نوجوان کھیل اور کھلواڑ میں فرق جان لیں، مریم نواز
اشاعت کی تاریخ: 30th, January 2025 GMT
فوٹو سوشل میڈیا
وزیراعلیٰ پنجاب مریم نواز کا کہنا ہے کہ نوجوان کھیل اور کھلواڑ میں فرق جان لیں۔ وہ ملک سے کھلواڑ کرنے والوں کی باتوں میں نہ آئیں۔ ملک کو آگ لگانے اور اداروں پر حملہ کرنے پر اکسانے والا نوجوانوں کا دوست نہیں دشمن ہے۔پاکستان سب کی ریڈلائن ہونی چاہیے۔
وزیر اعلیٰ پنجاب مریم نواز نے لاہور میں کھیلتا پنجاب کے صوبائی مرحلے کا افتتاح کیا۔
انہوں نے نوجوانوں کو مخاطب کرتے ہوئے کہا اگر کوئی کہے کہ دھرتی ماں سے کھلواڑ کرو، رینجرز کو مارو، پولیس کو مارو، میٹرو بسیں جلاؤ، پیٹرول بم چلاؤ تو صاف انکار کردو۔ کھلواڑ کرانے والے آپ کے دوست نہیں، دشمن ہیں۔
کھیلتا پنجاب کی افتتاحی تقریب میں کھلاڑیوں نے مارچ پاسٹ کیا۔ وزیر اعلیٰ کا کہنا تھا کہ پنجاب کو پڑھتا، کھیلتا اور بڑھتا دیکھنا چاہتی ہوں، یہ ملکی تاریخ کا سب سے بڑا اسپورٹس ایونٹ ہے۔ انہوں نے کھلاڑیوں کو انعامات اور الیکٹرک بائیکس دینے کا اعلان کیا۔
کھیلتا پنجاب کے صوبائی مرحلے 15 کھیلوں کے مقابلے ہوں گے جو 3 فروری تک جاری رہیں گے، کھلاڑیوں کو دس کروڑ روپے کے انعامات دیے جائیں گے۔
ذریعہ: Jang News
پڑھیں:
پہلے فلم سٹی ‘ سٹور یوپوسٹ پروڈکشن لیب سکول کے قیام کا فیصلہ ‘ مریم نواز نے منظوری دیدی
لاہور (نوائے وقت رپورٹ) وزیر اعلیٰ پنجاب مریم نواز شریف نے فلمی صنعت کی بحالی کے لیے تاریخی قدم اٹھاتے ہوئے امدادی رقوم کی فراہمی کے لیے 8 رکنی خصوصی کمیٹی قائم کر دی ہے۔ پنجاب کی سینئر صوبائی وزیر مریم اورنگزیب کمیٹی کی کنوینر ہوں گی۔ وزیر اعلی مریم نواز شریف نے پنجاب کے پہلے فلم سٹی، فلم سٹوڈیو، پوسٹ پروڈکشن لیب، پاکستان کے پہلے فلم سکول کے قیام کی منظوری دے دی۔ نوازشریف آئی ٹی سٹی میں فلم سٹی، فلم سٹوڈیو، پوسٹ پروڈکشن لیب کے لیے جگہ مختص کر دی گئی۔ ڈیزائن سمیت دیگر اقدامات پر پیشرفت کا پہلا جائزہ بھی مکمل کیا گیا۔ پنجاب کابینہ کی منظوری کے بعد ''پنجاب فلم فنڈ ڈسپرسمنٹ کمیٹی'' تشکیل دی گئی۔ نوٹیفکیشن جاری کردیا گیا۔ کمیٹی رواں مالی سال میں پنجاب کی فلم انڈسٹری کے فروغ کے لیے فلم سازوں کو گرانٹ جاری کرے گی۔ وزیر اطلاعات عظمی بخاری، وزیر خزانہ مجتبیٰ شجاع الرحمن، وزیر انسانی حقوق و اقلیتی امور سردار رمیش سنگھ اروڑا بھی کمیٹی کے رکن ہیں۔ صوبائی سیکرٹری اطلاعات طاہر رضا ہمدانی، سیکرٹری منصوبہ بندی آصف طفیل، سیکرٹری خزانہ مجاہد شیر دل، سیکرٹری سیاحت فرید احمد تارڑ بھی کمیٹی میں شامل ہیں۔ نوٹیفکیشن میں بتایا گیا کہ کمیٹی فلم سازوں اور فلم ساز کمپنیوں کی درخواستوں کا جائزہ لے گی۔ کمیٹی نئی فلموں کی تیاری اور نامکمل فلموں کے سکرپٹ کا جائزہ لے گی۔ کمیٹی فنڈ کے انتظام، اہلیت کے معیار اور باکس آفس مراعات سے متعلق امور پر فیصلہ کرے گی۔ کمیٹی کو کسی معاملے پر ذیلی کمیٹیاں تشکیل دینے کا اختیار بھی حاصل ہوگا۔ مریم اورنگزیب کی صدارت میں کمیٹی کے پہلے اجلاس میں وزیر اعلی مریم نوازشریف کے وژن پر عملدرآمد کے لئے اہم فیصلے کئے گئے۔ علاوہ ازیں وزیراعلی پنجاب مریم نواز شریف نے مسیحی برادری کو ایسٹر کی مبارکباد دی ہے۔ وزیراعلی مریم نوازشریف نے کہاکہ مسیحی بہن بھائیوں کو ایسٹر کی خوشیاں مبارک ہوں۔ ایسٹر کا تہوار خوشی اور امید کا استعارہ ہے۔ وزیراعلی مریم نواز شریف نے کہاکہ ایسٹر سمیت ہر تہوار میں محبت و بھائی چارے کا پیغام پوشیدہ ہے۔
ترکی: منظم جرائم کے خلاف آپریشن، 200 سے زائد ملزمان گرفتار