مذہب کے نام پر ووٹ دینا ہو تو روزگار اور اسکول کی تمنا ختم کرنی چاہیئے، کنہیا کمار
اشاعت کی تاریخ: 30th, January 2025 GMT
کانگریس کے لیڈر نے مودی حکومت کو نشانہ بناتے ہوئے کہا ہے کہ ملک میں سرمایہ داروں کے قرضے معاف کر دئیے گئے ہیں، ملک میں اس وقت سب سے زیادہ بے روزگاری ہے، آج ملک میں نوجوان خودکشی کر رہے ہیں۔ اسلام ٹائمز۔ دہلی اسمبلی انتخابات کے دوران سیاسی لیڈروں کے بیانات کا سلسلہ جاری ہے۔ آج کانگریس نے نوجوان لیڈر کنہیا کمار نے ایک ایسا بیان دیا ہے جو سرخیوں میں بنا ہوا ہے۔ کنہیا کمار نے کہا کہ اگر آپ کی سوچ میں مذہب کی بنیاد پر ووٹ دینے کا فیصلہ درست فیصلہ ہے تو آپ کانگریس کو ووٹ مت دیجئے گا۔ کانگریس کمیٹی کے لیڈر کنہیا کمار نے کہا ہے کہ اگر لوگ مذہب کے نام پر ووٹ دیتے ہیں تو ان کو اسکول کی خواہش ختم کردینی چاہیئے۔ انہوں نے کہا کہ اگر عوام ذات پات کے نام پر ووٹ دیتی ہیں تو انہیں نئے اور بنیادی ضرورت کے لئے ہسپتال کی خواہش ختم کر دینی چاہیئے۔ انہوں نے کہا کہ اگر کوئی مذہب کے نام پر ووٹ دینا چاہتا ہے تو وہ کانگریس کو ووٹ نہ دے چونکہ کانگریس مذہب کی سیاست نہیں کرتی اور مذہبی چولہے پر سیاسی روٹی نہیں سینکتی۔
کانگریس کے لیڈر کنہیا کمار نے مودی حکومت کو نشانہ بناتے ہوئے کہا ہے کہ ملک میں سرمایہ داروں کے قرضے معاف کر دئیے گئے ہیں، ملک میں اس وقت سب سے زیادہ بے روزگاری ہے، آج ملک میں نوجوان خودکشی کر رہے ہیں۔ انہوں نے کہا کہ بہار میں طلبہ پر لاٹھی چارج کیا گیا، گاندھی اور گوڈسے کے سوال پر کنہیا کمار نے کہا کہ کانگریس پارٹی اس پر سیاست نہیں کر سکتی کیونکہ یہاں گاندھی کو سب سے پہلے یاد کیا جاتا ہے۔ انہوں نے کہا کہ اس لئے کہ گاندھی سے زیادہ مذہبی شخص کوئی نہیں تھا۔ وہیں دہلی عام آدمی پارٹی کی حکومت پر تنقید کرتے ہوئے کنہیا کمار نے کہا کہ دہلی میں پینے کا پانی گندا ہے، امیر لوگ آر او لگا سکتے ہیں، لیکن ہر کوئی آر او نہیں لگا سکتا، عام لوگوں کو بغیر فلٹر کا پانی پینا پڑے گا۔ انہوں نے کہا کہ دہلی میں اہم مسائل سے لوگوں کی توجہ ہٹائی جا رہی ہے، دہلی میں سڑکوں کی حالت خراب ہے، اس پر کسی کا دھیان نہیں ہے۔
ذریعہ: Islam Times
کلیدی لفظ: انہوں نے کہا کہ کے نام پر ووٹ ملک میں کہ اگر
پڑھیں:
بنگلور: قیمتی طوطے کو بچاتے ہوئے تاجر ہلاک
بھارت کے شہر بنگلور میں ایک 32 سالہ تاجر ارون کمار اپنے پالتو طوطے کو بچانے کی کوشش کے دوران کرنٹ لگنے سے ہلاک ہوگئے۔
پولیس کے مطابق یہ افسوسناک واقعہ بنگلور کے گیری نگر علاقے میں پیش آیا۔ ارون کمار کا پالتو مکاؤ طوطا، جس کی مالیت تقریباً ڈھائی لاکھ بھارتی روپے تھی، جمعے کی صبح گھر سے اڑ کر قریبی بجلی کے کھمبے پر جا بیٹھا تھا۔
طوطے کو واپس لینے کے لیے ارون کمار نے ہاتھ میں لوہے کا پائپ اٹھایا اور کمپاؤنڈ کی دیوار پر چڑھ گئے۔ اس دوران پائپ اچانک ہائی وولٹیج بجلی کی تار سے ٹکرا گیا، جس کے نتیجے میں انہیں شدید کرنٹ لگا اور وہ دیوار سے نیچے گر گئے۔
سینئر پولیس افسر نے بتایا، “ارون طوطے کو بچانے کی کوشش کر رہے تھے کہ حادثاتی طور پر لوہے کا پائپ ہائی وولٹیج لائن سے ٹکرا گیا۔”
ارون کو فوری طور پر قریبی اسپتال منتقل کیا گیا، لیکن ڈاکٹروں نے پہنچتے ہی ان کی ہلاکت کی تصدیق کر دی۔
یہ واقعہ نہ صرف ایک قیمتی جانور کے لیے محبت اور احتیاط کی مثال ہے، بلکہ یہ بھی یاد دہانی کراتا ہے کہ بعض اوقات جان کی حفاظت سب سے پہلے آتی ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر