شکرگڑھ: آٹے والی پیٹی میں دم گھٹنے سے 2 کمسن بچے جاں بحق
اشاعت کی تاریخ: 31st, January 2025 GMT
شکرگڑھ (نامہ نگار) شکرگڑھ کے نواحی گاؤں بہلول پور میں افسوسناک واقعہ پیش آیا، جہاں آٹے والی پیٹی سے دو کمسن بچوں کی لاشیں برآمد ہوئی ہیں۔ پولیس کے مطابق 4 سالہ حیدر اور 6 سالہ نواز گزشتہ روز سے لاپتہ تھے، والد اور اہل محلہ ساری رات بچوں کو ڈھونڈنے میں مصروف رہے تاہم گزشتہ صبح وہ آٹا کی چھوٹی پیٹی کھولنے پر اس میں مردہ حالت میں پائے گئے۔ ڈی پی او شکرگڑھ نوید ملک کے مطابق، بچوں کی والدہ تین سال قبل انہیں چھوڑ کر جا چکی تھی، واقعے کی سنگینی کے پیش نظر ایس پی انویسٹی گیشن موقع پر پہنچے اور شواہد اکٹھے کیے جا رہے ہیں۔ ڈی پی او نوید ملک کا کہنا تھا یہ قتل ہے یا حادثاتی موت، اس کا تعین پوسٹ مارٹم رپورٹ کے بعد ہو گا۔ پولیس نے تحقیقات کا آغاز کر دیا ہے اور تمام پہلوؤں کا جائزہ لیا جا رہا ہے۔
.ذریعہ: Nawaiwaqt
پڑھیں:
15 سالہ بچے کو دھمکی، تشدد اور زیادتی کی کوشش کرنے والا ملزم گرفتار
لاہور:15 سالہ بچے کو دھمکی دینے، تشدد کرنے اور زیادتی کی کوشش کرنے والے ملزم کو پولیس نے گرفتار کرلیا۔
ایکسپریس نیوز کے مطابق کاہنہ پولیس نے بروقت کارروائی کرتے ہوئے بچے سے زیادتی کی کوشش کرنے والے ملزم کو گرفتار کر لیا۔ ملزم کو سادھوکی گاؤں سے حراست میں لیا گیا۔
ایس ایچ او کے مطابق 15 سالہ حمزہ کھیتوں میں چارا کاٹنے کے لیے گیا تھا، جہاں ملزم نے بچے کو ورغلا کر زیادتی کرنے کی کوشش کی، جس پر بچے نے شور مچایا۔
ملزم بچے کو جان سے مارنے کی دھمکیاں دیتارہا اور تشدد بھی کرتا رہا، جس کی وجہ سے بچے کے بائیں بازو پر زخم بھی آیا۔
پولیس نے ملزم ہیرا کے خلاف مقدمہ درج کرکے جینڈر سیل کے حوالے کردیا۔ پولیس حکام کا کہنا ہے کہ بچوں کا استحصال کرنے والے کسی رعایت کے مستحق نہیں۔
کراچی: کورنگی کریک میں ماہرین نے دوبارہ آگ لگا دی