کراچی کے تاجروں سےخطاب کے وقت بلاول کا لہجہ دھمکی آمیز تھا، خالد مقبول صدیقی
اشاعت کی تاریخ: 30th, January 2025 GMT
کراچی: وفاقی وزیر برائے تعلیم متحدہ قومی موومنٹ (ایم کیو ایم) کے چیئرمین خالد مقبول صدیقی کاکہنا ہےکہ کراچی کے تاجروں سے خطاب کرتے ہوئے پیپلز پارٹی کے چیئرمین بلاول زرداری کا لہجہ دھمکی آمیز تھا۔
پریس کانفرنس کرتے ہوئے خالد مقبول نے کہا کہ بلاول کوکراچی میں بڑھتی ہوئی اسٹریٹ کرائم پر معافی مانگنی چاہیے تھی، بلاول کے آنے کے بعد شہر قائد کا انفراسٹریکچر ہی تباہ کردیا گیا ہے۔
انہوں نے کہاکہ گزشتہ 15سالوں سے ایک غیر جمہوری پارٹی سندھ پر مسلط ہے،پیپلزپارٹی کی نااہلی کے باعث صوبے بھر کے شہری بدترین حالات سے دوچار ہیں۔
خیال رہےکہ بلاول زرداری نے گزشتہ دنوں تاجروں کو عشائیہ پر مدعوکر کے خطاب کرتے ہوئے مریم نواز کو صوبے سندھ کا وزیر اعلیٰ بنانے پر تاجروں کی خبر لی تھی، جس پر تاجروں نے کہا تھا کہ ہم نے تو مذاق کیا تھا۔
.ذریعہ: Jasarat News
پڑھیں:
بانی پی ٹی آئی، فیض حمید فرعون تھے، مکافات عمل، فیصلہ تاریخی: بلاول
چنیوٹ +لاہور+اسلام آباد(نوائے وقت رپورٹ +نامہ نگار+لیڈی رپورٹر +نمائندہ خصوصی) چیئرمین پیپلز پارٹی بلاول بھٹو زرداری نے چنیوٹ میں میڈیا سے بات کرتے ہوئے کہا کہ خیبر پی کے میں گورنر راج سے متعلق پیپلز پارٹی اور ن لیگ میں کوئی بات چیت نہیں ہوئی۔ ہم حسن مرتضیٰ سے تعزیت کرنے آئے ہیں۔ فیض حمید کے بارے میں فیصلہ تاریخی ہے۔ بانی پی ٹی آئی نے سیاست میں غلط روایات ڈالیں۔ آج مکافات عمل سے گزر رہے ہیں۔ وہ طاقت کے نشے میں دھمکایں دیتے تھے۔ انہیں اسی زندگی میں اپنے جرائم کا جواب دینا پڑ رہا ہے۔ بانی پی ٹی آئی اور جنرل فیض اپنے دور کے فرعون تھے۔ فیصلہ واضح پیغام ہے کہ آئندہ ایسی غلطیاں نہ کی جائیں۔ فیض حمید کیخلاف مزید تحقیقات اور ٹرائل ابھی باقی ہے۔ کسی فرد کے بارے میں بات نہیں کروں گا لیکن آج کا فیصلہ مستقبل کا فیصلہ کرے گا۔ ہم نے آئینی عدالت بنانے کا وعدہ پورا کیا۔ پی ٹی آئی دور میں مریم نواز اور فریال تالپور کو جیل بھیجا گیا۔ خیبر پی کے میں گورنر راج کا آپشن ضرور موجود ہے۔ بانی نے نفرت اور انتشار کی سیاست کو پروان چڑھایا۔ ایف بی آر کی کوتاہویں کا بوجھ کسی صوبے کے عوام کو نہیں اٹھانا چاہیے۔ معاشی صورتحال کی وجہ سے عوام پریشان ہیں۔ حکومت نے کسی حد تک معاشی صورتحال بہتر کی ہے۔ ہمیں پتہ ہے وفاقی حکومت کو مشکلات ہیں۔بلاول نے رجوعہ سادات میں حسن مرتضیٰ سے ان کے والد سید غلام مرتضیٰ شاہ کے انتقال پر تعزیت کے دوران ان کے بھائی قلب عباس اور دیگر لواحقین‘ حیدر عباس، عون عباس‘ حسین عباس‘ سید حسن عسکری، عباس حیدر، حمزہ عباس‘ سید قائم رضا‘ سید غلام عباس، سید محمد عباس، سید علی عون اور سید علی عمران سے بھی اظہار افسوس کیا۔دریں اثناء سابق صوبائی وزیر اور چیئرمین و صدر یونیورسٹی آف مینجمنٹ اینڈ ٹیکنالوجی (یو ایم ٹی) ابراہیم حسن مراد نے بلاول بھٹو زرداری سے اہم ملاقات کی، دونوں رہنماؤں نے اس بات پر گہری تشویش کا اظہار کیا کہ پاکستان میں اڑھائی کروڑ سے زائد بچے تاحال سکول سے باہر ہیں۔ ابراہیم حسن مراد نے بلاول بھٹو زرداری کو سووینئر پیش کی۔ بلاول بھٹو زرداری نے پی پی پی رہنما سید عمر شریف بخاری کے گھر جا کر ان کی صاحبزادی زویا سید کے انتقال پر تعزیت کی۔ راجہ پرویز اشرف،ہمایوں خان، قاسم گیلانی اور حیدرگیلانی بھی موجود تھے۔ علاوہ ازیں بلاول بھٹو زرداری سے ڈاکٹر ہارون لطیف،سردار قاسم فاروق،واجد عزیز،ملک فہیم یونس، شاہد اکبر فاروقی اور عمر پال نے بھی ملاقات کی۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر