بیوروکریٹ وائس چانسلر کی تعیناتی، سندھ اسمبلی کے سامنے اساتذہ کا مظاہرہ
اشاعت کی تاریخ: 31st, January 2025 GMT
فیڈریشن آف آل پاکستان یونیورسٹیز اکیڈمک اسٹاف ایسوسی ایشنز (فپواسا) کے تحت آج بعد نماز جمعہ سندھ اسمبلی کے سامنے سندھ کی مختلف جامعات کے اساتذہ نے بڑی تعداد میں احتجاجی مظاہرہ کیا۔
مظاہرین نے اردو سندھی اور انگریزی زبان میں بینرز اور پلے کارڈز اٹھا رکھے تھے جن پر بیوروکریٹ وائس چانسلر نامنظور، کنٹریکٹ بھرتی نامنظور اور تعلیم دشمن ترمیمی بل نامنظور کے نعرے درج تھے۔
احتجاجی مظاہرین سے خطاب کرتے ہوئے فپواسا سندھ کے رہنماؤں پروفیسر ناگ راج اور دیگر نے صدر آصف علی زرداری اور پیپلز پارٹی کے چیئرمین بلاول بھٹو سے کہا کہ وہ پیپلز پارٹی سندھ کی جانب سے بیوروکریٹ وائس چانسلر کی بل کی منظوری کا نوٹس لیں اور اس بل کو واپس کرائیں۔
رہنماؤں نے کہا کہ پیپلز پارٹی کا یہ غیر جمہوری طرز عمل نا مناسب اور جامعات کے اساتذہ کے خلاف ہے، انھوں نے سندھ کی سرکاری جامعات میں جاری بحران کا براہ راست ذمہ دار وزیر اعلیٰ سندھ کو ٹھہرایا اور کہا کہ ان کے غیرسنجیدہ اور متکبرانہ رویے نے بحران کو مزید سنگین کر دیا ہے۔
انکے مطابق حکومت کی لاپرواہی اور اشتعال انگیز رویے کی وجہ سے اساتذہ کو تعلیمی سرگرمیاں معطل کرنے پر مجبور ہونا پڑا ہے۔ تدریسی برادری بیوروکریٹس کو بطور وائس چانسلر قبول نہیں کرے گی۔
مظاہرے سے خطاب کرتے ہوئے ڈاکٹر محسن نے کہا کہ انجمن اساتذہ بیوروکریٹس کی تعیناتی کی شدید مخالفت کرتی ہے، آج اساتذہ کو اسمبلی پر لا کھڑا کیا ہے۔
دریں اثنا جمعہ کو بھی بیوروکریٹ وائس چانسلر کی تعیناتی کے خلاف سندھ کی 17 جامعات میں تدریسی عمل معطل رہا۔
.ذریعہ: Jang News
کلیدی لفظ: بیوروکریٹ وائس چانسلر سندھ کی کہا کہ
پڑھیں:
واٹس ایپ نے مس کالز میسجز اور اے آئی امیج ٹولز کے نئے فیچرز متعارف کروا دیے
واٹس ایپ نے صارفین کے لیے ایک جامع اپ ڈیٹ جاری کی ہے، جس میں متعدد نئے فیچرز شامل ہیں تاکہ صارفین کا تجربہ زیادہ آسان، ذاتی نوعیت کا اور دلچسپ بنایا جا سکے۔
یہ بھی پڑھیں: واٹس ایپ گروپس چھوڑنے اور ڈیلیٹ کرنے کا صحیح طریقہ کیا ہے؟
واٹس ایپ اب صارفین کو یہ سہولت دیتا ہے کہ اگر کال کا جواب نہ دیا جائے تو وہ وائس یا ویڈیو نوٹ ریکارڈ کرسکیں۔ اس ایک ٹَپ فیچر سے روایتی وائس میل کی جگہ لی جاسکتی ہے، جس سے صارفین مصروف تعطیلات کے دوران بھی اپنے پیاروں سے جڑے رہ سکتے ہیں۔
وائس چیٹس میں ری ایکشنزصارفین وائس چیٹس کے دوران حقیقی وقت میں بغیر گفتگو میں رکاوٹ ڈالے مزاحیہ اور دلچسپ ری ایکشنز جیسے “Cheers!” بھیج سکتے ہیں،
گروپ کال اسپیکر اسپاٹ لائٹویڈیو کالز میں، فعال اسپیکر کو خودکار طور پر ترجیح دی جاتی ہے، جس سے بات چیت کا عمل زیادہ روان اور مؤثر بنتا ہے۔
یہ بھی پڑھیں: واٹس ایپ کو بغیر فعال سم کارڈ کے استعمال کرنا ممکن نہیں ہوگا، نیا قانون نافذ
واٹس ایپ نے میٹا اے آئی امیج ٹولز کو اپ گریڈ کرتے ہوئے نئے ماڈلز مڈجرنی اور فلوکس متعارف کروائے ہیں۔ صارفین چیٹس اور تعطیلاتی گریزنگ کے لیے اعلیٰ معیار کی تصاویر تیار کرسکتے ہیں اور تصاویر کو مختصر ویڈیوز میں بھی تبدیل کر سکتے ہیں۔
ڈیسک ٹاپ پر میڈیا ٹیب کی نئی شکلواٹس ایپ کی جانب سے میک، ونڈوز اور ویب صارفین کے لیے میڈیا ٹیب کو دوبارہ ڈیزائن کیا گیا ہے تاکہ دستاویزات، لنکس اور میڈیا فائلز کی براؤزنگ آسان ہو جائے۔
دیگر اپ ڈیٹسواٹس ایپ کی جانب سے نئے اسٹیکرز، موسیقی کے بول اور سوالیہ پرامپٹس شامل کیے گئے ہیں تاکہ صارفین کی دلچسپی بڑھے۔
واٹس ایپ کا مقصد ان بڑے اپ ڈیٹس کے ذریعے صارفین کو تعطیلات کے موسم میں زیادہ ذاتی نوعیت کا، تفریحی اور مؤثر تجربہ فراہم کرنا ہے تاکہ وہ اپنے پیاروں کے ساتھ بہتر رابطے میں رہ سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news میٹا واٹس ایپ
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر