قومی وسائل کو بے دردی سے لوٹا اور صوبوں سے ان کا حق چھینا جارہاہے،لیاقت بلوچ
اشاعت کی تاریخ: 3rd, February 2025 GMT
لاہور (نمائندہ جسارت) جماعت اسلامی پاکستان کے نائب امیر لیاقت بلوچ نے کہا ہے کہ قومی وسائل کو بے دردی سے لوٹا جا رہا ہے، صوبوں سے ان کا حق چھینا جا رہا ہے، عام آدمی کے لیے در در کے دھکے ہیں، حکمران اشرافیہ نے عدالتوں کو مفلوج ، ججوں جو تقسیم، پارلیمانی نظام کو برباد کر کے رکھ دیا ہے اور حکمران طبقہ اب عدلیہ کو اپنے مقاصد کے لیے استعمال کر رہا ہے۔ انہوں نے کہا پاکستان کی نوجوان نسل تحریک اسلامی سے وابستہ ہو کر ملک پر مسلط، جاگیر داروں، سرمایہ داروں، اقتدار کے حوس پرستوں کو مسترد کر کے پاکستان کو اسلامی فلاحی ریاست اور ملک میں قرآن و سنت کے نظام کے نفاذ کے لیے جماعت اسلامی کا دست بازو بنیں، انشاء اللہ مستقبل جماعت اسلامی کا ہے۔ ان خیالات کا اظہار انہوں نے گجرات میں اسلامی جمعیت طلبہ پاکستان اور جامع مسجد منصورہ میں جمعیت طلبہ عربیہ پاکستان کے اجتماع ارکان سے خطاب کرتے ہوئے کیا۔لیاقت بلوچ نے کہا
کہ اسلامی جمعیت طلبہ اور جمعیت طلبہ عربیہ نے اپنی قیادت کے انتخاب سے نئی نسل کو اسلامی جمہوری پیغام دیا ہے۔ دینی و عصری علوم کی یہ طلبہ تنظیمیں پاکستان کی نظریاتی طاقت ہے، جس نے پورے ملک کے طلبہ کو منظم کیا اور دینی مدارس میں فرقہ پر ستی کے خاتمے اور اتحاد امت کی قوت ہے، لیاقت بلوچ نے کہا کہ الحادیت، مادہ پرستی، مادر پدر آزدی، اخلاقی و تہذیب کو تباہ کرنے کے مقابلے میں دینی و عصری علوم کے طلبہ نے علم، دلیل، حسن اخلاق سے اپنے فریضے کو ادا کر رہے ہیں۔ انہوں نے کہا کہ ملک میں سرمایہ دارانہ، جاگیردارانہ نظام انسانوں کو تباہی کی طرف دھکیل رہا ہے، یہی طبقہ اب قانون سازی اور طاقت کے استعمال سے ذرائع ابلاغ کو کنٹرول کرنا چاہتا ہے۔نائب امیر جماعت اسلامی پاکستان ڈاکٹر عطا الرحمن نے خطاب کرتے ہوئے کہا کہ بانی جماعت اسلامی مولانا سید ابو اعلیٰ مودودی ؒ عالم ربانی تھے، ان کی قائم کردہ جماعت اسلامی اقامت دین کی تحریک کا نام ہے۔ انہوں نے کہا کہ دینی مدارس کے طلبہ اپنے علم کو اختلاف امت نہیں اتحاد امت کے داعی بننے کا ذریعہ بنائیں اس سے ملک میں اسلامی انقلاب کی راہ ہموار ہو گی۔امیر جماعت اسلامی بلوچستان مولانا ہدایت الرحمن بلوچ نے خطاب کرتے ہوئے کہا کہ جماعت اسلامی بلوچستان میں ظلم و جبر کے نظام کے خلاف جدو جہد کر رہی ہے اور بلوچستان میں سرداری نظام فوجی آپریشن کے خلاف اور لاپتا افراد کی بازیابی کے لیے اسمبلی کے اندر بھی آواز بلند کر رہی ہے۔ بلوچستان کے عوام کے حقوق کے لیے عملی جدو جہد کر رہی ہے۔
ذریعہ: Jasarat News
کلیدی لفظ: جماعت اسلامی جمعیت طلبہ لیاقت بلوچ انہوں نے بلوچ نے نے کہا رہا ہے کے لیے کہا کہ
پڑھیں:
اہل فلسطین سے اظہارِ یکجہتی، اسلامی جمعیت طلبہ کا خیبر پختونخوا میں یوم سیاہ
صوبائی ناظم اسفندیار عزت نے خطاب کرتے ہوئے کہا کہ امریکا غزہ میں اسرائیل کی پشت پناہی کر رہا ہے، عالم اسلام کے حکمران نہتے فلسطینیوں کی نسل کشی اور امریکی سرپرستی میں اسرائیلی جارحیت روکنے میں اپنا کردار ادا کریں۔ اسلام ٹائمز۔ اہل فلسطین سے اظہارِ یکجہتی اور اسرائیلی مظالم کیخلاف اسلامی جمعیت طلبہ نے ملک بھر کیطرح خیبر پختونخوا کی سرکاری جامعات اور کالجز میں یوم سیاہ منایا۔ جامعہ عبدالولی خان سمیت باچا خان، ملاکنڈ، کوہاٹ، سوات، گومل، شہید بینظیر بھٹو شرینگل، ایبٹ آباد، ہری پور، ہزارہ اور چترال یونیورسٹیوں میں مظاہرے اور ریلیاں نکالی گئیں۔ کوہاٹ یونیورسٹی آف سائنس اینڈ ٹیکنالوجی میں یکجہتی فلسطین ریلی سے صوبائی ناظم اسفندیار عزت نے خطاب کرتے ہوئے کہا کہ امریکا غزہ میں اسرائیل کی پشت پناہی کر رہا ہے، عالم اسلام کے حکمران نہتے فلسطینیوں کی نسل کشی اور امریکی سرپرستی میں اسرائیلی جارحیت روکنے میں اپنا کردار ادا کریں۔ اہل غزہ اور فلسطین نے اسرائیل کا غرور خاک میں ملادیا۔57 اسلامی ممالک کی فوجیں جنہوں نے قبلہ اول کا تحفظ کرنا تھا آج وہ خاموشی کی تصویر بنے ہوئی ہیں، اس موقع پر ناظم کوہاٹ کلیم اللہ اور ناظم یونیورسٹی آفتاب احمد بھی موجود تھے۔
جامعہ ملاکنڈ میں یکجہتی فلسطین ریلی سٹار پوائنٹ سے شروع ہوکر مین اکیڈمک بلاک پر اختتام پزیر ہوئی، ریلی کی قیادت ناظم جامعہ معاز خان نے کی۔ سوات یونیورسٹی میں ریلی سے ناظم ڈویژن حمزہ رشید اور ناظم زون ضیاء شاہد نے خطاب کیا۔ جامعہ ایبٹ آباد کے تحت "غزہ مارچ" سے ناظم ہری پور یحییٰ حنیف نے خطاب کیا۔جامعہ عبدالولی خان مردان میں ریلی سے ناظم مردان فاروق محمد نے خطاب کیا۔ریلی میں سینکڑوں کی تعداد میں طلبہ و طالبات نے شرکت کی۔ اہل غزہ سے اظہارِ یکجتی کے لیے جہانزیب کالج سے نشاط چوک تک سٹوڈنٹس مارچ کا انعقاد کیا گیا۔سٹوڈنٹس مارچ سے امیر جماعت اسلامی شمالی عنایت اللہ خان اور ناظم مینگورہ ضیاء اللہ نظام نے خطاب کیا۔ امیر جماعت اسلامی شمالی عنایت اللہ خان، نائب امیر جماعت اسلامی سوات اختر علی خانجی، حافظ اسرار احمد، ضیاءاللہ نظام اور دیگر مقررین نے کہا کہ آج مٹھی بھر اسرائیل نے ساٹھ ہزار سے زائد نہتے اور مظلوم فلسطینیوں کو شہید کرکے بربریت کی انتہا کردی ہے لیکن امت مسلمہ کے حکمرانوں نے ان مظالم پر چشم پوشی اختیار کرکے بے حسی کی انتہاء کردی ہے۔
انہوں نے اس موقع پر امت مسلمہ کے حکمرانوں سے مطالبہ کیا کہ وہ اسرائیلی مظالم کا دوٹوک جواب دیں اور اسرائیلی مصنوعات کا بائیکاٹ کیا جائے۔ اسرائیل کو عالمی دہشت گرد امریکہ کی پشت پناہی حاصل ہے لیکن ڈیڑھ ارب مسلمان صرف تماشہ دیکھ رہے ہیں۔ جامعہ ہزارہ کے زیر اہتمام یکجہتی فلسطین ریلی سے ناظم ڈویژن عمیر علی، ناظم جامعہ حافظ اسامہ اور سابق ناظم الیاس جبار نے بھی خطاب کیا۔ چترال یونیورسٹی میں ریلی کا انعقاد کیا گیا۔ ریلی سے جنرل سیکرٹری بزم شاہین خیبر پختونخوا مستظہر بااللہ، ناظم چترال عمار بن اسد اور ناظم چترال حسین امین نے بھی خطاب کیا۔ اسلامی جمعیت طلبہ شرینگل یونیورسٹی کے زیر اہتمام غزہ مارچ کا انعقاد کیا گیا۔ علاوہ ازیں رہائشی حلقوں واڑی، تیمرگرہ، دیر میں بھی یکجہتی فلسطین مظاہرے ہوئے۔ مظاہروں اور ریلیوں میں سینکڑوں کی تعداد میں طلبہ نے شرکت کی۔ طلبہ نے تعلیمی اداروں میں کتبے اٹھا رکھے تھے، جن پر اہل فلسطین اور غزہ کے حق میں نعرے درج تھے۔
کراچی: ندی سے ڈوبنے کے دوران زندہ نکالے جانیوالا شخص دم توڑ گیا