عمران خان کا آرمی چیف کو خط، اہم نکات سامنے آگئے
اشاعت کی تاریخ: 3rd, February 2025 GMT
سابق وزیراعظم پاکستان و بانی پی ٹی آئی عمران خان نے آرمی چیف جنرل سیّد عاصم منیر کو خط تحریر کیا جس کے اہم نکات سامنے آگئے ہیں۔
عمران خان کے وکیل فیصل چوہدری نے تصدیق کی ہے کہ سابق وزیراعظم عمران خان نے آرمی چیف جنرل عاصم منیر کے نام خط تحریر کیا ہے۔
یہ بھی پڑھیں اسٹیبلشمنٹ کی پالیسیوں سے فوج اور عوام میں دوریاں پیدا ہورہی ہیں،عمران خان کا آرمی چیف کو خط
پارٹی ذرائع نے بتایا کہ سابق وزیراعظم عمران خان نے آرمی چیف کے نام 6 نکات پر مبنی خط تحریر کروایا ہے جن میں انتخابات، 9 مئی، عدلیہ، دہشتگردی اور معیشت سمیت امور زیر بحث لائے گئے ہیں۔
ذرائع کے مطابق آرمی چیف کو یہ خط بذریعہ ڈاک ارسال کیا جائےگا اور خط کو منظر عام پر بھی لایا جائےگا۔
پارٹی ذرائع نے بتایا کہ عمران خان نے آرمی چیف کے نام خط میں ملک میں بڑھتی ہوئی دہشتگردی کا تذکرہ کرتے ہوئے کہا ہے کہ فوج اس وقت قربانیاں دے رہی ہے، نوجوان اس ملک کی خاطر شہید ہورہے ہیں۔ ایسے وقت میں پوری قوم کو اپنی فوج کے ساتھ کھڑا ہونا چاہیے لیکن بدقسمتی ہے کہ ادارے کی پالیسیوں کی وجہ سے فوج اور عوام کے درمیان خلیج پیدا ہوگیا ہے۔
عمران خان نے اپنے خط میں الزام عائد کیا ہے کہ ایجنسیوں کو سیاسی انتقام کا نشانہ بنانے کے لیے استعمال کیا جارہا ہے جس کہ وجہ سے دہشتگردی میں اضافہ ہورہا ہے۔
ذرائع کے مطابق عمران خان نے اپنے خط میں 9 مئی ذکر کرتے ہوئے کہا ہے کہ 8 فروری 2024 کو عوام نے 9 مئی کو مسترد کردیا ہے۔ عام انتخابات میں عوام کے مینڈیٹ پر ڈاکا ڈالا گیا اور اس سب کو چھپانے کے لیے عدلیہ کی آزادی کو بھی سلب کرنے کے لیے پہلے 26ویں آئینی ترمیم لائی گئی اور پھر میڈیا کا گلا گھونٹنے کے لیے پیکا قانون لایا گیا ہے۔
عمران خان نے اپنے خط میں انٹرنیٹ کی بندش کا معاملہ اٹھاتے ہوئے کہا ہے کہ انٹرنیٹ کی بندش سے معیشت کو اربوں کا نقصان ہورہا ہے، جبکہ بنیادی انسانی حقوق کی خلاف ورزیوں کے باعث پاکستان پر عالمی پابندیوں کا بھی خدشہ ہے۔
یہ بھی پڑھیں عمران خان نے آرمی چیف کو خط کیوں لکھا؟ بیرسٹر گوہر نے وجہ بتادی
عمران خان نے اپنے خط میں آرمی چیف سے مطالبہ کیا ہے کہ اگر ملک کی معیشت بہتر کرنی ہے اور پاکستان کو ترقی کے راستے پر گامزن کرنا ہے تو اپنی پالیسیاں تبدیل کرنا ہوں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
8 فروری 9 مئی wenews اسٹیبلشمنٹ انٹرنیٹ اہم نکات بانی پی ٹی آئی پاکستان تحریک انصاف خط عمران خان فوج ملکی معیشت وی نیوز.ذریعہ: WE News
کلیدی لفظ: اسٹیبلشمنٹ انٹرنیٹ اہم نکات بانی پی ٹی ا ئی پاکستان تحریک انصاف فوج ملکی معیشت وی نیوز عمران خان نے اپنے خط میں آرمی چیف کے لیے چیف کو
پڑھیں:
پاک فوج کردار، حوصلہ اور مہارت جیسے اعلیٰ فوجی اوصاف کی حامل ہے، آرمی چیف
KHARIAN:آرمی چیف جنرل عاصم منیر نے کہاہے کہ پاک فوج نے ہمیشہ کردار، جرات اور قابلیت کی بھرپور صفات کو برقرار رکھا۔ پاکستان آرمی کردار، حوصلہ اور مہارت جیسے اعلیٰ فوجی اوصاف کی حامل ہے، جو دہشت گردی کے خلاف جنگ میں ہمارے سپاہیوں نے بخوبی ثابت کیے ہیں۔
ان خیالات کااظہارانھوں نے پاکستان آرمی کی میزبانی میں آٹھویں بین الاقوامی پاکستان آرمی ٹیم اسپرٹ (PATS) مقابلے جو14 سے 18 اپریل تک کھاریاں گیریژن میں ہوئے کی اختتامی تقریب میں بطورمہمان خصوصی شرکت کے دوران کیا۔
انہوں نے کہا ہے کہ ایسی مشقیں باہمی سیکھنے کا بہترین موقع فراہم کرتی ہیں اور PATS ایک ایسا موثر فورم ہے جو فوجی صلاحیتوں اور حکمت عملی کو یکجا کرتا ہے اور عصر حاضر کی جنگی نوعیت کے مطابق ٹیم سپرٹ کو فروغ دیتا ہے۔
آئی ایس پی آر کے مطابق60 گھنٹوں پر مشتمل اس سخت اور بھرپور پٹرولنگ مشق کا مقصد شرکاء کے درمیان جنگی مہارتوں کا تبادلہ اور پیشہ ورانہ تجربات کو شیئر کرنا تھا تاکہ جدید حربی صلاحیتوں میں بہتری لائی جا سکے۔
مشق کا مقصد فورم کے شرکاء کی طرف سے جدید خیالات ،تجربات کے اشتراک کے ذریعے جنگی مہارتوں کو بڑھانا تھا ۔مشق میں پاکستان آرمی کی 7 ٹیموں کے علاوہ پاکستان نیوی کی ایک ٹیم اور 15 دوست ممالک کی افواج کی ٹیموں نے شرکت کی جن میں بحرین، بیلاروس، چین، سعودی عرب، مالدیپ، مراکش، نیپال، قطر، سری لنکا، ترکیہ، امریکہ اور ازبکستان شامل تھے۔
جبکہ بنگلہ دیش، مصر، جرمنی، کینیا، میانمار اور تھائی لینڈ کے نمائندوں نے بطور مبصر مشق کا مشاہدہ کیا۔
آئی ایس پی آر کا کہنا ہے کہ وقت کے ساتھ ساتھ PATS نے ایک سنجیدہ اور مقابلہ جاتی فوجی مشق کے طور پر عالمی سطح پر اپنی شناخت بنائی ہے۔
آرمی چیف جنرل سید عاصم منیر نے مشق میں شریک تمام ٹیموں کی پیشہ ورانہ مہارت، جسمانی و ذہنی برداشت اور بلند حوصلے کو سراہا۔
آخرمیں آرمی چیف جنرل سید عاصم منیر نے مشق میں نمایاں کارکردگی دکھانے والی ٹیموں اور افراد کو انعامات سے نوازا، بین الاقوامی مبصرین اور مختلف ممالک کے دفاعی اتاشیوں نے بھی تقریب میں شرکت کی اور اس پیشہ ورانہ مشق کے اعلیٰ انتظامات اور معیار کو سراہا۔
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش