گلگت، میڈیکل سیٹوں پر نومنیشن کی منظوری دیدی گئی
اشاعت کی تاریخ: 30th, January 2025 GMT
میٹنگ میں افراد باہم معذور کے کوٹے کی سیٹوں کے لیے ڈرافٹ پالیسی بنانے کی منظوری بھی دے دی گئی۔ اسلام ٹائمز۔ گلگت گلگت بلتستان کے طلباء کے لیے مختص میڈیکل (MBBS/BDS) کی مختص سیٹوں کی نومنیشن کے لیے سیکریٹری ہائیر، ٹیکنیکل اینڈ اسپیشل ایجوکیشن ڈیپارٹمنٹ گلگت بلتستان فرید احمد کی زیر صدارت ان کے آفس میں آج "گلگت بلتستان نومنیشن بورڈ" کا اہم اجلاس منعقد ہوا۔ اجلاس میں شرکاء نے نومنیشن کے تمام عمل کا باریک بینی سے جائزہ لیا اور اتفاقِ رائے سے میڈیکل سیٹوں پر نومنیشن کی باقاعدہ منظوری دی۔ اجلاس میں میزبانی کے فرائض ڈائریکٹر ہائیر ایجوکیشن پروفیسر محمد عالم نے ادا کئے۔ میٹنگ میں ڈائریکٹر (سکولز) گلگت ریجن سید نبی شاہ، ڈائریکٹر (سکولز) دیامر استور ریجن فقیر اللہ، ڈائریکٹر (سکولز) بلتستان ریجن ذولفقار علی، ایڈیشنل ڈائریکٹر ہائیر ایجوکیشن پروفیسر بلال احمد، ڈپٹی سیکریٹری ہیلتھ فقیر محمد، ڈپٹی سیکریٹری ہائیر ایجوکیشن شمس الدین، ڈی ڈی ہائیر ایجوکیشن شیر باز اور ڈی ڈی نومنیشن عابدہ انور نے شرکت کی۔ میٹنگ میں نومنیشن کے عمل کی شفافیت پر شرکاء نے اطمینان کا اظہار کیا اور نومینیشن کے عملے کی محنت کو سراہا۔ میٹنگ میں افراد باہم معذور کے کوٹے کی سیٹوں کے لیے ڈرافٹ پالیسی بنانے کی منظوری بھی دے دی گئی۔
.ذریعہ: Islam Times
پڑھیں:
ویزر اعلیٰ گلگت بلتستان نے کراچی میں جی بی کے باشندوں کے ساتھ ناخوشگوار واقعے کا نوٹس لے لیا
ترجمان نے کہا کہ ایک طرف سے جی بی سے تعلق رکھنے والے شہری کو کچل دیا گیا ہے جبکہ دوسری جانب سے متاثرہ شخص کو انصاف دینے کے مطالبے پر پرامن احتجاج کرنے والے جی بی کے باسیوں کو سندھ پولیس نے بدترین تشدد کا نشانہ بناتے ہوئے غیر مقامی کے طعنے بھی دیئے ہیں جو کہ قابل مذمت ہے۔ اسلام ٹائمز۔ ترجمان گلگت بلتستان حکومت فیض اللہ فراق نے اپنے ایک بیان میں کہا ہے کہ وزیر اعلی گلگت بلتستان حاجی گلبر خان نے کراچی میں گلگت بلتستان کے باسیوں کے ساتھ پیش آنے والے ناخوشگوار واقعہ پر تشویش کا اظہار کرتے ہوئے نوٹس لیا ہے۔ترجمان نے کہا کہ ایک طرف سے جی بی سے تعلق رکھنے والے شہری کو کچل دیا گیا ہے جبکہ دوسری جانب سے متاثرہ شخص کو انصاف دینے کے مطالبے پر پرامن احتجاج کرنے والے جی بی کے باسیوں کو سندھ پولیس نے بدترین تشدد کا نشانہ بناتے ہوئے غیر مقامی کے طعنے بھی دیئے ہیں جو کہ قابل مذمت ہے۔ ترجمان نے کہا کہ گلگت بلتستان حکومت سندھ حکومت کے اعلی حکام سے اس سلسلے میں بات کر چکی ہے اور اس واقعہ میں ملوث پولیس افسران کے خلاف سخت کارروائی اور متاثرین کو انصاف کی فراہمی کا مطالبہ بھی کیا ہے۔
عمران خان کو مذاکرات کے لیے راضی کیا، بات چیت سود مند ہوگی، اعظم سواتی