اداکارہ کنزہ ہاشمی کی نئی ویڈیوسوشل میڈیا پروائرل
اشاعت کی تاریخ: 4th, February 2025 GMT
کراچی(شوبز ڈیسک) پاکستانی خوبرو اداکارہ کنزہ ہاشمی نے بھارتی کامیڈین و شاعر منور فاروقی کے ساتھ ریلیز ہونے والے نئے گیت ‘ہوا بن کے’ کی کامیابی پر فینز کے نام پیغام جاری کردیا۔
تفصیلا ت کے مطابق حسن و دلکشی سے سرشار کنزہ ہاشمی کے پاکستان میں تو بے شمار فینز ہیں ہی ساتھ ساتھ بھارت میں بھی انکی فین فالوئنگ زبردست ہے۔ کنزہ ہاشمی بھارتی اداکار کرن واہی اور گلوکار جوش برار کے گیتوں میں اپنے حسن کے جلوے بکھیر کر سب کو اپنا گرویدہ بنا چکی ہیں اور اب وہ ایک اور گیت کا حصہ بن چکی ہیں۔
کنزہ ہاشمی کا 3 فروری کو منور فاروقی کے ساتھ گیت ‘ہوا بن کے’ ریلیز کیا گیا جس میں دونوں اپنی اپنی بہترین اداکاری کے جوہر دکھاتے نظر آئے۔
یوٹیوب پر جاری ہوتے ہی اس گانے نے موسیقی کے متوالوں کی توجہ حاصل کرلی ہے اور نیہا ککڑ اور ریتو ربا کے کولیب کو بھی بے اتنہا پسند کیا جارہا ہے۔
گانے کی ویڈیو میں منور فاروقی اور کنزہ ہاشمی کی جوڑی بھی جچ رہی ہے اور دونوں کی کیمسٹری نے گانے کو مزید خاص بنا دیا ہے۔
سوشل میڈیا پر اس گانے کو خوب تعریف سے نوازا جارہا ہے اور اسی محبت کو دیکھ کر کنزہ ہاشمی نے فوٹو اینڈ ویڈیو شیئرنگ ایپ انسٹاگرام پر اس گانے پر بنائی گئی ریل شیئر کی اور فینز کیلئے خاص پیغام لکھا۔
کنزہ ہاشمی نے لکھا کہ ‘آپ سب کا دل سے شکریہ کہ ہوا بن کے کو اس قدر محبت سے نوازا، آپ کی سپورٹ میرے لیے بہت خاص ہے، گانا ہر پلیٹ فارم پر آچکا ہے اس لیے اس کو پلے کریں اور اس پر وائب میچ کریں’۔
انہوں نے مزید لکھا کہ ‘اس گانے پر ریلز بنانا نہیں بھولیے گا، ہمیں ٹیگ کریں اور مل کر جادو پھیلا دیں’۔
مزیدپڑھیں:مراکش کشتی حادثے میں ملنے والی 13 لاشوں کی شناخت مکمل، تعلق پاکستان سے نکلا
ذریعہ: Daily Ausaf
کلیدی لفظ: کنزہ ہاشمی اس گانے
پڑھیں:
بابر سلیم سواتی کرپشن الزامات سے بری، احتساب کمیٹی کی رپورٹ سامنے آگئی
بابر سلیم سواتی کرپشن الزامات سے بری، احتساب کمیٹی کی رپورٹ سامنے آگئی WhatsAppFacebookTwitter 0 20 April, 2025 سب نیوز
پشاور(آئی پی ایس) پاکستان تحریک انصاف کی اندرونی احتساب کمیٹی نے اسپیکر خیبرپختونخوااسمبلی بابرسلیم سواتی کواسمبلی میں غیرقانونی بھرتیوں کے الزام سے بری قرار دے دیا۔
کمیٹی کے ممبرممتاز قانون دان قاضی انورایڈوکیٹ کی جانب سے جاری کردہ رپورٹ میں کہا گیا ہے کہ اسپیکر صوبائی اسمبلی پرعائد الزامات سابق سینیٹر اعظم سواتی نے عائد کیے جنہیں وہ ٽابت کرپائے نہ ہی کوئی ٽبوت کمیٹی کوفراہم کیے۔
رپورٹ میں لکھا گیا ہے کہ یہ اعظم سواتی وہ اعظم سواتی نہیں جو جیل گئے تھے یہ الگ اعظم سواتی ہیں۔
رپورٹ میں کہا گیا کہ اسپیکر صوبائی اسمبلی پرجن بھرتیوں کا الزام عائد کیا گیا وہ یا تو ان کے دور سے پہلے ہوئیں یا پھر قواعد کے مطابق ہوئیں۔ بابرسلیم سواتی کو بانی چیئرمین پی ٹی آئی سے وفاداری کی سزادی جارہی ہے۔
کمیٹی نے رپورٹ میں لکھا کہ بابرسلیم سواتی نے روایات سے ہٹ کرگزشتہ سال نومبرمیں اسلام آباد میں پی ٹی آئی ورکروں پرڈی چوک تشدد پر اسمبلی میں تقریرکی۔
قاضی انورایڈوکیٹ کے مطابق بابرسلیم سواتی کی تقریرکے بعد حکومت و اپوزیشن کے کئی ارکان نے اس ایشو پر تقاریر کیں، یہ بابرسلیم سواتی ہی ہیں جنہوں نے ایوان میں کاٹلنگ واقعہ پر بحث بھی کرائی اورقرارداد بھی منظورکرائی۔
رپورٹ میں لکھا گیا ہے کہ بابرسلیم سواتی کو ان وجوہات کی بناء پر نشانہ بنایاجارہا ہے کیونکہ اُن کا واحد قصور بانی چیئرمین پی ٹی آئی اوران کی اہلیہ سے وفاداری ہے اور اسپیکر خیبرپختونخوا اسمبلی کو اسی کی سزا دی جارہی ہے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج