چمپئنزٹرافی ، ٹکٹوں کی فروخت، آئوٹ لیٹس پر شائقین کا رش، قطاریں لگ گئیں
اشاعت کی تاریخ: 4th, February 2025 GMT
لاہور (اسپورٹس ڈیسک)آئی سی سی چیمپئینز ٹرافی کیلئے ٹکٹوں کا حصول شائقین کرکٹ کیلئے جنگ بن گیا۔پاکستان کرکٹ بورڈ(پی سی بی) کی جانب سے جاری کردہ اعلامیے کے مطابق ملک میں ہونیوالے میچوں کے فزیکل ٹکٹس کی فروخت کا آغاز ہوگیا۔ فریکل ٹکٹس فراہم کرنیوالی کورئیر کمپنی ٹی سی ایس نے 26 شہروں کے 108 آئوٹ لیٹس پر ٹکٹ کانٹرز بنائے تھے تاہم شائقین کرکٹ کی بڑی تعداد کے باعث ٹکٹوں کا حصول مشکل ہوگیا۔ فریکل ٹکٹس کی فروخت کا آغاز شام 4 بجے سے شروع ہوا 6 بجے تک جاری رہا، اس دوران کئی فینز ٹکٹ پانے میں کامیاب رہے تو متعدد افراد کو خالی ہاتھ گھر لوٹنا پڑا۔کوئیر کمپنی کی جانب سے ایک شناختی کارڈ پر 4 ٹکٹس جاری کیے گئے۔ اسی طرح گزشتہ بک کیے گئے آن لائن ٹکٹ 6 فروری جبکہ ٹکٹس کی ہوم ڈیلیوری 8 فروری کو کی جائے گی۔شائقین کراچی، لاہور اور راولپنڈی میں ہونے والے دوسرے سیمی فائنل سمیت 10 میچوں کے ٹکٹ آن لائن اور نجی کوریئر کمپنی کے 100 سے زائد آوٹ لیٹس سے خرید سکیں گے۔
.ذریعہ: Jasarat News
پڑھیں:
عماد وسیم کا نیا انداز جشن تنقید کی زد میں
پی ایس ایل 10 میں اسلام آباد یونائیٹڈ کے آل راؤنڈر عماد وسیم جشن منانے کے نئے انداز پر تنقید کی زد میں آگئے۔ اسلام آباد یونائیٹڈ نے گزشتہ روز کراچی کنگز کو 6 وکٹوں سے شکست دے کر ایونٹ میں مسلسل چوتھی کامیابی حاصل کی، عماد وسیم نے ایک وکٹ حاصل کی۔تاہم فتح کے باوجود یونائیٹڈ کے آل راؤنڈر عماد وسیم جشن منانے کے اپنے نئے انداز کی وجہ سے شائقین کی تنقید کا نشانہ بن گئے ہیں۔کنگز کی بیٹنگ کے دوران عماد نے اپنے اوور میں ٹم سائفرٹ کو آؤٹ کیا۔وکٹ کے بعد عماد کے ایک ہاتھ ماتھے پر رکھ کر جشن مناتے ہوئے ڈانس کرنا شروع کیا جو شائقین کو ایک آنکھ نہ بھایا اور شائقین نے ان پر تنقید کی۔ایک صارف نے لکھا کہ ’جیسے انہوں نے ورلڈ کپ میں بھارت کے خلاف میچ وننگ اننگز کھیلی ہو۔
بابراعظم کی ناقص فارم؛ پشاور زلمی کی کپتانی» بھی لینےکا مطالبہ