنی گاڑی میں جیل سے گھر جا رہے تھے۔پولیس نے علاقے کی ناکہ بندی کرکے ملزمان کی تلاش شروع کردی
پولیس کے مطابق منگل کی شب ڈسٹرکٹ جیل کوئٹہ کے ڈپٹی سپرنٹنڈنٹ حاجی محمد قاسم رئیسانی جیل سے اپنی گاڑی میں گھر کی طرف روانہ ہوئے جیل روڈ پر مرک مارکر فیکٹری کے قریب اسپیڈ بریکر پر جونہی گاڑی آہستہ ہوئی تو نامعلوم مُسلح ملزمان نے ان پر پستول سے فائرنگ کردی۔
جس کے نتیجے میں ڈپٹی سپرنٹنڈنٹ شدید زخمی ہوگئے تاہم ڈپٹی سپرنٹیڈنٹ زخموں کی تاب نہ لاتے ہوئے اسپتال پہنچنے سے پہلے ہی دم توڑ گئے۔ملزمان واردات کے بعد فرار ہونے میں کامیاب ہوگئے جبکہ پولیس نے پورے علاقے کی ناکہ بندی کرتے ہوئے حملہ آوروں کی تلاش شروع کردی۔
پولیس کے مطابق مقتول کے سر اور چہرے پر گولیاں لگیں جس سے ان کی موت واقع ہوئی، واقعہ 7 بج کر 20 منٹ پر پیش آیا تھا۔میت قانونی کارروائی کے بعد ورثا کے حوالے کر دی گئی جبکہ سول لائن پولیس تھانہ اس حوالے سے مزید کاروائی کر رہی ہے۔
پاسکو، پنجاب فوڈ اتھارٹی ، یوٹیلٹی سٹورز آف پاکستان سمیت متعدد سرکاری ادارے اربوں روپے کے مقروض نکلے
ذریعہ: Daily Ausaf
کلیدی لفظ: ڈپٹی سپرنٹنڈنٹ
پڑھیں:
امریکی شہریت رکھنے والے یرغمالی سے متعلق حماس کا اہم بیان سامنے آگیا