8 فروری کا جلسہ اور ملک گیر احتجاج عمران خان کے کہنے پر کر رہے ہیں، عالیہ حمزہ چیف آرگنائزر پنجاب
اشاعت کی تاریخ: 3rd, February 2025 GMT
پاکستان تحریک انصاف (پی ٹی آئی) کی چیف آرگنائزر عالیہ حمزہ کا کہنا ہے کہ پی ٹی آئی مینار پاکستان پر 8 فروری کا جلسہ اور ملک گیر احتجاج بانی عمران خان کے کہنے پر کر رہی ہے۔
وی نیوز کو خصوصی انٹرویو دیتے ہوئے چیف آرگنائزر عالیہ حمزہ کا کہنا تھا کہ 8 فروری کو عوام کا شکریہ بھی ادا کریں گے کہ انہوں نے عمران خان کو ووٹ دیا اور یوم سیاہ بھی منائیں گے کہ ہمارا مینڈیٹ چوری کیا گیا۔
یہ بھی پڑھیں:عالیہ حمزہ پاکستان تحریک انصاف پنجاب کی چیف آرگنائزر مقرر
ان کا کہنا تھا کہ ہم چاہتے ہیں کہ 8 فروری کو حکومت ہمیں مینار پاکستان پر جلسہ کرنے کی اجازات دے۔ اس حوالے سے ہم لاہور ہائیکورٹ سے بھی رجوع کریں گے۔ اگر ہمیں اجازت نہیں ملتی تو ہمارا جلسہ احتجاج میں تبدیل ہو جائے گا۔
عالیہ حمزہ کا کہنا تھا کہ اگر حکومت نے مینار پاکستان کے علاوہ کسی اور جگہ جلسہ کرنے کی اجازات دی تو وہ ہم نہیں مانے گے۔ ان کا کہنا تھا کہ ہم ایک سیاسی جماعت ہیں ہمیں مینار پاکستان پر جلسہ کرنے کی اجازت کیوں نہیں دی جارہی؟
عالیہ حمزہ کے مطابق مینار پاکستان پر ہونے والے جلسے میں ہمارے اسٹیج پر وہ لوگ ہوں گے جنہوں نے پارٹی کے لیے قرنیاں دیں اور جیلیں کاٹیں۔ وہ سب اسٹیج پر ہوں گے۔
انہوں نے کہا کہ ہم کوئی کرپشن کرنے کے جرم میں جیلوں میں نہیں گے بلکہ ہم پر 9 مئی کا الزام لگایا گیا، جس کے حوالے سے عمران خان نے کہا ہے کہ جوڈیشل کمیشن بنا جائے تاکہ اصل ذمہ داروں کا پتہ چل سکے۔
یہ بھی پڑھیں:ابھی نندن کو مکمل علاج، عالیہ حمزہ پر تشدد، عالیہ حمزہ کی وائرل تصاویر پر سوشل میڈیا صارفین پھٹ پڑے
انہوں نے کہا کہ مینار پاکستان پر جلسہ کرنے اور اجازت نہ ملنے کی صورت میں ملک گیر احتجاج عمران خان کے کہنے پر کر رہے ہیں۔
جس سیل میں رکھا گیا تھا اس کے ساتھ منشیات فروش خواتین قید تھیںایک سوال کا جواب دیتے ہوئے عالیہ حمزہ نے بتایا کہ ڈاکٹر یاسمین راشد کو الگ سیل میں رکھا گیا تھا۔ میں خدیجہ شاہ اور صنم جاوید ایک سیل میں تھیں۔ ہمارے ساتھ والے سیل میں منشیات فروش عورتیں قید تھیں۔ جب ان کو نشہ نہیں ملتا تھا تو وہ شور مچاتی تھیں، تاکہ ہم سو نہ سکیں۔
عالیہ حمزہ کے مطابق ہمیں غائب کر کے سی آئی کوتوالی شفٹ کیا گیا، جہاں پر بڑے بڑے مجرمان اور دہشت گرد ہوتے ہیں۔ ہم پر کون سی ایف آئی آر نہیں ہوئی، ہر قسم کی ایف آئی آر درج کی گئی، ہر شہر کی جیل میں ہمیں قید کیا گیا۔
مجھے جیل میں پیغامات آتے تھے کہ پارٹی چھوڑ دیں تو رہائی مل جائے گئیچیف آرگنائز عالیہ حمزہ نے بتایا کہ جیل کے اندر پیغامات آتے تھے کہ ایک پریس کانفرنس کریں، پارٹی سے لاتعلقی کا اعلان کریں تو آپ کی رہائی ہو جائے گئی۔
یہ بھی پڑھیں:جناح ہاؤس حملہ: خدیجہ شاہ، عالیہ حمزہ اور دیگر دوبارہ شامل تفتیش
ان کا کہنا تھا کہ یہ پیغامات ایک دفعہ نہیں متعدد بار ہمیں جیل میں دیے گئے، لیکن میں ثابت قدم رہی۔ یہ پارٹی توڑنا چاہتے تھے لیکن آج اس پارٹی میں آنے کے لیے دنیا بے چین ہے۔ یہ عمران خان کو مائنس کرنا چاہتے تھے عوام نے پلس کر دیا۔
ہم ہارڈ لائنر ہیںعالیہ حمزہ نے کہا کہ ہر کوئی کہہ رہا ہے کہ ہم ہارڈ لائنر ہیں، اگر ملک کے لیے کھڑا ہونا، صحافیوں کے لیے کھڑا ہونا، ججز، عدلیہ کی آزادی کے لیے کھڑا ہونا، پارلیمنٹ کی توقیر اور ووٹر کے لیے کھڑا ہونا ہارڈ لائنر ہوتا ہے تو میں ہارڈ لائنر ہوں۔
وزیر اعلیٰ مریم نواز اور پی ڈی ایم کی حکومت میں ہمارے اوپر ظلم ہواایک سوال کا جواب دیتے ہوئے عالیہ حمزہ کا کہنا تھا کہ ہم مہذب طریقے سے احتجاج اور جلسہ کرنا چاہتے ہیں مگر اجازت نہیں دی جارہی۔ مریم نواز کالجز، یونیورسٹیز میں جاکر بچوں کو کہہ رہی ہیں کہ ہم انتشاری ہیں، ان کے پاس کیا ثبوت ہے؟ پیکا ایکٹ کے تحت ان کے خلاف مقدمہ ہونا چاہیے اور ان کے پاس کیا ثبوت ہے کہ ہم انتشاری ہیں؟ ان کو کالجز اور یونیورسٹیز میں جانا پڑا ہے اس کا مطلب ہے ان کو علم ہے کہ الیکشن ہونے والے ہیں۔
وزیراعلیٰ پنجاب مریم نواز میرے لیے غیر ضروری ہیںعالیہ حمزہ کا کہنا تھا جن کو عوام کی پروا نہ ہو، ٹک ٹاک بنانی ہو، شعبدہ بازی کرنا ہو ۔ڈارمے بازیاں کرنا ہوں وہ ہمارے لیے غیر ضروری ہیں۔ ہم تو پاکستانی عوام کے لیے نکلے ہیں، یہ بتائیں کہ یہ پاکستانی عوام کے لیے کیا کر رہے ہیں میں کیوں مریم نواز کو ڈسکس کروں میرے نزدیک ضروری ہے کہ میں اپنی پالیسز کو ڈسکس کروں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
8 فروری جلسہ پی ٹی آئی تحریک انصاف چیف آرگنائزر عالیہ حمزہ مریم نواز مینارپاکستان.ذریعہ: WE News
کلیدی لفظ: پی ٹی ا ئی تحریک انصاف چیف ا رگنائزر عالیہ حمزہ مریم نواز مینارپاکستان مینار پاکستان پر کا کہنا تھا کہ ہارڈ لائنر مریم نواز سیل میں یہ بھی نے کہا
پڑھیں:
پولیس سے مزاحمت کا الزام، عالیہ حمزہ کارکنوں سمیت گرفتار، اڈیالہ جیل بھیجنے کا حکم
پولیس سے مزاحمت کا الزام، عالیہ حمزہ کارکنوں سمیت گرفتار، اڈیالہ جیل بھیجنے کا حکم WhatsAppFacebookTwitter 0 19 April, 2025 سب نیوز
اسلام آباد(سب نیوز)سڑک بلاک کرنے اور پولیس پر پتھراو کے الزام میں پی ٹی آئی پنجاب کی چیف آرگنائزر عالیہ حمزہ سمیت 5 کارکنوں کو گرفتار کرلیا گیا، عدالت نے دو کارکنوں کو رہا کردیا، عالیہ حمزہ اور دو کارکنوں کو اڈیالہ جیل بھیجنے کا حکم دے دیا۔ تفصیلات کے مطابق پولیس کو اطلاع ملی تھی کہ پی ٹی آئی کے کچھ لوگ سڑک بلاک کر رہے ہیں، جس پر پولیس فوری موقع پر پہنچی۔پولیس کے مطابق عالیہ حمزہ اور ساتھیوں کو غیر قانونی فعل سے اجتناب کا کہا گیا تو پولیس سے مزاحمت کی گئی جس پر انہیں گرفتار کرکے تھانہ ائیرپورٹ میں مقدمہ درج کرلیا گیا، جس میں شاہراہ عام کو بلاک کرنے پولیس پر پتھرا واور مزاحمت کی دفعات شامل ہیں۔
مقدمے میں 35 افراد نامزد ہیں، دو خواتین سمیت 5 کارکنوں کو موقع سے گرفتار کیا گیا تھا۔ مقدمہ تھانہ ائیرپورٹ پولیس نے محمد افضل سب انسپکٹر کی مدعیت میں درج کیا گیا۔ بعدازاں عالیہ حمزہ کو جوڈیشل کمپلیکس پہنچادیا جہاں انہیں سول ڈیوٹی جج ڈاکٹر ممتاز ہنجرا کی عدالت میں پیش کیا گیا۔ پولیس نے عالیہ حمزہ کو جوڈیشل ریمانڈ پر جیل بھجوانے کی استدعا کی۔وکیل صفائی نے گرفتاری کی مخالف کی، دلائل دیے اور عالیہ حمزہ کی ضمانت کی درخواست دائر کردی۔ عدالت نے درخواست پر فیصلہ محفوظ کیا اور جج سماعت مکمل کرکے اپنے چیمبر میں چلے گئے۔بعدازاں عدالت نے دو ملزمان زاہد اور شمیم آفتاب کو بے گناہ قرار دے کر رہا کردیا جب کہ عالیہ حمزہ کو جوڈیشل ریمانڈ پر اڈیالہ جیل بھیجنے کا حکم دے دیا۔ عدالت نے عالیہ حمزہ کے ساتھ دو ملزمان نعمان اور عادل کو بھی جوڈیشل ریمانڈ جیل بھیجنے کا حکم دے دیا۔وکلا نے عالیہ حمزہ کی درخواست ضمانت دائر کردی جس پر عدالت نے آج ہی نوٹس کے ساتھ ارجنٹ سماعت استدعا منظور کرلی، پی ٹی آئی وکیل ملک فیصل اور ڈاکٹر علی عمران نے دلائل شروع کر دئیے۔عدالت نے کہا کہ دفعات قابل ضمانت تھیں 506 دفعہ کا اضافہ کر دیا گیا ہے۔
وکلا صفائی نے کہا کہ الزام ایک طرح کا ہے تو تین ملزمان کو جوڈیشل اور دو کی ضمانت کیسے ہوسکتی ہے؟ عدالت پانچوں ملزمان کو ایک طرح ٹریٹ کرے،عدالتی عملے نے پہلے دو ملزمان کو ڈسچارج کرنے کا کہا،اب عدالتی عملے نے کہا پانچوں ملزمنان کو جوڈیشل کرکے دو کی ضمانت ہوچکی ہے۔سول جج ڈاکٹر ممتاز ہنجرا نے سماعت میں وقفہ کردیا۔قبل ازیں عالیہ حمزہ نے عدالت میں پیشی پر میڈیا سے گفتگو میں کہا کہ راولپنڈی میں فلسطین پر یوتھ کنونشن تھا انہیں اس سے بھی ڈر لگا، ان سے پوچھا جائے رات سے ہمیں کیوں حبس بے جا میں رکھا ہوا ہے؟ ایک نئی ایف آئی آر ایک نیا میڈل ہے، کیا تفتیشی افسر عدالت کے سامنے حلف دے گا؟ پولیس سے کہا تھا کارکنان کو گرفتار نہ کریں مجھے کرنا ہے تو کریں،انہوں نے کہا کہ ظلم جتنا مرضی کرلیں ہم ہنس کر سہیں گے، پولیس پر کسی نے پتھرا نہیں کیا، پولیس سے پوچھیں ان کے سامنے میں کھڑی تھی ایک پتھر بھی کسی نے نہیں مارا پھر بھی ہم پر پتھرا کرکے پولیس سے مزاحمت کا مقدمہ درج کرلیا گیا۔
حکومت سندھ کا تکراری تونسہ کینال کھولنے پر ارسا سے سخت احتجاج، فوری بند کرنے کا مطالبہ