97 کروڑ سے زاید ٹیکسز کی چوری پر 2 کمپنیوں کیخلاف مقدمہ درج
اشاعت کی تاریخ: 4th, February 2025 GMT
کراچی (اسٹاف رپورٹر) ڈائریکٹوریٹ آف پوسٹ کلیئرنس آڈٹ ساؤتھ نے ایکسپورٹ فیسی لیٹیشن اسکیم کا غلط استعمال کرکے 97 کرورڑ سے زاید مالیت کے ڈیوٹی وٹیکسز کی چوری میں ملوث 2 یونٹ میں شامل میسرز ایم ڈی انڈسٹریز کے مالک عبدالقادر میمن اور میسرز دینار انڈسٹریز کے خلاف مقدمہ درج کرکے قانونی کارروائی کا آغاز کر دیا ہے۔ پوسٹ کلیئرنس آڈٹ ساؤتھ نے پاکستان کے تمام ایکسپورٹ کلکٹریٹس کو میسرز دینار انڈسٹریز پرائیویٹ لمیٹڈ کے نام پر دائر کسی بھی آمدات سے ہوشیار رہنے کے لیے الرٹ بھی جاری کیا ہے۔ تفصیلات کے مطابق ڈائریکٹرپوسٹ کلیئرنس آڈٹ شیراز احمدکو خفیہ اطلاع موصول ہوئی کہ مذکورہ کمپنی کی جانب سے ایکسپورٹ فیسی لیٹیشن اسکیم کا غلط استعمال کیا جارہا ہے جس پر کمپنی کے خلاف تحقیقات شروع کرکے ٹیکس کی ایک بڑی چوری کا پردہ فاش کیا گیا۔ ایف آئی آر کے مطابق، برآمدی پیٹرن نے اس وقت شکوک و شبہات کو جنم دیا جب مذکورہ کمپنی کی جانب سے جنوری 2025ء میں درآمد اچانک ماہانہ ایک کنٹینر سے بڑھ کر47 کنٹینرز تک پہنچ گئی تاہم کمپنیوں میں سے ایک کے مکمل معائنہ سے انوینٹری میں نمایاں تضادات سامنے آئے۔ ایکسپورٹ فیسی لیٹیشن اسکیم کے تحت درآمد کیے گئے 1550 میٹرک ٹن لیڈانگٹس میں سے صرف111 میٹرک ٹن برآمدکیے گئے جبکہ درآمد کیا جانے والا خام مال مقامی مارکیٹ میں مہنگے داموں فروخت کیا گیا۔ اسی طرح درآمد کیے گئے 2751 میٹرک ٹن میں سے صرف 307 میٹرک ٹن دستیاب پایا گیا۔ تحقیقات میں یہ بات سامنے آئی کہ ایک ملزم کمپنی اپنے برانڈ کے تحت سیسے کی انگوٹیاں تیار کر رہی تھی۔ جسے بعد میں دوسری ملزم کمپنیوں کے نام سے جعلی طور پر برآمد کیا گیا۔ ایکسپورٹ فیسی لیٹیشن اسکیم کے تحت درآمدکیے جانے والے سامان کی مجموعی مالیت ایک ارب 60 کروڑ روپے ہے جبکہ غائب ہوئے سامان کی مالیت 87 کروڑ 30 لاکھ روپے ہے۔مذکورہ کمپنیوں نے مجموعی طورپر 97 کروڑ 70 لاکھ روپے مالیت کے ٹیکسزکی چوری کی۔ دونوں کمپنیوں کے نیشنل ٹیکس نمبرز اور سیلز ٹیکس رجسٹریشن نمبرز ایف بی آر کی ٹیکس دہندگان کی فہرست میں معطل پائے گئے۔ جس پر پی سی اے ساؤتھ نے ایف آئی آر درج کرائی ہے اور جعلی برآمدات کی تحقیقات کیلیے 2 ٹیمیں تشکیل دی ہیں۔ ملزم کمپنیوں کی جانب سے ممکنہ دھوکا دہی کی برآمدات کے حوالے سے تمام برآمدی کلکٹریٹس کو ملک گیر الرٹ جاری کردیا گیا ہے کیونکہ حکام ملوث فریقین اور ساتھیوں کو پکڑنے کیلیے اپنی کوششیں جاری رکھے ہوئے ہیں۔
.ذریعہ: Jasarat News
کلیدی لفظ: میٹرک ٹن
پڑھیں:
فلم دھُرندھر کیخلاف کراچی کی عدالت میں درخواست دائر، مقدمہ درج کرنے کا مطالبہ
پاکستان پیپلز پارٹی کے کارکن محمد عامر نے بھارتی فلم دھُرندھر کیخلاف مقامی عدالت میں آئینی درخواست دائر کردی۔
ایکسپریس نیوز کے مطابق پیپلزپارٹی کے کارکن نے بھارتی فلم کے ٹریلر میں بینظیر بھٹو شہید کی تصاویر اور پیپلز پارٹی کے پرچم و جلسوں کے مناظر کے غیر مجاز استعمال اور جماعت کو دہشت گردوں کی حمایت کرنے کے طور پر دکھائے جانے کیخلاف ڈسٹرکٹ اینڈ سیشن جج جنوبی کی عدالت میں آئینی درخواست دائر کردی ہے۔
درخواست گزار نے فلم کے ڈائریکٹر، پروڈیوسرز، اداکاروں اور متعلقہ عملے کے خلاف ایف آئی آر کے اندراج کی استدعا کی ہے۔ درخواست میں فلم کے ڈائریکٹر آدتیہ دھر، پروڈیوسر لوکیش دھر، جیوتی کشور دیش پانڈے، اداکار رنویر سنگھ، سنجے دت، اکشے کھنہ، آر مادھون، ارجن رامپال، سارہ ارجن، راکیش بینی، سنیماٹوگرافر وکاش نولکھا، ایڈیٹر شیو کمار وی پانیکر اور دیگر نامعلوم عملے کو بطور ملزمان نامزد کیا گیا ہے۔
درخواست گزار نے مؤقف اختیار کیا ہے کہ انہوں نے فلم دھُرندھر کا آفیشل ٹریلر سوشل میڈیا پر دیکھا جس میں پیپلز پارٹی کی چیئرپرسن شہید محترمہ بینظیر بھٹو کی تصاویر، پارٹی پرچم اور ریلیوں کے مناظر بلا اجازت شامل کیئے گئے۔
ٹریلر میں پیپلز پارٹی کو دہشتگردوں کی حمایت کرنے والی جماعت کے طور پر پیش کیا گیا ہے، جو جھوٹ، بد نیتی اور بدنیتی پر مبنی پروپیگنڈا ہے۔
فلم کی تشہیری مہم میں کراچی، خصوصاً لیاری کودہشت گرد اور جنگ زدہ علاقہ قرار دیا گیا ہے جو کہ شہر اور اس کے باسیوں کیخلاف انتہائی اشتعال انگیز، بے بنیاد اور نقصان دہ تاثر ہے، جس سے پاکستان کی ساکھ کو عالمی سطح پر نقصان پہنچنے کا اندیشہ ہے۔
درخواست گزار نے کہا کہ فلم کا ٹریلر عوام میں پیپلز پارٹی، اس کی قیادت اور کارکنوں کیخلاف نفرت، حقارت اور اشتعال پھیلانے کا باعث بن رہا ہے، جو پاکستان پینل کوڈ کی دفعات 499، 500، 502، 504، 505، 153-A اور 109 کے تحت قابلِ دست اندازیِ پولیس جرائم کے زمرے میں آتا ہے۔
درخواست گزار کے مطابق انہوں نے پولیس اسٹیشن درخشاں کے ایس ایچ او کو تحریری شکایت جمع کرائی مگر پولیس نے نہ تو مقدمہ درج کیا اور نہ ہی کوئی قانونی کارروائی کی، جس کے باعث وہ عدالت سے رجوع کرنے پر مجبور ہوئے۔
درخواست میں عدالت سے استدعا کی گئی ہے کہ پولیس کو فوری طور پر ایف آئی آر درج کرنے، ایس ایس پی ساؤتھ کو شفاف اور غیر جانبدارانہ تفتیش کی نگرانی کا حکم دیا جائے جبکہ فلم سے متعلق تمام ذمہ داروں کو تفتیش میں نامزد کیا جائے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر