مقصد ایک ہی ہے ،طریقہ کار بھی تبدیل نہیں ہوا،سازش وہی ہے ، آلہ کار بھی نئےنہیں ، فرق صرف اتنا ہے کہ 71 میں باپ وطن فروش تھا، ملک دشمنوں کا آلہ کار اور ہم وطنوں کی لاشوں کا سوداگر تو اب اولاد وہی دھندہ سنبھالے ہوئے ہے، اس وقت مکتی باہنی کی طرفداری طرہ امتیاز تھی ، اب ماہرنگ جیسوں کی غلامی سرمایہ حیات۔ وہ اگر پیٹ کا دوزخ بھرنے کو بنگالیوں کی لاشیں نوچتے تھے ،تو یہ بلوچوں کےخون پرپلتے ہیں ، انہیں بھارتی جرنیلوں نے اپنی کتابوں میں دوست قرار دےکرننگا کیا تو انہیں بھی مستقبل کا مورخ ضرور بےنقاب کرے گا ۔ ایک فرق البتہ بہت بڑا ہے ، کہ اب 1971 نہیں 2024ہے ۔ انسانی لاشوں پر پلنے والے گدھ اب کامیاب نہیں ہو سکتے کیونکہ پہچانے جاچکے ہیں ۔ 1971میں جن بنگالیوں کوحقوق کے نام پرگمراہ کرکے بنگلہ دیش بنوایا ، وہی بنگلہ دیشی نصف صدی بعداپنے ساتھ ہونے والی واردات کو نہ صرف سمجھ چکے ہیں بلکہ اصل کی جانب لوٹ رہےہیں ، ان کے ساتھ جو بیتی ، آزادی کی نیل پری کے عکس سےجو چڑیلیں ان پر مسلط ہوئیں وہ انہیں بھگت چکے ، کل کا بنگلہ دیشی آج کے پاکستانیوں کے لئےسبق ہے ، اور ان بردہ فروشوں کے کرتوتوں کا اشتہاربھی ۔ ڈھاکہ سے گوادر تک طریقہ واردات ایک ہی ہے ، حقوق کی بین بجا کر محرومی کا شکار ،جذباتی اور کچے ذہن کے نوجوانوں کو گمراہ کرنا اورپھر ان کی لاشوں کی تجارت کرنا ۔میڈیا میں گھسےہوئے مردار خوروں سے لے کر سیاست اور قوم پرستی کی آڑ میں کفن چور اورمردارخورماہرین کا پورا جال ہے،جوملک کی درس گاہوں سے لےکرکوچہ وبازار تک میں پھیلا ہو اہے۔ ایک دوسرےسے منسلک یہ لوگ اتنی مہارت سے لوگوں کو گمراہ کرکے اپنے جال میں پھانستے ہیں کہ قدیم ہندوستان کا امیر علی ٹھگ بھی ششدر رہ جائے ۔ اسلام آباد، کراچی اور لاہور کے پر تعیش ہوٹلوں میں اونگھتے ہوئے پائےجانے والےبوڑھے گدھ کس طرح سے گھات لگا کر بیٹھتےہیں ، میڈیا کے مداری کس طرح سے ہانکا کرکے نوجوانوں کو ان شکاریوں کی جانب دھکیلتے ہیں اوربالآخر ماہرنگ اوراس کی ساتھی خواتین ان بدگمان کئے گئے نوجوانوں کو دہشت گردوں کے کیمپوں اور وہاں سے دہشت گردی کے میدان تک پہنچاتی ہیں ، یہ تہہ در تہہ اور قدم بقدم چلتا ہوا ایک شیطانی چکر ہے ، جو بلوچستان کے نوجوانوں کو نگلتاجارہا ہے ،تشویش کی بات یہ ہے کہ ان مردار خوروں کا تازہ ہدف بنت حوا بن رہی ہے ۔ جتنی زیادہ لاشیں گرتی ہیں ، جتنے زیادہ وجود چیتھڑوں میں بدلتے ہیں ، ان کے بینک بیلنس اسی رفتار سے بڑھتے ہیں، اسلام آباد سے کراچی، لاہور اور کوئٹہ تک چیختے چلاتے، بھاگتے دوڑتے، گلا پھاڑتے ، گلاس ٹکراتے لاشوں کے ان سوداگروں کے اثاثہ جات ، مہنگے ترین علاقوں میں ان کے محلات سب کچھ بتانے کو کافی ہیں ۔
ماہرنگ اوراس کاانتشاری ٹولہ آئےروز مسنگ پرسنز کےنام پردھرنےاوراحتجاج کرتانظر آتا ہے، حقیقت یہ ہےکہ جیسے ہی کوئی نیا شکار دہشت گردتنظیموں کےکیمپوں میں منتقل کیا جاتا ہے، اس کانام مسنگ پرسنز لسٹ میں ڈال کر سیاپا شروع کردیاجاتا ہے ، جس میں خواتین کو خصوصی طور پر نمایاں کیا جاتا ہے،یہ بنیادی طور پر ایک جانب ریاست کو بلیک میل کرنے کی کوشش ہے تو دوسری جانب زرخرید میڈیا کے ذریعہ سے مخصوص جذباتی ماحول پیدا کرکے نوجوانوں اور خواتین کو آزادی اور حقوق کے جال میں پھانسنے اور دہشت گردی کے جہنم میں دھکیلنے کے عمل کا پہلا قدم ہے ۔ بلاشبہ خواتین خودکش بمباروں کا بڑھتا ہوا رجحان، شرم وحیا اور غیرت و حمیت کا مستحکم تصور رکھنے والے بلوچ معاشرے کے لئے انتہائی تکلیف دہ اور خواتین کی توہین وتذلیل کا باعث بن رہا ہے ۔ سکیورٹی اداروں کی سخت چیکنگ کی وجہ سے مرد دہشت گردوں کی نقل وحرکت چونکہ مشکل ہورہی ہے ، اس لے یہ مردار خورخواتین کو ورغلا کر لارہے ہیں کیو نکہ صرف بلوچ ہی نہیں پاکستانی معاشرے میں خواتین کے احترام کے سبب انہیں سخت سیکورٹی جانچ پڑتال سے بچ نکلنے میں سہولت مل جاتی ہے ۔خواتین کو کم مشکوک سمجھا جاتا ہے، جس کی وجہ سے وہ انتہا پسندوں کے لیے بھرتی کے لیے موزوں ہدف بن جاتی ہیں۔
یہ صرف الزام نہیں ، بلکہ بلوچستان میں اب تک دہشت گردی کے اس عفریت کی نذر ہونے والی حوا زادیوں کی داستان کا جائزہ لیں منصوبہ سازوں کی عیاری ، مکاری اورارزل سوچ طشت ازبام ہوجاتی ہے ۔ پہلی خاتون خودکش بمبار، شاری بلوچ، بیس کی دہائی کے ابتدائی سالوں میں تھی ، جب خواب دیکھنے کی صلاحیت حقائق کی تلخیوں پر پردہ ڈال دیتی ہے ، اس کے بعد جتنی بھی خواتین خودکش آئیں سب اسی عمر کی ہیں ۔ چونکہ تعلیم یافتہ بچیاں زیادہ حساس ہوتی ہیں لہٰذا یہ مردار خور ایک منظم، طریقہ واردات کے تحت انہی کو ہدف بناتے ہیں۔ ان سب کو گھیرنے کے لئے قائم کئے گئے نیٹ ورک میں میڈیا اور سوشل میڈیا پلیٹ فارمز بنیادی اہمیت رکھتے ہیں جنہیں ، ماہر اور گھاگ قسم کے لوگوں کے ذریعہ سے آپریٹ کیا جاتا ہے ۔ٹاک شوز میں محرومیوں کے مباحث سے شروع ہونے والی یہ بحث سوشل میڈیا پر جعلی اکاؤنٹس اورآن لائن حربوں کے ذریعہ سے لوگوں کو اپنے جال میں پھنساتی ہے ۔ خوش قسمتی سے دہشت گردوں کے جال میں پھنس کر بچ رہنے والی عدیلہ کی کیس سٹڈی اس پورے نیٹ ورک کو سمجھنے میں مدد تو دے سکتی ہے ، تاکہ اس کا توڑ کیاجا سکے ۔ عدیلہ ایک تعلیم یافتہ خاتون تھیں۔ عدیلہ بلوچ کو بی ایل اے نے اسی طرح سے آن لائن جوڑ توڑ اور بلیک میلنگ کے ذریعے اپنے جال میں پھنسایا، سوشل میڈیا کے ذریعے رابطہ کیا گیا، جہاں ان کے جذبات سے کھیلا گیا ۔
( جاری ہے )
ذریعہ: Daily Ausaf
کلیدی لفظ: کے نوجوانوں نوجوانوں کو خواتین کو جال میں جاتا ہے
پڑھیں:
وفاقی حکومت نے پاکستان کے نوجوانوں کی سماجی و معاشی خودمختاری کے لیے درجنوں پروگرامز شروع کیے ہیں،چیئرمین یوتھ پروگرام رانا مشہود
پشاور (اُردو پوائنٹ اخبارتازہ ترین - اے پی پی۔ 21 اپریل2025ء) وزیراعظم یوتھ پروگرام کے چیئرمین رانا مشہود احمد خان نے کہا ہے کہ وفاقی حکومت نے پاکستان کے نوجوانوں کی سماجی و معاشی خودمختاری کے لیے درجنوں پروگرامز شروع کیے ہیں۔وہ یہاں گلبہار میں منعقدہ خیبرپختونخوا یوتھ کنونشن سے خطاب کر رہے تھے، جس سے وفاقی وزیر انجینئر امیر مقام، مسلم لیگ ن کے جنرل سیکرٹری مرتضیٰ جاوید عباسی اور کے پی یوتھ کوآرڈینیٹر بابر سلیم نے بھی خطاب کیا۔رانا مشہود خان نے اپنے مختصر خطاب میں وزیراعظم کے یوتھ ایمپاورمنٹ پروگرام پر روشنی ڈالی، جس میں ٹیکنیکل تعلیم، روزگار، ہنر کی ترقی، قرضہ اسکیم اور اسکالرشپ اقدامات شامل ہیں۔ انہوں نے کہا کہ ان پروگرامز سے پاکستان خصوصاً خیبرپختونخوا کے نوجوانوں کی زندگیوں میں مثبت تبدیلی آئی ہے۔(جاری ہے)
انہوں نے کہا کہ ملک کی پہلی ڈیجیٹل یوتھ پالیسی کا آغاز کیا گیا ہے اور وہ یہاں خیبرپختونخوا کے نوجوانوں کو اس حوالے سے آگاہ کرنے کے لیے آئے ہیں۔
رانا مشہود نے کہا کہ وہ پاکستان کے 25 شہروں کا دورہ کریں گے تاکہ نوجوانوں کو حکومت کی پہلی ڈیجیٹل پالیسی اور یوتھ ایمپاورمنٹ پروگرام سے آگاہ کیا جا سکےانہوں نے اس سلسلے میں جلد صوابی کا بھی دورہ کرنے کا اعلان کیا۔رانا مشہود نے کہا کہ نوجوان پاکستان کا قیمتی اثاثہ ہیں اور ملک کی ترقی میں ان کا کردار نہایت اہم ہے۔وفاقی وزیر انجینئر امیر مقام نے وزیراعظم محمد شہباز شریف کی حکومت کی نوجوانوں کو بااختیار بنانے اور ملک کی مجموعی معاشی ترقی کے لیے کی گئی کامیابیوں کو اجاگر کیا۔انہوں نے کہا کہ شہباز شریف حکومت کے دوران مہنگائی اور پالیسی ریٹ میں نمایاں کمی آئی ہے اور معیشت کو ترقی اور خوشحالی کی راہ پر گامزن کر دیا گیا انہوں نے کہا کہ وزیراعظم محمد شہباز شریف نے ملک کو معاشی دیوالیہ پن سے بچا لیا۔انجینئر امیر مقام نے کہا کہ پاکستان مسلم لیگ (ن) واحد جماعت ہے جو نوجوانوں کے مسائل کو حل کرنے کی صلاحیت رکھتی ہے۔انہوں نے کہا کہ اس قسم کے یوتھ کنونشنز ضلعی اور تحصیل سطح پر بھی منعقد کیے جائیں گے حکومت نوجوانوں کو ٹیکنیکل ایجوکیشن اور ووکیشنل ٹریننگ سے آراستہ کر رہی ہے تاکہ وہ باعزت روزگار حاصل کر سکیں۔مسلم لیگ (ن) کے جنرل سیکریٹری مرتضیٰ جاوید عباسی نے بھی تقریب سے خطاب کیا۔
امریکی شہریت رکھنے والے یرغمالی سے متعلق حماس کا اہم بیان سامنے آگیا