کوہلی اور روہت کے ستاروں کا دوبارہ چمکنے سے انکار
اشاعت کی تاریخ: 1st, February 2025 GMT
بھارت کے اسٹار بیٹرز وراٹ کوہلی اور روہت شرما آج کل اپنے کریئر کے سب سے گندے مرحلے سے گزر رہے ہیں۔ اُن کی فارم بحال ہونے کا نام نہیں لے رہی۔
روہت شرما سے کہہ دیا گیا ہے کہ انہیں چیمپینز ٹرافی میں کچھ نہ کچھ کر دکھانا ہے اور یہی بات کوہلی کے بھی گوش گزار کی جاچکی ہے۔ ان دونوں ہی بڑے بیٹرز کو اب اپنا مستقبل مکمل طور پر اندھیروں میں ڈوبا ہوا دکھائی دے رہا ہے۔ دونوں کی اسٹار ویلیو تیزی سے گھٹ رہی ہے۔ ایسے میں اگر دونوں کو قومی ٹیم سے نکالا جاتا ہے تو یہ دونوں کے لیے انتہائی شرم ناک مرحلہ ہوگا۔
روہت شرما چند مواقع پر اس حوالے سے کچھ نہ کچھ کہہ بھی چکے ہیں۔ وہ اپنے گزرے ہوئے زمانے کا حوالہ دے کر کہتے رہے ہیں کہ آج اگر اُن پر بُرا وقت ہے تو کوئی بات نہیں، اُن کی پرانی کارکردگی کی بنیاد پر لوگوں کو اُنہیں قبول کرنے کے لیے تیار رہنا چاہیے۔
وراٹ کوہلی نے اب تک اس حوالے سے زبان بند رکھی ہے۔ جب بھی اُن سے خراب کارکردگی اور بورڈ کی بدلتی ہوئی نظر کے بارے میں پوچھا جاتا ہے تو وہ کچھ بھی کہنے سے گریز کرتے ہیں اور سوال کے جواب کو گھمادیتے ہیں تاکہ کوئی تنازع کھڑا نہ ہو۔
وراٹ کوہلی نے اپنی فارم بحال کرنے کے نام پر دہلی کی ٹیم کی طرف سے ریلویز کے خلاف رنجی ٹرافی کے میچ میں شرکت کی مگر ناکام رہے۔ دہلی کی ٹیم نے ریلویز کو ایک اننگز اور 119 رنز سے ہرادیا تاہم کوہلی جادو جگانے میں ناکام رہے۔ میچ میں دہلی کی واحد اننگز میں کوہلی صرف 6 رنز اسکور کرسکے۔
وراٹ اور روہت کے لیے اب معاملات بہت مشکل ہوچکے ہیں۔ دونوں کو اپنی خراب کارکردگی کے باعث پوری قوم کے سامنے شدید شرمندگی کا سامنا ہے۔ اس حوالے سے سوشل میڈیا پر بھی بہت کچھ آرہا ہے۔ گزشتہ دونوں ممبئی کی کرکٹ ٹیم کے ایک میچ میں روہت شرما کو دیکھا جاسکتا ہے کہ وہ کس قدر مایوس ہیں۔
یہی حال وراٹ کوہلی کا بھی ہے۔ اُن کے مداحوں کی تعداد کروڑوں میں ہے اور لوگ اب بھی اُن کی ایک جھلک دیکھنے کے لیے بے تاب ہیں مگر یہ سب اُن کی پچھلی کارکردگی کی بدولت ہے۔ چند دوسرے کھلاڑی تیزی سے ابھرے ہیں اور اُنہیں بھی ہیرو کا درجہ دیا جارہا ہے۔ یہ سب کچھ وراٹ کوہلی اور روہت شرما کے لیے انتہائی سوہانِ روح ہے۔
.ذریعہ: Jasarat News
کلیدی لفظ: روہت شرما اور روہت کے لیے
پڑھیں:
نئی تاریخ رقم، ویرات کوہلی نے ڈیوڈ وارنر کا ریکارڈ توڑ دیا
ویرات کوہلی نے ڈیوڈ وارنر کا ریکارڈ توڑ دیا، آئی پی ایل میں نئی تاریخ رقم کر دی۔
رائل چیلنجرز بینگلورو (آر سی بی) کے اسٹار بیٹر ویرات کوہلی نے آئی پی ایل 2025ء کے ایک اہم مقابلے میں پنجاب کنگز کے خلاف شاندار کارکردگی دکھاتے ہوئے ایک نیا اور تاریخی ریکارڈ اپنے نام کر لیا۔
میچ میں کوہلی نے ناقابلِ شکست 73 رنز 54 گیندوں پر بنائے اور اپنی ٹیم کو فتح سے ہم کنار کروایا۔
یہ ویرات کوہلی کا آئی پی ایل میں 59 واں نصف سنچری (ففٹی) اسکور تھا اور مجموعی طور پر یہ ان کی 67 ویں ففٹی یا اس سے زیادہ رنز کی اننگز تھی۔
اس کارکردگی کے ساتھ کوہلی نے آسٹریلوی اوپنر ڈیوڈ وارنر کو پیچھے چھوڑتے ہوئے آئی پی ایل کی تاریخ میں سب سے زیادہ 50 پلس اسکور بنانے والے کھلاڑی کا اعزاز حاصل کر لیا، ان کے ریکارڈ میں اب 59 ففٹیز اور 8 سنچریاں شامل ہیں۔
پنجاب کنگز کی جانب سے دیے گئے 158 رنز کے ہدف کا تعاقب کرتے ہوئے ویرات کوہلی اور دیودت پڈیگل نے شاندار بلے بازی کا مظاہرہ کیا، دونوں بلے بازوں نے پہلی وکٹ کی شراکت میں 103 رنز جوڑے، جس نے آر سی بی کی جیت کی بنیاد رکھ دی، پڈیگل نے 35 گیندوں پر 61 رنز کی جارحانہ اننگز کھیلی۔
آر سی بی نے 7 گیندیں باقی رہتے ہوئے 7 وکٹوں سے کامیابی حاصل کی۔
شائقینِ کرکٹ ایک مرتبہ پھر کوہلی کے ناقابلِ تسخیر عزم اور کلاس کے معترف ہو گئے ہیں۔
Post Views: 3
امریکی شہریت رکھنے والے یرغمالی سے متعلق حماس کا اہم بیان سامنے آگیا