مشرقی ایشیا کی مقبول ترین اداکارہ باربی ہسو فلو کے باعث انتقال کرگئیں
اشاعت کی تاریخ: 3rd, February 2025 GMT
مشرقی ایشیا میں سب سے پسندیدہ اور مقبول ترین تائیوان کی اداکارہ باربی ہسو فلو اور نمونیا کے باعث انتقال کر گئی ہیں ان کی عمر 48 برس تھی۔
عالمی میڈیا کے مطابق تائیوان کی مشہور اداکارہ باربی ہسو، جنہوں نے 2001 کے ٹیلی ویژن ڈراما میٹیور گارڈن میں رومانوی کردار کے طور پر مشرقی ایشیا میں شہرت کی بلندیوں کو چھوا تھا، انفلوئنزا کے باعث 48 سال کی عمر میں انتقال کر گئیں۔
چین کی ویبو مائیکرو بلاگنگ سروس پر سب سے زیادہ سرچ کی جانے والی خبروں میں باربی ہسو کی بہن ڈی ہسو نے تصدیق کی ہے کہ ’بگ ایس‘ کے لقب سے جانی جانے والی باربی ہسو کا انتقال جاپان میں فیملی تعطیلات کے دوران ہوا۔
’لٹل ایس‘ کے نام سے مشہور ڈی ہسو نے ایک بیان میں کہا کہ میری سب سے پیاری اور رحم دل بہن باربی ہسو انفلوئنزا اور نمونیا کی وجہ سے فوت ہو گئیں اور بدقسمتی سے ہمیں چھوڑ کر چلی گئیں۔
’ ڈی ہسو نے لکھا کہ ’مجھے فخر ہے کہ میں باربی ہسو کی بہن تھی اور ہمیں ایک دوسرے کی دیکھ بھال کرنے اور ایک دوسرے کے ساتھ وقت گزارنے کا موقع ملا، میں ہمیشہ اس کی شکر گزار رہوں گی، وہ مجھے ہمیشہ یاد آتی رہے گی۔
دونوں بہنوں نے سب سے پہلے اپنے ’پاپ گروپ ایس او ایس‘ سے شہرت حاصل کی، لیکن رومانوی تائیوانی میٹیور گارڈن ڈراما سیریل میں باربی ہسو کے مرکزی کردار نے ان کی مقبولیت کو چارچاند لگا دیے۔
باربی ہسو نے چینی کاروباری شخصیت وانگ شیاؤفی کے ساتھ 11 سالہ شادی ختم کرنے کے بعد تقریباً 3 سال تک کورین ریپر کو جون یوپ ’ڈی جے کو‘ سے شادی کی تھی۔ ان کے پسماندگان میں دو بچے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انفلوئنزا بار بی ہسو پسماندگان تائیوان ٹیلی ویژن ڈراما جون پوپ رومانوی کردار کورین ریپر میٹیور گارڈن نمونیا وانگ شیاؤمی.ذریعہ: WE News
کلیدی لفظ: انفلوئنزا پسماندگان تائیوان جون پوپ رومانوی کردار کورین ریپر نمونیا وانگ شیاؤمی
پڑھیں:
ہالی وڈ اداکارہ انجلینا جولی کی غزہ کے حق میں پوسٹ
غزہ:ہالی وڈ کی مشہور اداکارہ انجلینا جولی بھی غزہ میں ہونے والے اسرائیلی مظالم پر چپ نہ رہ سکیں اور مظلوم فلسطینیوں کے حق میں سوشل میڈیا میں آواز بلند کی ہے۔
انجلینا جولی نے سماجی رابطے کی ویب سائٹ پر ڈاکٹر ود آؤٹ بارڈرز کی پوسٹ کو شیئر کیا ہے، جس میں فلسطین کی سنگین صورت حال نمایاں کی گئی ہے۔
ہالی وڈ اداکارہ کی جانب سے شیئر کی گئی پوسٹ میں کہا گیا ہے کہ ‘غزہ فلسطینیوں اور جو ان کی مدد کر رہے ہیں ان کے لیے ایک بدترین قبرستان بن دیا ہے’۔
ڈاکٹرز ود آؤٹ بارڈرز نے سوشل میڈیا میں لکھا کہ اسرائیلی فورسز کی جانب سے غزہ کی پٹی میں فضائی، زمینی اور سمندری راستوں سے جارحیت دوبارہ شروع کی گئی ہے اور اس میں مزید وسعت لائی گئی، اس وقت سے لوگوں کو جبری بے دخل کرنا اور جان بوجھ کر بنیادی امداد روکی جا رہی ہے۔
بیان میں مزید کہا گیا کہ فلسطینیوں کی زندگیاں ایک دفعہ پھر منظم انداز میں تباہ کی جا رہی ہیں۔
خیال رہے کہ اسرائیل نے اکتوبر 2023 میں شروع ہونے والی غزہ جنگ میں اب تک وحشیانہ کارروائیوں میں خواتین، بچوں اور بزرگوں سمیت 51 ہزار سے زائد فلسطینیوں کو شہید کردیا ہے۔
اسرائیل اور حماس کے درمیان رواں برس کے شروع میں جنگ بندی ہوئی تھی اور معاہدے کے تحت قیدیوں کا تبادلہ ہوا تھا تاہم دوسرے مرحلے میں مذاکرات سے قبل ہی اسرائیل نے بم باری شروع کردی، اس کے علاوہ زمینی اور سمندری راستوں سے بھی بدترین حملے جاری ہیں۔
واضح رہے کہ ہالی وڈ اداکارہ انجلینا جولی اقوام متحدہ کا ادارہ برائے مہاجرین (یو این ایچ سی آر) کی خیرسگالی سفیر کے طور پر اپنی خدمات انجام دے چکی ہیں اور دنیا بھر میں بے گھر افراد اور جنگوں سے متاثرہ خواتین کے حق میں آواز بلند کرتی رہی ہیں۔
انہوں نے اقوام متحدہ کی سفیر کی حیثیت سے جنگ زدہ افغانستان کا بھی دورہ کیا تھا اور پاکستان میں سیلاب کے نتیجے میں ہونے والے بے گھر افراد کے کیمپوں کا بھی دورہ کیا تھا۔
سندھ پبلک اکاﺅنٹس کمیٹی کا اجلاس‘کراچی ڈیویلپمنٹ اتھارٹی کے 5سو جعلی پنشنرز کو 66 کروڑ کی ادائیگی پر ڈائریکٹر فنانس معطل