خیبر: پولیو ٹیم پر فائرنگ، پولیس اہلکار شہید
اشاعت کی تاریخ: 3rd, February 2025 GMT
—فائل فوٹو
خیبر پختون خوا کے ضلع خیبر کے علاقے بکر آباد میں انسدادِ پولیو ٹیم پر فائرنگ کی گئی ہے۔
اس حوالے سے پولیس کا کہنا ہے کہ فائرنگ کے نتیجے میں ایک پولیس اہلکار شہید ہو گیا ہے۔
پولیس نے بتایا ہے کہ فائرنگ سے انسدادِ پولیو ٹیم کا عملہ محفوظ رہا ہے۔
سندھ میں رواں سال کی پہلی انسدادِ پولیو مہم کا آغاز آج سے ہو گیا۔
واضح رہے کہ ملک بھر میں انسدادِ پولیو مہم جاری ہے۔
سندھ میں بھی رواں سال کی پہلی انسدادِ پولیو مہم کا آغاز آج سے ہو گیا ہے۔
ترجمان ایمرجنسی آپریشن سینٹر (ای او سی) کے مطابق مہم میں سندھ کے 1 کروڑ 6 لاکھ سے زائد بچوں کو پولیو سے بچاؤ کے قطرے پلانے کا ہدف مقرر کیا گیا ہے۔
7 روزہ انسدادِ پولیو مہم 9 فروری تک جاری رہے گی، مہم سندھ کے تمام 30 اضلاع میں چلائی جا رہی ہے جس میں 81 ہزار سے زائد رضاکار حصہ لے رہے ہیں۔
.ذریعہ: Jang News
کلیدی لفظ: پولیو مہم
پڑھیں:
ملک بھر میں 7 روزہ انسداد پولیو مہم کا آغاز 21 اپریل سے ہو گا
پولیو سے پاک پاکستان کے لیے وزیر اعظم محمد شہباز شریف کی ہدایت پر ملک بھر میںسات روزہ انسداد پولیو مہم کا آغاز 21 اپریل سے ہو گا، جس کا مقصد پولیو کے خاتمہ کی کوششوں کے تحت ملک بھر میں ہر ایک بچے کو پولیو کے قطرے پلانا ہے۔
یہ بھی پڑھیں:سعودیہ جانیوالوں کے لیے پولیو ویکسینیشن لازمی قرار
وفاقی وزیر صحت مصطفیٰ کمال نے ہفتہ کوانٹرویو میں کہا کہ ملک گیر اقدام کا مقصد بچوں کو اس بیماری سے بچانے کے لیے انسداد پولیو کے قطرے پلانا ہے۔
انہوں نے کہا کہ صحت کی دیکھ بھال کرنے والے کارکن پولیو کی منتقلی کو روکنے اور بچوں کے صحت مند مستقبل کو محفوظ بنانے کے لیے ایک مشترکہ کوشش کے تحت ملک بھر میں بچوں کو قطرے پلائیں گے۔
انہوں نے کہا کہ 5 سال سے کم عمر کے ہر بچے کو وائرس کے خلاف تحفظ کو بڑھانے کے لیے بار بار پولیو سے بچاؤ کے قطرے پلانے کی ضرورت ہے۔
یہ بھی پڑھیں:سال 2025 کی پہلی قومی پولیو مہم مکمل، 99 فیصد بچوں کی ویکسینیشن ہوگئی
وفاقی وزیر صحت نے پولیو کے خاتمے کے لیے حکومت کے عزم پر زور دیتے ہوئے کہا کہ ہم پولیو کے خلاف اپنی جنگ میں پرعزم ہیں اور یہ مہم ہمارے بچوں کے مستقبل کے تحفظ اور پولیو سے پاک ملک کو یقینی بنانے کی جانب ایک اہم قدم ہے۔
45 ملین سے زائد بچوں کو پولیو کے قطرے پلائیں گے
انہوں نے کہا کہ انسداد پولیو مہم کے دوران پولیو ورکرز ملک بھر میں 5 سال سے کم عمر کے 45 ملین سے زائد بچوں کو پولیو کے قطرے پلائیں گے۔
انہوں نے کہا کہ ہم والدین سے گزارش کرتے ہیں کہ وہ ہر مہم کے دوران پولیو کے قطرے پلانے اور مکمل حفاظتی ٹیکوں کو یقینی بناتے ہوئے اپنے بچوں کی صحت کو ترجیح دیں، اس طرح بچے پولیو اور دیگر جان لیوا بیماریوں سے محفوظ رہیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولیو پولیو مہم وزیر صحت مصطفیٰ کمال وفاقی وزیر صحت
ایران میں قتل 8 پاکستانیوں کی لاشیں ابھی تک تفتان نہیں لائی گئیں، ڈی سی چاغی