وزیر اعظم شہباز شریف کی قیادت میں حکومتی کارکردگی!
اشاعت کی تاریخ: 3rd, February 2025 GMT
پی ٹی آئی کے آئے روز کے احتجاج، دھرنوں، سیاسی عدم استحکام اور عالمی اقتصادی صورت حال نے پاکستان کی ترقی کی رفتار اور معیشت کو جس بُری طرح متاثر کیا ہے۔ ان مشکل ترین سیاسی و معاشی حالات میں وزیر اعظم شہباز شریف کی قیادت میں وفاقی حکومت کا قیام اور اس کی اب تک کی کارکردگی کا جائزہ لینا ایک ایسا موضوع ہے جو نہ صرف پاکستانی عوام اور تجزیہ نگاروں بلکہ بین الاقوامی مبصرین کی توجہ کا بھی مرکز بنا ہوا ہے۔ وزیر اعظم پاکستان کا منصب سنبھالنے سے پہلے میاں صاحب جس طرح پنجاب کے وزیر اعلیٰ کے طور پر اپنی انتظامی صلاحیتوں کا لوہا منوا چکے ہیں۔ اس تناظر میں یقینا عوامی توقعات کا ایک بہت بڑا پہاڑ اُن کے کندھوں پر ہے جنہیں پورا کرنے کے لیے وہ اپنی تمام تر صلاحیتوں کو بروئے کار لا رہے ہیں۔ مگر پاکستان عوامی سطح پر اقتصادی بحران، زرمبادلہ کے ذخائر میں کمی، بجٹ خسارہ اور مہنگائی سمیت قومی سلامتی کے جس قسم کے چیلنجز کا سامنا کر رہا ہے اور ان سے نمٹنے کے لیے معیشت، توانائی، تعلیم، صحت اور انفراسٹرکچر جیسے شعبوں میں جن اصلاحات اور اقدامات کی ضرورت تھی وہ انتہائی مشکل ہیں۔ ان میں سے ایک اہم قدم بین الاقوامی مالیاتی فنڈ آئی ایم ایف کے ساتھ اُس کی کڑی شرائط پر کیا گیا معاہدہ ہے جس کے تحت پاکستان کو مالیاتی مدد فراہم کی گئی۔ اس معاہدے کے تحت حکومت نے مالیاتی نظم و ضبط کو بہتر بنانے، ٹیکس نظام میں اصلاحات لانے اور سرکاری اخراجات کو کم کرنے کے کئی اہم اقدامات اٹھائے ہیں جس میں ٹیکس وصولی میں اضافے کے لیے کوششیں تیز کرنے کے ساتھ فیڈرل بورڈ آف ریونیو (FBR) کے تحت ٹیکس نیٹ کو وسیع کرنے اور ٹیکس چوروں کے خلاف کارروائی کرنے جیسے اقدامات شامل ہیں۔ غیر جانبدار ماہرین معیشت کے مطابق جس کے ملکی معیشت پر ابھی سے مثبت اثرات مرتب ہونا شروع ہو گئے ہیں۔ اس کے علاوہ، حکومت نے ملک میں چھوٹے اور درمیانے درجے کے کاروبار کو فروغ دینے کے لیے جو مراعات دی ہیں اُن سے بھی معیشت میں تنوع پیدا ہونے اور روزگار کے مواقع بڑھنے کے خاصے امکانات ہیں۔ حکومت نے مہنگائی کو کم کرنے اور زرعی پیداوار کو بڑھانے کے لیے جو اقدامات کیے ہیں اس میں کسانوں کو سبسڈی کے ساتھ بہتر بیج کی فراہمی شامل ہیں۔ حکومت نے ٹیکنالوجی میں بہتری کے لیے مختلف پروگرامز شروع کیے ہیں جن میں ڈیجیٹلائزیشن اور ہنر مند انسانی وسائل کی تربیت شامل ہے تاکہ معیشت میں ترقی کو بڑھایا جا سکے۔ اس کے ساتھ سوشل سیکٹر میں بھی بہتر خدمات فراہم کرنے کی کوشش کی جا رہی ہے۔ شہباز شریف کی حکومت نے تعلیم اور صحت کے شعبوں کو اولین ترجیح دی ہے اور تعلیم کے شعبے میں سکولوں اور کالجوں کو جدید سہولیات سے لیس کرنے اور تعلیمی نصاب کو جدید تقاضوں کے مطابق بنانے اور تعلیمی نظام کی بہتری کے لیے متعدد اقدامات کیے گئے ہیں اور نئی تعلیمی پالیسی کے تحت معیار تعلیم میں بہتری لانے کی کوشش کی جا رہی ہے۔ صحت کے شعبے میں بہتر خدمات کی فراہمی کے لیے ہسپتالوں کی حالت بہتر بنانے انہیں جدید آلات اور ادویات سے لیس کرنے اور صحت کی سہولیات کی تقسیم کو بہتر بنانے کے کئی منصوبے شروع کیے گئے ہیں جن پر تیزی سے کام ہو رہا ہے۔ شہباز شریف کی قیادت میں حکومت نے عوامی صحت کے پروگراموں کو بھی فروغ دیا ہے جن میں ویکسینیشن مہمات، صحت کی تعلیم اور بیماریوں کے خلاف آگاہی مہمات شامل ہیں۔ حکومت نے عورتوں کے حقوق کے تحفظ کے لیے قوانین کو مضبوط بنایا ہے اور کوٹہ سسٹم کے تحت مختلف شعبوں میں خواتین کی نمائندگی کو بڑھانے کی کوشش کی جا رہی ہے۔ توانائی کا بحران پاکستان کے لیے ایک طویل عرصے سے ایک بڑا مسئلہ رہا ہے۔ موجودہ حکومت نے اس مسئلے سے نمٹنے کے لیے کئی اہم اقدامات اٹھائے ہیں۔ شہباز شریف کی قیادت میں حکومت نے چائنا پاکستان اکنامک کوریڈور کے تحت توانائی کے جن منصوبوں کو تیز کیا ہے ان میں شمسی توانائی، ہوا، کوئلہ اور پن بجلی سے چلنے والے متعدد منصوبوں پر ’’شہباز سپیڈ‘‘ سے کام جاری ہے۔ جن میں اب تک کئی منصوبے مکمل کیے جا چکے ہیں جن سے ملک میں بجلی کی پیداوار میں خاطر خواہ اضافہ ہوا ہے اور آئندہ کچھ عرصے میں مزید بہتری کا امکان ہے۔ اس کے علاوہ حکومت نے کسی مصلحت یا دبائو کو خاطر میں لائے بغیر بجلی کی چوری کے خلاف جس قسم کے سخت اقدامات اٹھائے ہیں اس سے بجلی کے نظام کی کارکردگی میں خاصی بہتری آئی ہے۔ اس وقت حکومت خاص طور پر انفراسٹرکچر کی ترقی کو بھی ترجیح دے رہی ہے جس میں حکومت نے سڑکوں، پلوں اور عوامی عمارتوں کی تعمیر اور مرمت کے لیے کئی نئے منصوبے شروع کیے ہیں۔ سی پیک کے تحت انفراسٹرکچر کے منصوبوں میں موٹر ویز، ریلوے لائنیں اور بندرگاہوں کی ترقی بھی شامل ہے۔ انفراسٹرکچر کی ترقی سے نہ صرف ملک میں تجارت اور صنعت کو فروغ ملنا شروع ہوا ہے بلکہ اس سے روزگار کے نئے مواقع بھی پیدا ہو رہے ہیں۔ وفاقی حکومت نے خارجہ پالیسی کے میدان میں بین الاقوامی تعلقات کو بہتر بنانے کے لیے جو کوششیں کی ہیں اس میں خاص طور پر چین، سعودی عرب اور دیگر اہم ممالک کے ساتھ تعلقات کو از سر نو مضبوط اور مستحکم کیا ہے۔ اس سے پاکستان کو جو اقتصادی اور دفاعی فوائد حاصل ہوئے ہیں وہ خاصے حوصلہ افزا ہیں۔ اس کے علاوہ حکومت نے خطے میں امن اور استحکام کے لیے بھی شہباز شریف کی قیادت میں افغانستان میں امن کے عمل میں بھی بڑا اہم کردار ادا کیا ہے۔ موجودہ حکومت کے قیام سے اب تک کے عرصے میں دیکھا جائے تو وفاقی حکومت کی کارکردگی کو کئی ایک چیلنجز کا سامنا بھی رہا ہے۔ مہنگائی، بے روزگاری اور کرپشن جیسے مسائل اب بھی موجود ہیں۔ حکومت پر تنقید کی جاتی ہے کہ وہ ان مسائل کو حل کرنے میں بہت تیز رفتاری سے کام نہیں کر رہی۔ اس کے علاوہ سیاسی مخالفین حکومت پر یہ الزام بھی لگاتے ہیںکہ وہ جمہوری اقدار کو کمزور کر رہی ہے۔ شہباز شریف کی حکومت کو سب سے بڑا یہ چیلنج درپیش ہے کہ وہ سیاسی استحکام کو برقرار رکھتے ہوئے عوامی مسائل کو حل کرے۔ وفاقی حکومت نے ملک کو درپیش کئی چیلنجز سے نمٹنے کے لیے اب تک کئی اہم اور کامیاب اقدامات اٹھائے ہیں۔ شہباز شریف کی قیادت میں وفاقی حکومت کی کارکردگی کو دیکھتے ہوئے کہا جا سکتا ہے کہ ان کی کوششیں ملک کی ترقی اور خوشحالی کے لیے بہت اہم اور کار آمد ہیں۔ اس بات کی قوی امید ہے کہ مستقبل میں عوام کی حمایت، سیاسی استحکام اور بہتر حکمرانی کے تحت شہباز شریف کی حکومت پاکستان کی معیشت کو ایک نئی سمت اور بلندی فراہم کر سکتی ہے۔
.ذریعہ: Nai Baat
کلیدی لفظ: شہباز شریف کی قیادت میں اقدامات اٹھائے ہیں وفاقی حکومت کی کارکردگی اس کے علاوہ بہتر بنانے میں حکومت کرنے اور حکومت نے کی ترقی کے ساتھ ہے اور رہی ہے کے تحت کے لیے رہا ہے کیا ہے
پڑھیں:
اقبال کے نظریات کو اپنی انفرادی اور اجتماعی زندگیوں میں اپنائیں ؛ وزیر اعظم شہباز شریف
سٹی 42: وزیر اعظم شہباز شریف نے کہا آج ہم پاکستان کے نظریاتی معمار، عظیم مفکر اور شاعرِ مشرق ڈاکٹر علامہ محمد اقبال کو ان کی یومِ وفات پر خراجِ عقیدت پیش کرتے ہیں۔
وزیر اعظم شہباز شریف نے کہا اقبال صرف ایک شاعر ہی نہیں، بلکہ ایک ایسے اہل بصیرت رہنما تھے جنہوں نے برصغیر کے مسلمانوں کے لیے ایک الگ وطن کا تصور پیش کیا۔ ان کا فلسفۂ خودی اور ان کی شاعری نے نہ صرف تحریکِ پاکستان کو نظریاتی بنیاد فراہم کی بلکہ بر صغیر پاک و ہند کے مسلمانوں کے اندر ایک نئی روح پھونک دی۔
ہر وقت پیاس؛ سنگین مرض کی نشانی
علامہ اقبال وہ پہلے مفکر تھے جنہوں نے 1930 میں الہ آباد کے خطبے میں برصغیر کے مسلمانوں کے لیے ایک علیحدہ مملکت کا واضح تصور پیش کیا۔ ان کا یہ نظریہ بعد میں قائدِ اعظم محمد علی جناح کی قیادت میں عملی شکل اختیار کر کے وطن عزیز پاکستان کی صورت میں شرمندہ تعبیر ہوا۔ اقبال نے مسلمانوں کو صرف سیاسی طور پر ہی نہیں، بلکہ فکری اور روحانی طور پر بھی متحد کیا۔ اقبال نے بر صغیر پاک و ہند کے مسلمانوں کو اپنی جداگانہ تہذیب، ثقافت اور شناخت کو برقرار رکھتے ہوئے ترقی کی راہ پر گامزن ہونے کا پیغام دیا۔
افغان شہریوں کی واپسی؛ ازالہ شکایات کیلئے وزارت داخلہ میں کنٹرول روم قائم
آج جب پاکستان کو سماجی تقسیم اور عالمی چیلنجز کا سامنا ہے، علامہ اقبال کی تعلیمات ہمارے لیے مشعلِ راہ ہیں۔ انہوں نے علم، عمل، یقینِ محکم اور خود اعتمادی پر زور دیا، جو آج بھی ہماری تمام مشکلات کا حل ہیں۔ ہمیں ان کے فلسفے کو اپناتے ہوئے معاشی خود انحصاری، تعلیمی انقلاب اور قومی یکجہتی کو فروغ دینا ہوگا۔ اقبال کا فلسفہ اور انکی شاعری ہمیں بتاتی ہے کہ ایک مثالی معاشرہ کیسے تعمیر کیا جا سکتا ہے، جہاں انصاف، محنت اور اخلاقیات کو فوقیت حاصل ہو۔
ہالی ووڈ اداکارہ انجلینا جولی نے فلسطینیوں کے حق میں پوسٹ شیئر کر دی
علامہ اقبال نے ہمیشہ نوجوانوں کو قوم کا اصل سرمایہ قرار دیا۔ انہوں نے نسل نو کو شاہین سے تعبیر دیتے ہوئے جہدِ مسلسل، حصول علم اور اعلیٰ اخلاقی اقدار اپنانے کی تلقین کی۔ اقبال کے نزدیک نوجوان ہی وہ طاقت ہیں جو قوموں کو زوال سے نکال کر عروج پر پہنچا سکتے ہیں۔ آج کے نوجوانوں کو چاہیے کہ وہ اقبال کے پیغام کو سمجھیں، جدید علوم حاصل کریں، اور ملک کی ترقی میں اپنا بھرپور کردار ادا کریں۔ یہی وہ پیغام ہے جو ہمارے نوجوانوں کو ہر میدان میں کامیابی کی طرف لے جا سکتا ہے۔
نائب وزیراعظم اسحاق ڈار کا ایران اور افغانستان کے وزرائے خارجہ سے ٹیلی فونک رابطہ
ہم پر یہ ذمہ داری عائد ہوتی ہے کہ ہم اقبال کے خوابوں کو حقیقت بنائیں۔ ہمیں اپنے اندر خودی کو جگا کر، علم و ہنر سے آراستہ ہو کر، اور قومی یکجہتی کو مضبوط کر کے پاکستان کو ایک فلاحی ریاست بنانا ہے۔ ہمیں اپنے نوجوانوں کو بااختیار بنانا ہے تاکہ وہ ملک کی ترقی میں کلیدی کردار ادا کر سکیں۔
آئیے، اقبال کے یومِ وفات پر ہم عہد کریں کہ ہم اقبال کے نظریات کو اپنی انفرادی اور اجتماعی زندگیوں میں اپنائیں گے اور ایک مضبوط، خودمختار اور ترقی یافتہ پاکستان کی تعمیر کریں گے۔
پاکستانی یوٹیوبر کا دنیا کے سب سے بڑے یوٹیوبر مسٹر بیسٹ کے ساتھ تاریخی اشتراک
ایران امریکہ مذاکات اس وقت اہم ثابت ہونگے جب برابری کی بنیاد پر ہونگے، علامہ ساجد نقوی