پنشن میں کٹوتی کے خلاف سی بی اے کا احتجاجی مظاہرہ
اشاعت کی تاریخ: 2nd, February 2025 GMT
حیدرآباد(اسٹاف رپورٹر)آل سندھ ایگریکلچر ریسرچ ریجنل ایمپلائز یونین( سی بی اے) ٹنڈو جام کی جانب سے پنشن میں کمی، الائونسز میں کٹوتی اور فوتی کوٹہ ختم کیے جانے کے خلاف حیدرآباد پریس کلب کے سامنے احتجاجی مظاہرہ کیا گیا ،مظاہرے میں شریک ملازمین بنیادی مسائل کے حل اور مطالبات کے حق میں سخت نعرے بازی کر رہے تھے جبکہ مظاہرے سے ایمپلائز یونین ٹنڈو جام کے صدر علی روشن چنہ،آل سندھ ٹریڈ یونینز آرگنائزیشن کے رہنما کامریڈ اقبال ، غلام رسول، دھنی بخش اور دیگر نے اپنے خطاب میں کہا کہ سرکار کے انتظامی امور کی انجام دیہی دینے والے ملازمین عالمی اداروں کی ہدایات کی بھینٹ چڑھائے جارہے ہیں ، پنشن کم کرنا ، الائونسز میں کٹوتی اور فوتی کوٹہ ختم کرنا ملکی آئین اور لیبر قوانین کے منافی عمل ہے ،یہ فیصلے واپس لیکر ملازمین کے حقوق کا تحفظ یقینی بنایا جائے۔رہنمائوں نے مزید کہا کہ ایک طرف ملکی حکمران عالمی سامراجی مالیاتی اداروں کی ہدایت پر ملک بھر کے لاکھوں سرکاری ملازمین کی مراعات میں کٹوتی کرکے انہیں فاقہ کشی کی دلدل میں ڈالنے کی حکمت عملی پر کار فرما ہیں تو دوسری طرف اراکین پارلیمنٹ اپنی تنخواہوں ، الائو نسز و دیگر مراعات میں اضافہ کرکے ملکی آئین کی خلاف ورزی کے مرتکب ہورہے ہیں۔ لہذاسرکاری ملازمین حکمرانوں کے ان ملازمین دشمن فیصلوں کو یکسر مسترد کرتے ہیں اور مطالبہ کرتے ہیں کہ سرکاری ملازمین کی تمام مراعات ، پنشن ، الائونسز بحال کیے جائیں ورنہ ملازمین اپنی مستقل جدوجہد جاری رکھیں گے۔
.ذریعہ: Jasarat News
کلیدی لفظ: میں کٹوتی
پڑھیں:
سلطان محمد گولڈن کے صاحبزادے عمر گولڈن کا ریمپ جمپ میں شاندار مظاہرہ
کوئٹہ میں اسٹنٹ کی دنیا کے معروف نام سلطان محمد گولڈن کے صاحبزادے عمر گولڈن نے بھی اپنی مہارت کا مظاہرہ کیا۔ عمر گولڈن نے گاڑی کے ذریعے دو ریمپس کو کامیابی سے عبور کرتے ہوئے ریمپ جمپ میں شاندار مظاہرہ کیا۔
اس موقع پر گفتگو کرتے ہوئے عمر گولڈن نے کہا کہ ان کی کوشش ہے کہ وہ اپنے والد کا نام مزید بلند کریں اور اسٹنٹ کی دنیا میں اپنا مقام مضبوط کریں۔
سلطان محمد گولڈن نے توڑے دو عالمی ریکارڈ
اسی روز سلطان محمد گولڈن نے بھی اسٹنٹ کے عالمی ریکارڈ میں اپنے نام اضافہ کیا۔ انہوں نے طویل فاصلے تک ریورس ڈرائیو میں ریکارڈ قائم کیا اور دور مقام سے ریورس ریمپ جمپ کا بھی نیا عالمی ریکارڈ بنایا۔
سلطان گولڈن نے 121.72 فٹ کے فاصلے سے ریورس ریمپ جمپ کیا، جب کہ سابقہ عالمی ریکارڈ 89 فٹ 3.25 انچ تھا۔ مزید برآں، انہوں نے 2022ء میں قائم تیز ترین ریورس ڈرائیو کا ریکارڈ بھی توڑ دیا، مقررہ فاصلہ صرف 57 سیکنڈز میں طے کر کے نیا ریکارڈ قائم کیا۔
اس سے قبل طویل فاصلے تک ریورس ڈرائیو کا ریکارڈ امریکی اسٹنٹ مین کے نام تھا، جو 1 منٹ 15 سیکنڈز میں طے کیا گیا تھا۔
ریکارڈ توڑنے کے بعد شائقین نے سلطان محمد گولڈن کو زبردست داد دی اور اسٹنٹ کی دنیا میں ان کی مہارت کو سراہا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر