نہ فوٹو شوٹ، نہ کیپٹنز میٹ! بھارتی بورڈ خوشی کے شادیانے بجانے لگا
اشاعت کی تاریخ: 31st, January 2025 GMT
بھارتی کرکٹ بورڈ (بی سی سی آئی) پاکستان میں چیمپئینز ٹرافی سے قبل ہونیوالی افتتاحی تقریب اور کیپٹنز میٹ کے ختم ہونے پر خوشی کے شادیانے بجانے لگا۔
میڈیا رپورٹس کے مطابق پاکستان کو 19 فروری سے چیمپئنز ٹرافی کی میزبانی کرنی ہے، ہائبرڈ ماڈل کے تحت بھارتی ٹیم اپنے میچز دبئی میں کھیلے گی، ایک سیمی فائنل بھی وہیں پر ہی ہوگا، اگر بلو شرٹس فائنل میں پہنچے تو معرکہ دبئی میں ہوگا۔
بھارت نے پہلے ہٹ دھرمی سے اپنے میچز دبئی منتقل کروائے اور اب وہ پاکستان میں چیمپئینز ٹرافی کے افتتاح اور کپتانوں کی ٹرافی شوٹ و پریس کانفرنس بھی ختم کروادی۔
مزید پڑھیں: ٹیموں کے ساتھ کوئی تقریب رکھنے کا پلان نہیں تھا، پی سی بی ذرائع
بھارتی کرکٹ بورڈ نے چیمپئینز ٹرافی کیلئے مبینہ طور پر ٹیم کی جرسی پر 'پاکستان' (میزبان ملک کا نام) چھاپنے پر اعتراض اٹھایا تھا جس کے بعد کیپٹنز میٹ اور افتتاحی تقریب میں روہت شرما کی پاکستان آمد کی خبروں کو بےبنیاد قرار دیکر دباؤ ڈالا گیا کہ سیکیورٹی مسائل کے باعث بھارتی کپتان پاکستان نہیں جائیں گے۔
ادھر پاکستان کرکٹ بورڈ (پی سی بی) نے موققف اپنایا ہے کہ آئی سی سی کیساتھ چیمپئنز ٹرافی سے قبل ٹیموں کے ہمراہ کوئی تقریب کا پلان بنایا ہی نہیں گیا تھا۔
مزید پڑھیں: "جرسی لوگو پر اعتراض، کیپٹنز میٹ میں عدم شرکت؛ بھارت کو جواب ضرور ملے گا"
گزشتہ برس امریکا اور ویسٹ انڈیز میں ٹی20 ورلڈکپ سے قبل بھی کپتانوں کا کوئی فوٹو شوٹ نہیں ہوا تھا لہذا اب ایسا نہ ہونا کوئی غیرمعمولی بات نہیں۔
ذرائع کا کہنا تھا کہ البتہ ہم ایونٹ کی رنگارنگ افتتاحی تقریب سجائیں گے، جہاں کراچی اور لاہور کے دونوں اسٹیڈیمز کا بھی اپ گریڈیشن کے بعد افتتاح ہوگا۔
مزید پڑھیں: بھارتی ٹیم کی جرسی پر 'پاکستان'، بورڈ نے اعتراض اٹھادیا
منتظمین کا کہنا ہے کہ ٹیموں کی پاکستان آمد کی مختلف تاریخوں کی وجہ سے افتتاحی تقریب یا کپتانوں کا باضابطہ اجتماع ممکن نہیں، انگلینڈ کی ٹیم بھارت کیخلاف ٹی20 سیریز کے بعد 18 فروری کو لاہور پہنچے گی جبکہ آسٹریلیا ٹیسٹ سیریز کے اختتام پر 19 فروری ٹورنامنٹ کیلئے پاکستان آئے گا۔
مزید پڑھیں: چیمپئینز ٹرافی؛ افتتاحی تقریب، کیپٹنز میٹ! روہت کی پاکستان آمد سے متعلق بڑا یوٹرن
ایک ہی گروپ میں شامل انگلینڈ اور آسٹریلیا کا 22 فروری کو لاہور کے قذافی اسٹیڈیم میں میچز کھیلیں گے۔
ایونٹ کی دو بڑی ٹیمیں تاخیر سے پاکستان پہنچیں گی جس کے باعث کپتان کا فوٹو شوٹ یا مشترکہ- پریس کانفرنس شرکت نہیں کرسکیں گے اور یوں روہت شرما بھی پاکستان نہیں آئیں گے۔
.ذریعہ: Express News
کلیدی لفظ: چیمپئینز ٹرافی افتتاحی تقریب مزید پڑھیں
پڑھیں:
بھارتی فوجی نے ذہنی دباؤ کے باعث سرکاری رائفل سے خودکشی کر لی
data-id="863a0a8" data-element_type="widget" data-widget_type="theme-post-content.default">
بھارتی ریاست اوڈیشہ میں ایک افسوسناک واقعے نے فوجی کیمپ میں تنہائی اور ذہنی دباؤ کے مسائل کو اجاگر کر دیا ہے، سینٹرل ریزرو پولیس فورس (CRPF) کے ایک اہلکار نے سرکاری رائفل سے خود کو گولی مار کر اپنی زندگی کا خاتمہ کر لیا۔
بھارتی میڈیا کے مطابق یہ واقعہ اوڈیشہ کے فوجی کیمپ میں پیش آیا، جہاں گولی چلنے کی آواز سن کر فوری طور پر افسران موقع پر پہنچے، پہنچنے پر اہلکار کو شدید زخمی حالت میں خون میں لت پت پایا گیا، جو آخری سانسیں لے رہا تھا۔
غیر ملکی خبر ایجنسی کے مطابق اہلکار کو فوراً قریبی ملٹری اسپتال منتقل کیا گیا، لیکن ڈاکٹروں کی تمام کوششوں کے باوجود وہ جانبر نہ ہو سکا ۔
بین الاقوامی میڈیا رپورٹس کے مطابق اہلکار کی موت گولی کنپٹی کے قریب سے لگنے اور زیادہ خون بہنے کی وجہ سے واقع ہوئی، جائے وقوعہ پر اہلکار کی سرکاری رائفل موجود تھی اور پوسٹمارٹم رپورٹ میں بھی خودکشی کی تصدیق کی گئی ہے۔
پولیس نے مزید کہا کہ اہلکار کے کمرے سے کوئی خودکشی کا نوٹ نہیں ملا، تاہم معلوم ہوا کہ وہ اپنے گھر کے قریب پوسٹنگ نہ ہونے کی وجہ سے ذہنی دباؤ کا شکار تھا۔ واقعے کے بعد ضروری کارروائی کے بعد اہلکار کی میت کو اس کے آبائی گاؤں روانہ کر دیا گیا۔
اس افسوسناک واقعے کی تحقیقات کے لیے ایک انکوائری کمیٹی تشکیل دی گئی ہے، تاہم بھارت میں ماضی میں ان کمیٹیوں کی رپورٹیں شفافیت سے منظر عام پر نہیں آئیں اور ذمہ داروں کے تعین کا کوئی واضح نتیجہ سامنے نہیں آیا۔
ماہرین کے مطابق بھارت میں فوجی اہلکاروں میں ذہنی دباؤ اور پست ہمتی کی وجہ سے خودکشی کے واقعات معمول بن چکے ہیں، جس پر وزارت دفاع نے ماضی میں ایک تفصیلی رپورٹ بھی جاری کی تھی۔ یہ واقعہ عالمی سطح پر فوجی ذہنی صحت کے مسائل کی اہمیت اور ان کے سدباب کی ضرورت کو اجاگر کرتا ہے، تاکہ مسلح افواج کے اہلکار محفوظ اور مستحکم ذہنی حالت میں اپنی ذمہ داریاں انجام دے سکیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر