کراچی میں بچوں کے اغوا کے واقعات
اشاعت کی تاریخ: 3rd, February 2025 GMT
کم و بیش تین بچوں کے حالیہ ہفتے میں اغوا کے واقعات نے کراچی کے شہریوں کو ایک بار پھر تشویش میں مبتلا کر دیا ہے۔ یہ المناک واقعات نہ صرف خاندانوں کے لیے تکلیف کا باعث ہیں، بلکہ شہر میں قانون نافذ کرنے والے اداروں کی کارکردگی پر بھی سوالیہ نشان ہیں۔ ایسے میں ایڈیشنل آئی جی کراچی کی جانب سے ’’اینٹی کڈنیپنگ کمیٹی‘‘ کا قیام ایک حوصلہ افزا قدم ہے، تاہم اس کی کامیابی کا انحصار ٹھوس اقدامات اور فوری نتائج پر ہوگا ورنہ اس طرح کی کمیٹیاں درجنوں بنتی رہتی ہیں۔ کہا یہ گیا ہے کہ اس پانچ رکنی کمیٹی کی سربراہی ڈی آئی جی سی آئی اے کو سونپی گئی ہے، جبکہ ایس ایس پی ساؤتھ، ایس پی انویسٹی گیشن ویسٹ، ایس ایس پی اے وی سی سی، اور ایس ایس پی کورنگی اس کا حصہ بنائے گئے ہیں۔ کمیٹی کا بنیادی ہدف بچوں کو اغوا کرنے والے گینگ کے خلاف کارروائی کو تیز کرنا اور ان کی گرفتاری کو یقینی بنانا ہے۔ نوٹیفکیشن میں کمیٹی کے چیئرمین کو تین دن کے اندر ابتدائی رپورٹ پیش کرنے کی ہدایت بھی شامل ہے، جو فوری نوعیت کے حوالے سے اہم ہے۔ پولیس کمیٹی کو چاہیے کہ وہ ان واقعات کے پیٹرن کا جائزہ لے، اغوا کاری کے نیٹ ورک کو بے نقاب کرے، اور موجودہ کیسز میں تیزی سے تفتیش کرے۔ ساتھ ہی، سی سی ٹی وی فوٹیج کا تجزیہ، گمشدہ بچوں کے خاندانوں سے تعاون، اور انٹیلی جنس بیسڈ آپریشنز کو ترجیح دی جائے۔ صرف پولیس کی کوششیں کافی نہیں ہوں گی۔ والدین کو بچوں کی نقل و حرکت پر نگاہ رکھنی ہوگی، انہیں غیر اجنبیوں سے بات چیت اور سوشل میڈیا کے استعمال کے حوالے سے آگاہ کرنا ہوگا۔ اس کے علاوہ، رہائشی علاقوں میں کمیونٹی سسٹم کو فعال بنانے، اور اسکولوں کے اردگرد سیکورٹی انتظامات بڑھانے کی ضرورت ہے۔ پولیس کو چاہیے کہ وہ عوام کے ساتھ معلومات کا تبادلہ بڑھائے اور ایمرجنسی ہاٹ لائنز کو موثر بنائے۔ حالیہ کمیٹی کا قیام ایک مثبت اقدام ہے، مگر ماضی میں ایسی کمیٹی اکثر کاغذی کارروائی تک محدود رہی ہیں۔ اس بار نتائج مختلف ہونے چاہئیں۔ پولیس قیادت کو چاہیے کہ وہ کمیٹی کی پیش رفت پر باقاعدہ بریفنگز جاری کرے، تاکہ عوامی تشویش کو کم کیا جاسکے۔ ساتھ ہی، انصاف کے تقاضے پورے کرتے ہوئے مجرموں کو سخت سزائیں دی جانی چاہئیں۔ امید ہے کہ یہ کمیٹی نہ صرف حالیہ واقعات کو سلجھائے گی، بلکہ ایسے جرائم کی روک تھام کے لیے دیرپا حکمت عملی بھی تشکیل دے گی۔
.ذریعہ: Jasarat News
کلیدی لفظ: ایس پی
پڑھیں:
دوسری شادی کرنے کی صورت میں بچے کی کسٹڈی کا حق دار کون؟ عدالت کا بڑا فیصلہ سامنے آگیا
دوسری شادی کرنے کی صورت میں بچے کی کسٹڈی کا حق دار کون؟ عدالت کا بڑا فیصلہ سامنے آگیا WhatsAppFacebookTwitter 0 21 April, 2025 سب نیوز
لاہور(آئی پی ایس) لاہور ہائیکورٹ نے بچوں کی حوالگی کے حوالے سے بڑا فیصلہ سناتے ہوئے دوسری شادی کرنے کے باوجود ماں کو ہی بچے کی کسٹڈی کا حق دار قرار دے دیا۔
لاہور ہائیکورٹ کے جسٹس احسن رضا کاظمی نے نازیہ بی بی کی درخواست پر 4 صفحات پر مشتمل تحریری فیصلہ جاری کردیا، عدالت نے دوسری شادی کی بنیاد دس سالہ بچے کو ماں سے لے کر باپ کو دینے کا ٹرافئل کورٹ کا فیصلہ کالعدم قرار دے دیا۔
فیصلے میں کہا کہ بچوں کے حوالگی کے کیسز میں سب سے اہم نقطہ بچوں کی فلاح وبہبود ہونا چاہیئے، عام طور پر ماں کو ہی بچوں کی کسٹڈی کا حق ہے، اگر ماں دوسری شادی کر لے تو یہ حق ضبط کر لیا جاتا ہے، یہ کوئی حتمی اصول نہیں ہے کہ ماں دوسری شادی کرنے پر بچوں سے محروم ہو جائے گی، غیر معمولی حالات میں عدالت ماں کی دوسری شادی کے باوجود بچے کی بہتری کی بہتری کےلیے اسے ماں کے حوالے کرسکتی ہیں۔
فیصلے میں کہا گیا کہ موجودہ کیس میں یہ حقیقت ہے کہ بچہ شروع دن سے ماں کے پاس ہے، صرف دوسری شادی کرنے پر ماں سے بچے کی کسٹڈی واپس لینا درست فیصلہ نہیں، ایسے سخت فیصلے سے بچے کی شخصیت پر بہت برا اثر پڑ سکتا ہے۔
فیصلے میں قرار دیا گیا کہ موجودہ کیس میں میاں بیوی کی علیحدگی 2016 میں ہوئی، والد نے 2022 میں بچے کی حوالگی کے حوالے سے فیصلہ دائر کیا، والد اپنے دعوے میں یہ بتانے سے قاصر رہا کہ اس نے چھ سال تک کیوں دعوا نہیں دائر کیا۔
فیصلے میں کہا گیا کہ والد نے بچے کی خرچے کے دعوے ممکنہ شکست کے باعث حوالگی کا دعوا دائر کیا، ٹرائل کورٹ نے کیس میں اٹھائے گئے اہم نقاط کو دیکھے بغیر فیصلہ کیا، عدالت ٹرائل کورٹ کی جانب سے بچے کی حوالگی والد کو دینے کا فیصلہ کالعدم قرار دیتی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاکستانی ٹیکسٹائل برآمدات بلند ترین سطح پر پہنچ گئیں، وزیراعظم کا خراج تحسین پاکستانی ٹیکسٹائل برآمدات بلند ترین سطح پر پہنچ گئیں، وزیراعظم کا خراج تحسین واشنگٹن کے ساتھ تجارتی سودے ہمارے کھاتے میں نہ کیے جائیں … چین کا انتباہ ہیٹ ویو کے خطرات؛ تعلیمی اداروں میں گرمیوں کی تعطیلات کب ہوں گی؟ نظام کی بہتری کے لیے 26 ویں ترمیم کی گئی، ضرورت ہوئی تو مزید قانون سازی کریں گے، وزیر قانون سپریم کورٹ کے جسٹس ریٹائرڈ سرمد جلال عثمانی انتقال کرگئے شاعر مشرق، مفکر پاکستان ڈاکٹر علامہ محمد اقبالؒ کی آج 87 ویں برسیCopyright © 2025, All Rights Reserved
رابطہ کریں ہمارے بارے ہماری ٹیم
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش