بھارت میں انکم ٹیکس میں کٹوتیوں کا اعلان
اشاعت کی تاریخ: 1st, February 2025 GMT
اسلام آباد (اُردو پوائنٹ ۔ DW اردو۔ 01 فروری 2025ء) بھارتی وزیرخزانہ نرملا سیتارامن نے ہفتے کے روز کہا کہ حکومت کی جانب سے ملکی معیشت کو سہارا دینے اور کمزور کھپت کو مضبوط بنانے کے لیے انکم ٹیکس میں کمی کی جا رہی ہے۔
دنیا کا سب سے زیادہ آبادی والا ملک رواں مالی سال میں کووڈ وبا کے بعد کی سب سے کم معاشی نمو کی توقع کر رہا ہے، حالانکہ گزشتہ سال اس کی ترقی کی شرح آٹھ فیصد سے زیادہ تھی۔
شہری صارفین کو مہنگائی اورکم اجرت جیسے مسائل کا سامنا ہے، جس سے طلب پر منفی اثرات پڑے ہیں۔
وزیر خزانہ نرملا سیتارامن نے سالانہ بجٹ پیش کرتے ہوئے پارلیمنٹ میں بتایا،''نیا ڈھانچہ متوسط طبقے کے ٹیکسوں میں نمایاں کمی کرے گا اور ان کے ہاتھ میں زیادہ رقم چھوڑے گا، جس سے گھریلو کھپت، بچت اور سرمایہ کاری کو فروغ ملے گا۔
(جاری ہے)
‘‘انہوں کا کہنا تھا،''ٹیکس کی درجہ بندی اور شرح میں وسیع پیمانے پر تبدیلیاں کی جا رہی ہیں تاکہ تمام ٹیکس دہندگان کو فائدہ پہنچے۔‘‘
وزیر خزانہ نے اعلان کیا کہ سالانہ 12 لاکھ روپے ($13,800) تک کمانے والے افراد اب انکم ٹیکس سے عملی طور پر مستثنیٰ ہوں گے۔
یہ حد سات لاکھ سالانہ کے پچھلے ٹیکس فری دائرے سے تقریباﹰ دوگنا کر دی گئی ہے۔
اسی طرح، 2020ء میں متعارف کردہ نئے ٹیکس سسٹم میں بھی ترامیم کی گئی ہیں۔ اب 16 لاکھ روپے سے 24 لاکھ روپے سالانہ کمانے والوں پرٹیکس کی شرح 30 فیصد سے کم کر کے 20 سے 25 فیصد کر دی گئی ہے۔سیتارامن نے کہا، '' متوسط طبقہ بھارت کی ترقی کے لیے ریڑھ کی ہڈی کی حیثیت رکھتا ہے۔‘‘
انہوں نے مزید بتایا کہ ان تبدیلیوں کے باعث بھارتی حکومت کو ایک کھرب روپے ($11.
ممکنہ طور پر کم سرکاری اخراجات کی وجہ سے مالی سال 2025ء میں بھارت کا بجٹ خسارہ مجموعی ملکی پیداوار (جی ڈی پی) کا 4.8 فیصد رہے گا، جو گزشتہ سال کے بجٹ میں پیش کیے گئے 4.9 فیصد کے تخمینے سے کم ہے۔
ع ت، ع س (اے ایف پی)
ذریعہ: UrduPoint
کلیدی لفظ: تلاش کیجئے
پڑھیں:
اسپورٹیج ایل کی قیمت میں 10 لاکھ روپے کمی ، حقیقت یا افواہ؟
اسلام آباد(نیوز ڈیسک)پاکستانی آٹومارکیٹ کے حلقوں کو حال ہی میں ایک افواہ نے ہلا کر رکھ دیا کہ ’’کیا لکی موٹرز‘‘ نے کیا اسپورٹیج ایل 2.0 ایل ایف ڈبلیو ڈی ویرینٹ کی قیمت میں پورے 10 لاکھ روپے کی کمی کردی ہے، جس کے بعد مبینہ طور پر نئی قیمت جو کہ ایک کروڑ 18 لاکھ 25 ہزار روپے سے کم ہو کر ایک کروڑ 8 لاکھ 25 ہزار روپے پر آگئی۔
یہ خبر سوشل میڈیا پر ایک بظاہر ’’سرکاری‘‘ نوٹیفکیشن کے ساتھ گردش کرنے لگی تھی۔
یہ شور اس وقت شروع ہوا جب ہنڈائی پاکستان نے ٹکسن ہائبرڈ 2025ء لانچ کی، جو ایس یو وی سیگمنٹ میں ایک سنجیدہ چیلنج کے طور پر سامنے آئی، اس کی اسمارٹ ویرینٹ کی قیمت ایک کروڑ 10 لاکھ 99 ہزار روپے اور سگنیچر کی قیمت ایک کروڑ 19 لاکھ 99 ہزار روپے مقرر کی گئی تھی، جو کیا کی ہائبرڈ اور نان ہائبرڈ اسپورٹیج ماڈلز سے نمایاں طور پر کم تھیں۔
قدرتی طور پر اس سے قیاس آرائیوں نے جنم لیا کہ کیا لکی موٹرز بھی اپنی فلیگ شپ ایس یو وی کی قیمتیں کم کرے گا تاکہ مارکیٹ میں مقابلہ قائم رکھ سکے۔
کیا پاکستان نے گردش کرتی قیمتوں کی فہرست پر فوری ردعمل دیا اور اسے واضح طور پر ’’جعلی‘‘ قرار دیا۔ کمپنی نے ایک آفیشل بیان جاری کیا اور عوام سے درخواست کی کہ وہ اس قسم کی غلط معلومات پر یقین نہ کریں اور نہ ہی انہیں پھیلائیں اور اس بات کا اعادہ کیا کہ کوئی سرکاری قیمت میں کمی کا اعلان نہیں کیا گیا۔
ٹوسان ہائبرڈ بمقابلہ اسپورٹیج ایل: قیمت کا موازنہ
اسپورٹیج ایل کی قیمتیں:
اسپورٹیج ایل الفا – 94,99,000 روپے
اسپورٹیج ایل 2.0 ایل ایف ڈبلیو ڈی – 1,18,25,000 روپے
کیا اسپورٹیج ایل HEV – 1,28,50,000 روپے
ٹوسان ہائبرڈ 2025 کی قیمتیں:
ٹوسان ہائبرڈ اسمارٹ – 1,10,99,000 روپے
ٹوسان ہائبرڈ سگنیچر – 1,19,99,000 روپے
اگرچہ قیمتوں میں بھاری کمی کا خیال پرکشش لگتا ہے، خاص طور پر آج کی غیر مستحکم آٹوموٹیو مارکیٹ میں، مگر ایسے کسی بھی دعوے کی تصدیق ہمیشہ سرکاری ذرائع سے کرنا ضروری ہے۔
اب تک، کیا نے اسپورٹیج ایل کی قیمت میں کوئی تبدیلی نہیں کی ہے اور جو دستاویز وائرل ہوئی ہے وہ محض ایک افواہ ہے۔
مزیدپڑھیں:پاکستان میں ’کیااسپورٹیج‘ قسطوں پر بھی دستیاب، شرائط کیا ہیں؟
17 اپریل کو عام تعطیل کا اعلان