پاکستان آئی امریکی خاتون سے شادی کے کئی خواہشمند سامنے آگئے
اشاعت کی تاریخ: 31st, January 2025 GMT
کراچی(نیوز ڈیسک)امریکا سے پاکستان آنے والی خاتون اونیجا اینڈریو رابنس کو اس کا محبوب تو اب تک نہیں مل سکا اور وہ در در کی ٹھوکریں کھانے پر مجبور ہیں لیکن کئی پاکستانیوں نے خاتون سے شادی کی خواہش کا اظہار کردیا ہے۔امریکی خاتون اونیجا اینڈریو رابنس، جو اکتوبر 2024 میں اپنے محبوب سے ملنے اور شادی کرنے پاکستان آئی تھیں، انہیں مایوسی کا سامنا کرنا پڑا جب لڑکے کے گھر والوں نے ان کو قبول کرنے سے انکار کردیا۔اونیجا اینڈریو رابنس نے یہ عرصہ کہاں گزارا؟ یہ تو پتہ نہیں چل سکا لیکن وہ اپنے 19 سالہ محبوب ندال میمن کا گھر کا پتہ بخوبی جانتی تھیں۔اونیجا اینڈریو رابنس کا ویزہ ایکسپائر ہوا تو پاکستانی حکام نے ان کو واپس ان کے وطن بھیجنا چاہا، ایک این جی او نے انہیں ٹکٹ بھی دلوایا لیکن وہ جہاز پر سوار ہونے پر کسی صورت آمادہ نہیں ہوئیں۔
خاتون سے مذاکرات کے لیے امریکین قونصلیٹ کے حکام کو بھی بلایا گیا لیکن خاتون نے واپس جانے سے انکار کردیا اور ائیرپورٹ سے ٹیکسی لیکر کراچی کے علاقے گارڈن میں واقع اپنے محبوب کے فلیٹ پر جا پہنچیں اور فلیٹ کی پارکنگ میں ساری رات بیٹھی رہیں۔فلیٹ کے اطراف ایک بھرپور ہجوم تھا، میڈیا کی گاڑیاں تھیں جو ایک تماشا دیکھنے کے منتظر تھے، تنگ آکر فلیٹ انتظامیہ نے گیٹ بند کردیا۔اس دوران کچھ ایسے لوگ بھی خاتون کی راہ دیکھنے لگے جو ان سے شادی کرنا چاہتے تھے، سوشل میڈیا پر ایک ویڈیو سامنے آئی ہے جس میں تین مختلف افراد امریکی خاتون کو شادی کا پروپوزل دے رہے ہیں۔
ایک صاحب نے کہا کہ ان خاتون کے ساتھ دھوکا ہوا ہے لیکن اگر یہ خاتون واقعی یہاں شادی کرنا چاہتی ہیں تو انہوں نے ایک نیا مکان لیا ہے تو میں ان سے شادی کروں گا اور انہیں اس گھر میں رکھ کر 5 ہزار ڈالر کا خرچہ بھی دوں گا۔عبدالرحیم نامی شخص نے کہا کہ وہ بھی اس خاتون سے شادی کے خواہشمند ہیں، انہوں نے اپنی بیگم کو بھی اس شادی کا بتا دیا ہے، بس ان کا یہ مطالبہ ہے کہ اگر وہ غیر مسلم ہیں تو مسلمان ہوجائیں ۔ایک 62 سالہ شخص جس نے اپنا نام شریف شیرانی عرف پپو بتایا کا کہنا تھا یہ خاتون جس نوجوان سے شادی کرنے کے لیے آئی ہے وہ تو بھاگ گیا، یہ خاتون بھی دودھ کی دھلی نہیں ہے، ان کی ڈیمانڈ ہے کہ وہ انہیں 50 ہزار ڈالر دے دیں اور ساتھ امریکا لے جائیں تو وہ ان سے شادی کرلیں گے۔مذکورہ امریکی خاتون اس وقت کراچی میں ہی موجود ہیں، پولیس نے ان کو صدر کے علاقے میں ایک ہوٹل میں منتقل کردیا ہے، اب یہ آنے والا وقت ہی بتائے گا کہ یہ خاتون اپنی مراد پوری کرپائیں گی یا پھر خالی ہاتھ واپس لوٹ جائیں گی۔
حیران ہوں اشنا شاہ کی اداکاری کو کیا ہوگیا، سعدیہ امام
.ذریعہ: Daily Ausaf
کلیدی لفظ: اونیجا اینڈریو رابنس امریکی خاتون خاتون سے یہ خاتون
پڑھیں:
امیر جماعت اسلامی نے 26 اپریل کو ملک گیر ہڑتال کا اعلان کردیا
اسلام آباد:جماعت اسلامی پاکستان کے امیر حافظ نعیم الرحمان نے حکومت اور اپوزیشن سے فلسطین اور مسئلہ کشمیر پر متحد ہونے پر زور دیتے ہوئے کہا ہے کہ 26 اپریل کو ملک بھر میں ہڑتال ہوگی اور 27 اپریل کو اگلے لائحہ عمل کا اعلان کریں گے۔
امیرجماعت اسلامی حافظ نعیم الرحمان نے اسلام آباد میں غزہ مارچ کے شرکا سے خطاب کرتے ہوئے کہا کہ ہمارے حکمران سوئے ہوئے ہیں، ہم نے کہا تھا امریکی سفارت خانے کی طرف مارچ کریں گے، حکمران طبقہ اسرائیل اور امریکا سے ڈرتا ہے اور حکمرانوں نے پورے اسلام آباد کو بند کر دیا تھا۔
انہوں نے کہا کہ امریکا ایک قاتل ملک ہے، اسرائیل کو امریکی پشت پناہی حاصل ہے، فلسطینی امت مسلمہ کی طرف دیکھ رہے ہیں، ہم 26 اپریل کو ہڑتال کرین گے اور 27 اپریل کوآئندہ کے لائحہ عمل کا اعلان کروں گا۔
حافظ نعیم الرحمان نے کہا کہ امریکا میں نوجوان اپنے حکمرانوں کے خلاف کھڑے ہوئے ہیں، اسرائیل نے فلسطینوں کی زمین پر قبضہ کیا ہوا ہے، فلسطینوں سے کلمے کا تعلق ہے۔
انہوں نے حکمرانوں کومتنبہ کرتے ہوئے کہا کہ اسرائیل سے تعلقات بڑھانے کا سوچنا بھی مت، اٹھو اور فلسطین کا مقدمہ لڑو، امریکا کو آج پیغام دیا، تم غلام ابن غلام ہو لیکن محمد کے غلاموں کو امریکا کی غلامی قبول نہیں ہے۔
امیر جماعت اسلامی نے مطالبہ کیا کہ پاکستان میں حماس کا دفتر کھولا جائے، حماس کے مجاہد قابض فوجیوں سے لڑ رہے ہیں اور امریکا نے حماس کو اقتدار میں نہیں آنے دیا۔
ان کا کہنا تھا کہ پاکستان میں حکومت اور اپوزیشن کوئی کام نہیں کر رہی ہے، اپنے کام کروانا ہو تو اسٹیبلشمنٹ سے مذاکرات بھی ہو جاتے ہیں، ذاتی مفاد کے لیے تھر پارکر میں پاکستان تحریک انصاف (پی ٹی آئی) اور پاکستان مسلم لیگ (ن) کا اتحاد بھی ہو جاتا ہے۔
حافظ نعیم الرحمان نے حکومت اور اپوزیشن کو مخاطب کرکے کہا کہ تنخواہوں میں اضافہ کروا لیتے ہولیکن امریکا کی مذمت نہیں کرتے۔
انہوں نے کہا کہ تمام سیاسی جماعتوں سے کہتا ہوں کشمیر اور فلسطین کے معاملے پر ایک ہوجاؤ، فلسطین کا معاملہ انسانیت کا ہے، بچوں کوشہید کیا جا رہا ہے۔
ان کا کہنا تھا کہ یرغمالیوں کا تحفظ حماس نے کیا ہے لیکن اسرائیل اپنی قید میں موجود فلسطینوں کے ساتھ انسانیت سوز ظلم کر رہا ہے، مسلمانوں پر جہاد فرض ہے، ہم بائیکاٹ کریں گے، فلسطینوں کے لیے پسندیدہ کھانے پینے کی اشیا چھوڑ سکتے ہیں، سوشل میڈیا پر جہاد کریں گے کیونکہ حکمران جہاد کرنے نہیں دیتے۔
امیرجماعت اسلامی نے کہا کہ بلوچ حقوق مانگ رہے اور پشتون امن مانگ رہے ہیں، سندھ کے لوگ کینال کے خلاف سراپا احتجاج ہیں۔
دریں اثنا جماعت اسلامی کے ریڈزون کے اندر غزہ مارچ کے اعلان پر وفاقی پولیس نےفیض آباد، زیرو پوائنٹ اور ریڈزون سمیت ریڈزون کی طرف جانے والے تمام راستے سیل کردیےتھے لیکن پھر جماعت اسلامی اور حکومت کے مابین رابطہ کے بعد اسلام آباد ہائی وے پر آئی ایٹ پل کے قریب احتجاج مارچ اور جلسے کی اجازت دے دی گئی۔
احتجاج کے لیے جماعت اسلامی کے ہزاروں کارکن بسوں، کاروں اور دیگر گاڑیوں پرقافلوں کی شکل میں وہاں پہنچے، اس موقع پر پولیس کی بھاری نفری سیکیورٹی کے لیے تعینات رکھی گئی تھی، امیر جماعت اسلامی کے خطاب کے بعد غزہ مارچ کے مظاہرین پرامن طور پر منتشر ہوگئے۔
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں