جماعت اسلامی کا بجلی کے بلوں میں من مانہ اضافہ کرنے کےخلاف شہر بھر میں 14 مقامات پر
اشاعت کی تاریخ: 31st, January 2025 GMT
کراچی: امیر جماعت اسلامی پاکستان حافظ نعیم الرحمن کی کال پر کراچی میں بجلی کے بلوں میں من مانہ اضافہ کرنے پر کے الیکٹرک کےخلاف شہر بھر میں 14 مقامات پر بیک وقت احتجاج کرتے ہوئے بجلی کی قیمتوں میں کمی کا ریلیف عوام کودینےکا مطالبہ کیا گیا۔
جماعت اسلامی نے شہر بھر میں احتجاجی مظاہرے کیے ، جس میں شرکا نے ہاتھوں میں پلے کارڈ اوربینرزہاٹھ میں اٹھارکھےتھے، شرکا نے بجلی کی قیمتوں میں من مانہ اضافہ نہ منظورکےنعرے لگاتے ہوئے مطالبہ کیا کہ آئی پی پیز سےمعاہدےختم کیا جائے۔
جماعت اسلامی نے کراچی میں 14مقامات پر کے الیکٹرک کے خلاف احتجاج کیا، جس میں مقامی رہنماؤں نے خطاب کیا، مرکزی احتجاج شاہین کمپلیکس پر کیا گیا، جس کی قیادت امیر جماعت اسلامی کراچی منعم ظفر خان کررہےتھے۔
منعم ظفر نے احتجاج کے شرکا سے خطاب کرتےہوئے کہاکہ پیپلز پارٹی، ایم کیوایم، مسلم لیگ ن سبھی آئی آئی پیزکےکھیل میں شریک ہیں، ان پارٹیوں کے رہنماوں نے الیکشن سے قبل جو دعوے اور وعدے کیےتھے اسےپوراکیا جائے، چیئرمین پیپلزپارٹی بلاول زرداری نے300یونٹ اور مریم نواز نے اقتدارسےقبل دوسویونٹ بجلی فری کرنےکا اعلان کیا تھا، لیکن اقتدارمیں آکرسب بھول گئے۔
امیر جماعت اسلامی کراچی کاکہنا تھا کہ شہرمیں بجلی نہیں مل رہی بل پورا وصول کیا جارہا ہے،جماعت اسلامی نے26جولائی کو احتجاج کیا توحکومت نے کہا کہ آئی پی پیز پربات نہیں ہوگی، پھرمعلومات ملی کہ زیادہ ترآئی پی پیز یہاں موجودہ لوگوں کی ملکیت ہے۔
انہوں نے کہاکہ 2ہزارارب روپےاس قوم نےکیپیسٹی چارجزکی مد میں ادا کیے، 10ارب روپےماہانہ اس آئی پی پیز کودئیےگئےجس نےایک یونٹ بجلی بھی پیدا نہیں کی،حکومت مسلسل جھوٹ بول رہی ہے،آئی پی پیز سے11ارب روپےجوبچےہیں اسکا فائدہ عوام کو کب اورکون دیگا؟
منعم ظفر خان کاکہنا تھا کہ ایم کیوایم ہرحکومت کےساتھ مفادات کیلئےجڑجاتی ہے، یہاں اس عوام کا ہرپیدا ہونیوالا بچہ 3لاکھ کا مقروض ہے،جماعت اسلامی کی جدوجہد ہےکہ کےالیکڑک کو لگام دی گئی ہے،جماعت اسلامی ہرچوک چوراہےپربات کررہی ہے،جماعت اسلامی کا واضح مطالبہ ہےکہ لوڈ شیڈنگ کراچی میں ختم کی جائے۔
.ذریعہ: Jasarat News
کلیدی لفظ: ہے جماعت اسلامی آئی پی پیز
پڑھیں:
لاہور، شکیل ترابی کو سیکرٹری اطلاعات جماعت اسلامی مقرر کر دیا گیا
سیکرٹری اطلاعات نے مرکز جماعت منصورہ میں اپنی ذمہ داریاں سنبھال لیں۔ شکیل احمد ترابی زمانہ طالب علمی سے تحریک اسلامی سے وابستہ ہیں۔ شکیل ترابی اسلامی جمعیت طلبہ میں مختلف ذمہ داریوں پر فائز رہے۔ شکیل ترابی جماعت اسلامی کشمیر سے بھی وابستہ رہے ہیں۔ شکیل احمد ترابی میڈیا امور کا طویل تجربہ رکھتے ہیں۔ اسلام ٹائمز۔ امیر جماعت اسلامی حافظ نعیم الرحمن نے شکیل احمد ترابی کو سیکرٹری اطلاعات جماعت اسلامی مقرر کر دیا ہے۔نئے سیکرٹری اطلاعات نے مرکز جماعت منصورہ میں اپنی ذمہ داریاں سنبھال لیں۔ شکیل احمد ترابی زمانہ طالب علمی سے تحریک اسلامی سے وابستہ ہیں۔ شکیل ترابی اسلامی جمعیت طلبہ میں مختلف ذمہ داریوں پر فائز رہے۔ شکیل ترابی جماعت اسلامی کشمیر سے بھی وابستہ رہے ہیں۔ شکیل احمد ترابی میڈیا امور کا طویل تجربہ رکھتے ہیں۔ سابق سیکرٹری اطلاعات قیصر شریف کو جماعت اسلامی کی تنظیمی ذمہ داریاں دینے کا فیصلہ کیا گیا ہے، جس کا اعلان جلد متوقع ہے۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی