شام میں مسافروں سے بھرے ٹرک کو دھماکے سے اُڑا دیا گیا؛ 14 خواتین سمیت 15 افراد جاں بحق
اشاعت کی تاریخ: 3rd, February 2025 GMT
شام میں ایک ٹرک کو اُس وقت زور دار دھماکے میں تباہ کردیا گیا جب وہ 30 کسانوں کو لے کر گاؤں جا رہا تھا۔
عالمی خبر رساں ادارے کے مطابق شام کے شہر منبج سے کھلے ٹرک میں درجنوں کسانوں کو کھیت میں کام مکمل کرنے کے بعد گاؤں لے جایا جا رہا تھا۔
اس دوران ایک کار نے ٹرک کا پیچھا کیا اور عین نزدیک پہنچ کر دھماکا ہوگیا۔ دھماکے میں ٹرک اور کار مکمل طور پر تباہ ہوگئے۔
امدادی کاموں کے دوران شدید زخمی حالت میں 30 سے زائد افراد کو اسپتال منتقل کیا گیا جہاں 15 کسانوں کی موت تصدیق کردی گئی جن میں 14 خواتین شامل ہیں۔
دھماکے میں واحد مارا گیا مرد، ٹرک ڈرائیور تھا جب کہ زخمی ہونے والی بھی تمام خواتین ہی ہیں۔ زخمیوں میں سے 4 کی حالت نازک کے باعث ہلاکتوں میں اضافے کا خدشہ ہے۔
تا حال کسی گروپ نے حملے کی ذمہ داری قبول نہیں کی ہے تاہم یہ واقعہ ترک سرحد کے قریب ہوا ہے اور کرد باغیوں کے ملوث ہونے کا امکان ہوسکتا ہے۔
.ذریعہ: Daily Mumtaz
پڑھیں:
پشاور پولیس نے مسافروں کو جعلی بائیک رائیڈرز سے بچانے کے لیے بڑا فیصلہ کرلیا
اسٹریٹ کرائم پر قابو پانے کے لیے پشاور پولیس نے ایک بڑا قدم اٹھاتے ہوئے شہر میں سواریوں کو لے جانے والے تمام بائیک رائیڈرز کی رجسٹریشن لازمی قرار دے دی ہے۔
اس سلسلے میں ‘SafeRide’ (سیف رائیڈ) کے نام سے ایک خصوصی موبائل ایپ بھی متعارف کر دی گئی ہے۔ یہ اعلان سی سی پی او پشاور ڈاکٹر میاں سعید نے کیا۔
سی سی پی او کے مطابق بائیک رائیڈرز اب اپنے قریبی تھانے میں جا کر یا سیف رائیڈ ایپ کے ذریعے رجسٹریشن کروا سکیں گے۔ رجسٹرڈ رائیڈر کو کیو آر کوڈ والا خصوصی اسٹیکر جاری کیا جائے گا، جس کے ذریعے اس کی شناخت اور معلومات فوری طور پر معلوم کی جا سکیں گی۔
ڈاکٹر میاں سعید نے بتایا کہ یہ اقدام شہریوں کے اعتماد اور سیکیورٹی کو بڑھانے کے لیے اٹھایا گیا ہے، کیونکہ متعدد وارداتوں میں جعلی بائیک رائیڈرز شہریوں کو لوٹنے میں ملوث رہے ہیں، جبکہ کئی بار اصل بائیک رائیڈرز بھی گن پوائنٹ پر لُوٹے گئے۔
پولیس اب تک اس نوعیت کے 20 ملزمان کو گرفتار کر چکی ہے، تاہم سٹریٹ کرائم کی روک تھام کے لیے یہ پہلا بڑا اور منظم قدم ہے۔
سی سی پی او نے کہا کہ جدید ٹیکنالوجی کا استعمال کرتے ہوئے شہریوں کو محفوظ اور پراعتماد سفری سہولت فراہم کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹریٹ کرائمز بائیک رائیڈرز پشاور پولیس سیف رائیڈ ایپ
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر