حیدرآباد،ایپکا کے تحت اجلاس،فوتی کوٹے کی بحالی پر غور
اشاعت کی تاریخ: 1st, February 2025 GMT
حیدرآباد (اسٹاف رپورٹر) آل پاکستان کلر ایسوسی ایشن سندھ کا اجلاس ایپکا سندھ کے صدر بخش علی چاچڑ کی زیر صدارت بزنس فورم قاسم آباد میں منعقد ہوا۔ اجلاس میں فوتی کوٹہ کی بحالی سرکاری اداروں میں لیب اسسٹنٹ کے پروموشن، اپ گریڈیشن سمیت دیگر معاملات پر غور کیا گیا۔ اجلاس میں تعلیم کے صوبائی وزیر سردار شاہ سے مطالبہ کیا گیا کہ تمام سپرنٹنڈنٹ کے غیر قانونی ہونے والے تبادلوں کے دیے گئے احکامات فوری واپس لیے جائیں تاکہ محکمہ تعلیم کے ملازمین میں پائی جانے والی بے چینی کا خاتمہ ہو سکے، دوسری صورت میں احتجاج کرنے پر مجبور ہوں گے۔ اجلاس میں مطالبہ کیا گیا کہ سپرنٹنڈنٹ کے روکے گئے پروموشن جلد کیے جائیں، سندھ سیکرٹریٹ کے ملازمین کی طرح سندھ کے دیگر ملازمین کو بھی یوٹیلیٹی اور میڈیکل الائونس سمیت ہائوس رینٹ ادا کیا جائے، تمام سرکاری محکموں میں کام کرنے والے کانٹریکٹ ملازمین کو مستقل کیا جائے۔ اجلاس میں بڑھتی ہوئی مہنگائی کے دوران وفاقی حکومت کی جانب سے ایم این ایز، وزراء کی تنخواہوں میں روز بروز اضافہ کرنے پر افسوس کا اظہار کرتے ہوئے وفاقی حکومت اور صوبائی حکومتوں سے مطالبہ کیا گیا کہ سرمایہ داروں، وزراء، ایم این ایز اور ایم پی ایز کی تنخواہوں میں اضافہ کرنے کے بجائے غریب ملازمین پر رحم کرتے ہوئے ملازمین کی تنخواہوں میں مہنگائی کے تناسب سے فوری اضافہ اور ملازمین کے بنیادی مسائل کو حل کیا جائے جبکہ اسمال انڈسٹریز کارپوریشن کے ملازمین کی تنخواہوں اور پنشن کو ٹریژری کے ذریعے آن لائن کیا جائے۔ اجلاس میں ایپکا جنرل سیکرٹری کہ تبادلے کی سخت الفاظ میں مذمت کرتے ہوئے مطالبہ کیا گیا کہ فوری تبادلے کا حکم واپس لیا جائے، دوسری صورت میں سخت احتجاج کیا جائے گا۔
.ذریعہ: Jasarat News
کلیدی لفظ: مطالبہ کیا گیا کہ کی تنخواہوں اجلاس میں کیا جائے
پڑھیں:
عبدالعلیم خان کا سندھ میں ایم 6 اور ایم 9 موٹرویز کو رواں سال شروع کرنے کا اعلان
اسلام آباد: وفاقی وزیر مواصلات عبدالعلیم خان نے سندھ میں 2 ارب ڈالر مالیت کی ایم 6 اور ایم 9 موٹرویز کو رواں سال شروع کرنے کا اعلان کردیا۔
وفاقی وزیر مواصلات عبدالعلیم خان کی زیرصدارت نیشنل ہائی وے اتھارٹی ( این ایچ اے ) سینٹرل زون کا اجلاس ہوا جس میں وفاقی وزیر کا کہنا تھا کہ سندھ میں دو ارب ڈالر مالیت کی ایم سکس اور ایم نائن موٹرویز کو اسی سال شروع کریں گے۔
وفاقی وزیرمواصلات نے کہا کہ خیبر پختونخوا میں مانسہرہ ، ناران اور کاغان موٹروے کو بھی اسی سال شروع کرنا چاہتے ہیں جبکہ سندھ میں سکھر ، حیدرآباد اور کراچی موٹروے کے منصوبے کا آغاز ہو رہا ہے۔
عبدالعلیم خان نے کہا کہ بلوچستان میں کوئٹہ سے کراچی این 25 کو موٹروے کی طرز پر فور لین بنانے کا کام شروع کر دیا ۔
ان کا کہنا تھا کہ این ایچ اے کی پریزینٹیشن کو معیاری اور با مقصد ہونا چاہئے اور منصوبوں کو ٹائم لائن میں مکمل کریں گے جبکہ ان پر عملدرآمد کی نگرانی کیلئے ہر 15 دن بعد اجلاس ہو گا۔
عبدالعلیم خان نے وفاقی وزیر مواصلات کی این ایچ اے سینٹرل زون کو کام کی رفتار تیز کرنے کی ہدایت کی اور شہروں میں داخلی راستوں کو خوبصورت اور دلکش بنانے کی کی بھی ہدایت کی ۔
وفاقی وزیر مواصلات نے این ایچ اے ہیڈ کوارٹر میں پودا لگایا اور حکام کو رنگ روڈ اتھارٹی سے مشترکہ اجلاس کی بھی ہدایت کی۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی