لاس اینجلس آگ نے پاکستانی فلم دی مارشل آرٹس کی ریلیز روک دی
اشاعت کی تاریخ: 31st, January 2025 GMT
امریکی شہر لاس اینجلس میں بڑے پیمانے پر لگی آگ نے پاکستانی فلم ’دی مارشل آرٹس کی ریلیز بھی روک دی ہے۔
ڈرامہ ’یقین کا سفر‘ اور ’پروازِ جنون‘ میں اپنی اداکاری سے بڑے پیمانے پر مقبولیت حاصل کرنے والے اداکار شاز خان کی پہلی انٹرنیشنل فلم ’دی مارشل آرٹس‘ کی ریلیز ملتوی کردی گئی ہے۔
یہ بھی پڑھیں: رنگ فلم فیسٹیول، امریکا میں پاکستانی فلم میکرز کا عالمی ایوارڈ میلہ
’دی مارشل آرٹس‘ کی ریلیز 31 جنوری 2025 کو ہونی تھی، فلم میں معاون اداکاروں فاران طاہر، صنم سعید اور بابر پیرزادہ نے اپنے فن کے جوہر دِکھائے ہیں، یہ پہلی بین الاقوامی معیار کی انگریزی فلم ہے جس میں پاکستان کے 4 نمایاں اداکار مرکزی کردار ادا کر رہے ہیں۔
اس کے علاوہ، شاز خان نے مائیکل روز البرٹ کے ساتھ مل کر فلم کی ہدایتکاری بھی کی ہے اور کہانی بھی لکھی ہے، فلم کی عکس بندی امریکا، وسطی امریکا اور میں کی گئی ہے۔
یہ فلم دنیا بھر میں ریلیز کے لیے تیار تھی اور اس کا شاندار پریمیئر لاس اینجلس میں ہونا تھا، تاہم لاس اینجلس میں لگنے والی آگ کے باعث غیر متوقع حالات پیش آئے جس کے نتیجے میں فلم کی ریلیز مؤخر کرنا پڑی۔
یہ بھی پڑھیں: پاکستانی فلم انڈسٹری کا زوال کیوں ہوا، گلیاں اور سڑکیں ویران کر دینے والے ڈرامے آج کیوں نہیں؟
فلم اب لاس اینجلس میں بہار 2025 میں پیش کی جائے گی، بدقسمتی سے پاکستانی شائقین کے لیے فلم کی ریلیز کی تاریخ ابھی طے نہیں ہوئی ہے۔
پروڈیوسرز شائقین کی طرف سے زبردست مانگ کے پیش نظر فلم کو عید پر ریلیز کرنے پر غور کر رہے ہیں اور حتمی تاریخ کا اعلان جلد ہی کر دیا جائے گا،فلم ’مارشل آرٹس‘ کی اردو اور انگریزی دونوں زبانوں میں ڈبنگ کی جائے گی۔
شائقین اس فلم کا بے صبری سے انتظار کررہے ہیں اور ہم امید کرتے ہیں کہ یہ فلم نہ صرف پاکستان بلکہ دنیا بھر میں شاز خان اور دیگر اداکاروں کے کام کو سراہا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا بابر پیرزادہ پاکستان پاکستانی فلم دی مارشل آرٹس صنم سعید فاران طاہر لاس اینجلس آگ.ذریعہ: WE News
کلیدی لفظ: امریکا بابر پیرزادہ پاکستان پاکستانی فلم فاران طاہر لاس اینجلس ا گ لاس اینجلس میں پاکستانی فلم کی ریلیز فلم کی
پڑھیں:
بوسٹن میراتھون، تمام 18 پاکستانی رنرز نے دوڑ مکمل کی
پاکستانی رنرز نے دنیا کی سب سے قدیم اور معزز بوسٹن میراتھون میں شاندار کارکردگی کا مظاہرہ کیا اور تمام 18 نے اپنی دوڑ مکمل کی جس میں سے 13 نے چار گھنٹے سے کم وقت میں میراتھون کو مکمل کیا۔
کراچی کے نوجوان رنر امین مکاتی نے مشکل ترین کورس پر 2 گھنٹے 48 منٹ کے شاندار وقت کے ساتھ ایونٹ میں تیز ترین پاکستانی رنر ہونے کا اعزاز حاصل کیا، کراچی ہی سے تعلق رکھنے والی عبدالرحمٰن نے بھی 2 گھنٹے 51 منٹ میں دوڑ مکمل کر کے پاکستان کا نام روشن کیا۔
میراتھون کے بعد سوشل میڈیا پوسٹ میں امین مکاتی نے کہا کہ ہارٹ بریک پل کی دشواریاں بھی ان کے حوصلے پست نہ کرسکیں، عبدالرحمٰن نے بوسٹن میراتھون کو اپنی زندگی کی بہترین ریس قرار دیا۔
پاکستانی خواتین میں سارہ لودھی نے 3 گھنٹے 24 منٹ میں دوڑ مکمل کر کے سب کو حیرت میں ڈال دیا، انہوں نے کہا کہ “میں چاہتی ہوں کہ میری بیٹیاں دیکھیں کہ خواتین کے لیے کوئی خواب ناممکن نہیں۔”
اس سال بوسٹن میراتھون میں پاکستان کیلئے سب سے قابل فخر پہلو چھ پاکستانی رنرز کا “سکس اسٹار فئنشر” کا اعزاز حاصل کرنا تھا۔ دانش الہٰی، عدنان گاندھی، حرا دیوان، جمال خان، یسریٰ بخاری اور نزار نایانی نے دنیا کی چھ بڑی میراتھنز مکمل کر کے پاکستان کا جھنڈا بلند کیا اور سکس اسٹار فںشر ہونے کا اعزاز اپنے نام کیا ۔
امریکہ میں مقیم پاکستانی ڈاکٹر سلمان خان نے پانچویں مرتبہ بوسٹن میراتھون مکمل کی وہ پہلے ہی سکس اسٹار فںشر کا اعزاز حاصل کر چکے ہیں۔ ڈاکٹر سلمان نے کہا کہ بین الاقوامی میراتھون مقابلوں میں پاکستان کی بڑھتی ہوئی تعداد دیکھنا قابل فخر لمحہ ہے۔
بوسٹن میراتھون میں مجموعی طور پر 18 پاکستانی رنرز نے حصہ لیا، جن میں سے 13 نے چار گھنٹے سے کم وقت میں میراتھون مکمل کی۔ یہ کارکردگی پاکستانی کھیلوں کے مستقبل کے لیے مثبت علامت ہے۔
1897 سے جاری اس تاریخی مقابلے میں پاکستانیوں کی یہ شاندار شرکت ثابت کرتی ہے کہ ہمارے رنرز کسی سے کم نہیں۔ اب وقت آ گیا ہے کہ حکومت اور نجی ادارے اس صلاحیت کو نکھارنے میں اپنا کردار ادا کریں۔
Post Views: 1
آزادئ مذہب اور آزادئ رائے کا مغربی فلسفہ