شادی کیلئے کراچی آئی امریکی خاتون سے شادی کے 3 خواہش مند سامنے آ گئے
اشاعت کی تاریخ: 30th, January 2025 GMT
شادی کے لیے کراچی آنے والی امریکی خاتون اونیجا اینڈریو رابنس سے شادی کے خواہش مند کراچی کے شہریوں کی لائن لگ گئی۔
19 سالہ نوجوان کی محبت میں گرفتار، اس سے شادی کے خواب سجائے امریکا سے آنے والی خاتون کو اس کی محبت تو تاحال نہ مل سکی تاہم ان سے شادی کا خواہش مند کراچی کے شہریوں کی لائن لگ گئی۔
ایک نہ شد تین تین شد کے مصداق 3 شہری امریکی خاتون سے شادی کے لیے سامنے آ گئے اور اپنی ڈیمانڈ بھی بتا دی۔
سوشل میڈیا پر وائرل ویڈیو میں عبدالرحیم نامی کراچی کے شخص نے امریکی خاتون کو مشروط شادی کی پیشکش کر دی۔
سوشل میڈیا پر وائرل ویڈیو میں مذکورہ شخص کو یہ کہتے ہوئے سنا و دیکھا جاسکتا ہے کہ میرا نام عبدالرحیم ہے، میں اس وقت ڈرائیور ہوں لیکن ایک ریٹائرڈ ملازم بھی ہوں، اسلام میں پہلی اہلیہ سے دوسری شادی کی اجازت لیے کی ضرورت تو نہیں ہے لیکن میں نے انہیں بتا دیا ہے کہ میں امریکی خاتون سے شادی کے لیے تیار ہوں، اگر وہ مسلمان ہو جائیں تو میں ان سے شادی کر لوں گا۔
ایک اور شخص کا کہنا ہے کہ شادی کے لیے آئی امریکی خاتون اگر سنجیدہ ہیں تو میں اپنی والدہ کے ساتھ رہتا ہوں، میں انہیں رہائش کے ساتھ ساتھ ماہانہ خرچہ 5 ہزار ڈالرز دینے کے لیے تیار ہوں۔
62 سالہ معمر و نابینا شخص نے بھی شادی کی خواہش ظاہر کی اور اپنی ڈیمانڈ بتاتے ہوئے کہا کہ میں شادی کے لیے تیار ہوں لیکن میری یہ شرط ہے کہ مجھے ماہانہ خرچے کے ساتھ ساتھ امریکا بھی لے جائے، میں وہاں اپنی آنکھوں کا علاج کروا لوں گا۔
واضح رہے کہ مذکورہ خاتون 19 سالہ نوجوان سے شادی کی خواہش لیے گزشتہ برس 11 اکتوبر سے کراچی میں موجود ہیں اور امریکا واپس جانے سے انکار کر رہی ہیں۔
امریکی خاتون کا کہنا ہے کہ میری شادی آن لائن ہو چکی ہے، پیسوں کے لیے شادی نہیں کی، میرے پاس پیسہ ہے۔
.ذریعہ: Daily Mumtaz
کلیدی لفظ: امریکی خاتون شادی کے لیے سے شادی کے شادی کی
پڑھیں:
نیو کراچی انڈسٹریل ایریا میں پُراسرار فائرنگ، 50 سالہ خاتون زخمی
کراچی:شہر قائد کے علاقے نیو کراچی انڈسٹریل ایریا میں پُراسرار فائرنگ کے نتیجے میں ایک خاتون زخمی ہو گئی۔
واقعہ سیکٹر 5/G مدینہ کالونی میں ایک گھر کے اندر پیش آیا۔
پولیس ترجمان کے مطابق زخمی ہونے والی خاتون کی شناخت 50 سالہ ثوبیہ زوجہ سلیم کے نام سے ہوئی ہے۔
مزید پڑھیں: کراچی فائرنگ کے مختلف واقعات میں 3 افراد زخمی
خاتون کو فوری طور پر طبی امداد کے لیے عباسی شہید اسپتال منتقل کر دیا گیا ہے، جہاں ان کی حالت خطرے سے باہر بتائی جا رہی ہے۔
فائرنگ کے محرکات تاحال واضح نہیں ہو سکے۔ پولیس کا کہنا ہے کہ واقعے کی تفتیش جاری ہے۔
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں