صوبائی ترقیاتی ورکنگ پارٹی کےاجلاس میں25ارب روپےکےفنڈزمنظور
اشاعت کی تاریخ: 4th, February 2025 GMT
قیصر کھوکھر: پنجاب کی صوبائی ترقیاتی ورکنگ پارٹی (پی ڈی ڈبلیو پی) کے 62ویں اجلاس میں 25 ارب روپے کے فنڈز کی منظوری دی گئی۔
اجلاس کی صدارت چیئرمین پی اینڈ ڈی بورڈ بیرسٹر نبیل احمد اعوان نے کی۔اجلاس میں مختلف ترقیاتی منصوبوں کے لیے فنڈز کی منظوری دی گئی، جن میں گوجرانوالہ میں جی ٹی روڈ پر دو رویہ روڈ کی تعمیر کے لیے 10 ارب روپے کی منظوری دی گئی۔
لاہور میں قائداعظم انٹر چینج تا واہگہ بارڈر جی ٹی روڈ کی تعمیر و مرمت کے لیے 5 ارب 60 کروڑ روپے مختص کیے گئے۔ملتان میں نادر آباد پھاٹک تا انڈسٹریل اسٹیٹ فلائی اوور کی تعمیر کے لیے 5 ارب 37 کروڑ روپے کی منظوری دی گئی۔
مری میں بنسرہ گلی زولوجیکل گارڈن کی از سر نو تعمیر کے لیے 4 ارب روپے کے فنڈز منظور کیے گئے۔
اجلاس میں سیکرٹری پی اینڈ ڈی بورڈ ڈاکٹر آصف طفیل، ممبران پی اینڈ ڈی بورڈ اور متعلقہ سیکٹرز کے افسران نے شرکت کی۔
آج کے گوشت اور انڈوں کے ریٹس - منگل 04 فروری, 2024
ذریعہ: City 42
کلیدی لفظ: کی منظوری دی گئی اجلاس میں ارب روپے کے لیے
پڑھیں:
پی پی گوجرانوالہ کا اجلاس‘ حلقہ 52 کا ضمنی الیکشن ہر صورت لڑیں گے: گورنر
لاہور (نامہ نگار) گورنر پنجاب سردار سلیم حیدر نے کہا کہ پیپلز پارٹی پی پی 52 کا ضمنی الیکشن تن، من، دھن سے لڑے گی۔ گورنر ہاؤس لاہور میں پیپلز پارٹی گوجرنوالہ ڈویژن کے اجلاس کی صدارت کرتے ہوئے انہوں نے پی پی 52 کے ضمنی الیکشن کیلئے راحیل کامران چیمہ، احسن گھمن، حسن مرتضیٰ، ملک طاہر اور رانا فاروق اشرف کو کاغذات جمع کرانے کی ہدایت کی۔ اس موقع پر شرکاء نے ضمنی الیکشن کیلئے دعا بھی کی۔ اجلاس میں صدر پی پی وسطی پنجاب راجہ پرویز اشرف جنرل سیکرٹری سید حسن مرتضیٰ، آصف بشیر بھاگٹ، ملک طاہر، عبدالرزاق سلیمی، راحیل کامران چیمہ، احسن رضوی، عائشہ نواز چودھری، شہباز خان، چودھری اختر چھوکر، میاں اظہر حسن ڈار، اعجاز سمہ، ریاض حسین شاہ، ملک ظہیر اعوان، محمد اظہر ڈیال، رانا محمود اشرف، شاہد بٹ، احسن ظفر گھمن، کاشف گجر شامل تھے۔ حسن مرتضیٰ نے کہا کہ پنجاب میں جہاں سے بھی پارٹی کیلئے الیکشن لڑنا پڑا میں لڑونگا، اگر کوئی بھی الیکشن نہ لڑا تو میں وہاں سے لڑ کر دکھاؤں گا۔ انہوں نے کہا کہ پی پی 52کا ضمنی الیکشن ان شاء اللہ پیپلز پارٹی کی ریوائیول کا سبب بنے گا۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی