جنید خان کا عامر کی سابقہ بیویوں پر تبصرے کے بعد ندامت کا اظہار
اشاعت کی تاریخ: 31st, January 2025 GMT
بالی ووڈ کے معروف اداکار عامر خان کے بیٹے جنید خان ان دنوں اپنی فلم "لوویاپا" کی تشہیر میں مصروف ہیں اور حال ہی میں، وہ اپنے والد عامر خان اور ساتھی اداکارہ خوشی کپور کے ساتھ بگ باس 18 کے گرینڈ فینالے میں شریک ہوئے۔
شو کے دوران، سلمان خان اور عامر خان کے درمیان دوستانہ گفتگو جاری تھی، جس میں جنید خان نے اپنے والد کی سابقہ بیویوں پر ایک مزاحیہ تبصرہ کر دیا، جس پر بعد میں انہوں نے اظہارِ افسوس کیا۔
شو کے دوران، سلمان خان اور عامر خان نے فلم "لوویاپا" کے 'فون ایکسچینج' تھیم پر مذاق کرتے ہوئے ایک دوسرے کے فونز چیک کرنے کا فیصلہ کیا۔ اس دوران، سلمان خان نے عامر کے فون میں دلچسپی ظاہر نہ کی اور کہا، "مجھے وہاں بس رینا دتہ یا کرن راؤ کے میسجز ہی ملیں گے"۔ جس پر جنید خان نے مزاحیہ انداز میں کہا، "تو دو دو ایکس وائف کی گالیاں پڑھ پاؤ گے آپ"۔
اس جملے پر سب نے ہنسی مذاق میں بات ختم کر دی، لیکن جنید خان بعد میں اپنے الفاظ پر افسوس کا اظہار کرتے نظر آئے۔
ایک انٹرویو میں انہوں نے کہا: "شاید یہ تبصرہ تھوڑا نامناسب تھا۔ وہ دونوں (عامر اور سلمان) بہت سینئر اداکار ہیں اور میں تھوڑا زیادہ محتاط رہ سکتا تھا۔ وہ چالیس سال سے انڈسٹری میں ہیں اور بہت بہترین فنکار ہیں۔ مجھے زیادہ محتاط رویہ اپنانا چاہیے تھا۔"
"لوویاپا" جنید خان اور خوشی کپور کی پہلی تھیٹر ریلیز فلم ہے، جو 2022 کی تمل فلم "Love Today" سے متاثر ہے۔ فلم کی کہانی ایک ایسے جوڑے کے گرد گھومتی ہے جن کے والد انہیں اپنی وفاداری ثابت کرنے کے لیے فون ایکسچینج کرنے کا کہتے ہیں، جس کے نتیجے میں کئی راز کھل کر سامنے آ جاتے ہیں۔ یہ فلم 7 فروری 2025 کو ویلنٹائن ڈے سے پہلے سینما گھروں میں ریلیز کی جائے گی۔
.
ذریعہ: Express News
کلیدی لفظ: خان اور
پڑھیں:
’حادثے سےقبل جنید جمشید سخت بے چین تھے،اہلیہ رضیہ جنید کا جذباتی انکشاف
کراچی (اوصاف نیوز) مذہبی سکالر ونعت خوان جنید جمشید کو پورا ملک عقیدت اور محبت سے یاد کرتا ہے۔ ان کی زندگی میں آنے والی مثبت تبدیلی لاکھوں لوگوں کے لیے تحریک بنی، اور ان کی ناگہانی وفات نے قوم کو غمزدہ کر دیا تھا۔جنید جمشید ایک طیارہ حادثے میں جاں بحق ہوئےتھے، جس پر آج بھی لوگ افسوس کا اظہار کرتے ہیں۔
حال ہی میں جنید جمشید کی دوسری اہلیہ رضیہ جنید ایک پوڈکاسٹ میں مہمان بنیں، جہاں انہوں نے اپنی زندگی، اپنے شوہر کی یادیں اور طیارہ حادثے سے جڑے لمحات کے بارے میں دل سوز باتیں شیئر کیں۔
انہوں نے بتایا کہ حادثے سے پہلے جنید جمشید چترال کے دورے پر جا رہے تھے اور روانگی سے قبل خاصے بے چین محسوس ہو رہے تھے۔’ وہ امریکہ سے واپس آئے اور بار بار کہہ رہے تھے کہ چترال میں بہت سردی ہو گی،؛ رضیہ نے کہا۔ ’انہیں 5 سے 6 دن وہاں رہنا تھا، مگر وہ 10 دن وہاں ٹھہرے۔‘
انہوں نے مزید بتایا کہ جنید جمشید مسلسل گھر والوں کو اپنی خیریت سے آگاہ کر رہے تھے، کیونکہ ان کے پاس نیٹ ورک کی سہولت موجود تھی۔ لیکن رضیہ کو محسوس ہو رہا تھا کہ اس سفر کے دوران وہ کسی حد تک اداس اور مختلف تھے، جیسے انہیں کسی قسم کا ”ایپی فینی“ یا پیشگی احساس ہو رہا ہو۔
حادثے کے دن کی تفصیلات بتاتے ہوئے رضیہ جنید نے کہا، میں قرآن کی کلاس میں تھی جب مجھے ان کے منیجر کا فون آیا۔ اس نے پہلے مجھ سے پوچھا کہ کیا میں ٹھیک ہوں، پھر مجھے اطلاع دی کہ جنید کا طیارہ لاپتہ ہو گیا ہے۔
ان کا کہنا تھا کہ منیجر ایبٹ آباد کی جانب روانہ ہوا اور انہوں نے اپنے بیٹے کو انٹرنیٹ چیک کرنے کو کہا وہ لمحہ میرے لیے بہت تکلیف دہ تھا جب پتا چلا کہ طیارہ گر کر تباہ ہو گیا ہے۔رضیہ نے مزید بتایا کہ حادثے کے بعد وہ اپنی عدت مکمل ہونے پر حادثے کے مقام پر گئیں تاکہ اپنے شوہر کے آخری سفر کی جگہ دیکھ سکیں۔
پوپ فرانسس 88 برس کی عمر میں انتقال کرگئے
امریکی شہریت رکھنے والے یرغمالی سے متعلق حماس کا اہم بیان سامنے آگیا