منت منتقل ہونے سے قبل شاہ رخ خان کہاں رہتے تھے؟
اشاعت کی تاریخ: 30th, January 2025 GMT
شاہ رخ خان نے اپنے ابتدائی دور میں ایک پروڈیوسر سے فلم کے عوض 40 لاکھ کا چیک مانگا تھا جس سے شادی کے بعد اپنے گھر کی ادائیگی کی تھی۔
بالی وڈ سپر اسٹار شاہ رخ خان کا ممبئی میں گھر منت ٓاسائشوں سے بھرپور رہائش گاہوں میں ایک ہے، لیکن شاہ رخ خان ہمیشہ سے تو اِس گھر میں نہیں رہتے تھے، تو پھر شاہ رخ خان نے گوری خان سے شادی کے بعد اپنی رہائش کا کیا انتظام کیا تھا؟
بھارتی میڈیا سے بات کرتے ہوئے ایکٹر اور پروڈیسر وویوک وسوانی نے بتایا کہ شادی ہونے تک شاہ رخ خان میرے گھر میں رہتے تھے، شادی کے بعد وہ علاقے دیو دت میں واقع ڈائریکٹر دوست عزیز مرزا کے خالی فلیٹ میں شفٹ ہو گئے تھے، جو ایک اچھا فلیٹ تھا۔
انہوں نے بتایا کہ عزیز مرزا کی بیگم کے نوکری چھوڑنے کے بعد شاہ رُخ خان کو وہ فلیٹ خالی کرنا پڑا، پھر شاہ رخ خان گوری خان کے ہمراہ علاقے اسودہ کٹری میں ایک کمرے کے فلیٹ میں شفٹ ہو گئے، جس میں انہیں کافی مشکلات پیش آئیں۔
وویوک وسوانی نے بتایا کہ پھر جب پریم للوانی نے شاہ رخ خان کو فلم گُڈو کی پیشکش کی تب شاہ رُخ خان نے اُن سے اس فلم کے بدلے 40 لاکھ روپے کا چیک اس شرط پر طلب کیا کہ اِس سے ایک فلیٹ خریدنا چاہتا ہوں، اگر آپ مجھے اس رقم کا چیک دیں گے تو میں آپ کو مطلوبہ تاریخیں دے دوں گا، جس پر پریم للوانی نے 40 لاکھ روپے کا چیک شاہ رخ خان کو دیا تو انہوں نے راجیش کھنہ کے ماموں اے کے تلوار جو بالی وڈ میں ماما جی کے نام سے مشہور تھے، ان کو یہ رقم ادا کر کے پہلا فلیٹ خریدا۔
انہوں نے بتایا کہ پریم للوانی فلم گڈو کی وجہ سے خوش تھے اور شاہ رخ خان اور گوری بھی مطمئن تھے، یہ بڑی رقم گڈو کی کمائی سے ممکن ہوئی تھی، اس فلیٹ کا نام امرت ہے۔
.ذریعہ: Daily Mumtaz
کلیدی لفظ: نے بتایا کہ شاہ رخ خان کا چیک کے بعد
پڑھیں:
شیر افضل مروت 2 سال پہلے کہاں تھا اور کون تھا؟
اسلام آباد ( اُردو پوائنٹ اخبارتازہ ترین۔ 19 اپریل 2025ء ) پاکستان تحریک انصاف کے بانی چیئرمین عمران خان کی ہمشیرہ علیمہ خان سے متعلق بیان پر ڈپٹی سیکریٹری اطلاعات پی ٹی آئی نے شیر افضل مروت کو جواب دے دیا۔ اس حوالے سے اپنے ایک بیان میں مرکزی ڈپٹی سیکریٹری اطلاعات تحریک انصاف اخونزادہ حسین احمد نے کہا کہ شیر افضل مروت 2 سال پہلے کہاں تھا اور کون تھا؟ یہ اس ملک میں زیادہ کسی کو پتا نہیں، عمران خان کی وکالت نے انہیں یہاں لا کے کھڑا کیا ہے کہ آج وہ ٹی وی ٹاک شوز پر آکر عمران خان کی بہنوں پر حملہ آور ہو رہا ہے۔ ان کا کہنا ہے کہ ہم ناصرف اس غلاظت اور گٹھیا پن کی مذمت کرتے ہیں بلکہ پارٹی کے ان ساتھیوں کو بھی ملامت کرتے ہیں جو اب بھی ان سے رابطے میں ہیں، انہوں نے ہی شیر افضل مروت کو پارٹی معاملات پر اور خان کی فیملی کے بارے میں اتنی بے باکی سے بولنے کے قابل بنایا، یہ تو کم ظرفی کی انتہا ہے کہ جس شخصیت نے آپ کو ایک مقام پر بٹھایا ہو آپ ان کی بہنوں کے خلاف دشنام طرازی پر اتر آئیں۔(جاری ہے)
قبل ازیں رکن قومی اسمبلی شیرافضل مروت نے علیمہ خان پر الزام عائد کیا تھا کہ امریکہ سے مالی امداد اور سوشل میڈیا کو کنٹرول کرنے کی ذمہ داری علیمہ خانم کے پاس ہے، میرے خلاف ایک منصوبہ بندی کے تحت میڈیا پرسنز اور یوٹیوبرز کو متحرک کیا گیا، میں نے عمران خان کو علیمہ خان کی شکایت کی تو بانی چیئرمین پی ٹی آئی نے ہدایت کی کہ علیمہ خان کا پارٹی معاملات سے کوئی تعلق نہیں۔ انہوں نے سماء نیوز کے پروگرام میں گفتگو کرتے ہوئے کہا کہ 8 فروری 2024ء تک میں پی ٹی آئی کا ہیرو تھا اور میرے نام کی جے جے کار ہورہی تھی، اس کے بعد الیکشن ہوگئے اور میں فارغ ہوگیا، الیکشن کے فوری بعد جب یہ سیاسی قیادت باہر آئی تو میں نے عمران خان کے ساتھ ملاقاتیں شروع کروائیں، جو ان کی پہلی ملاقات ہوئی، پہلی ملاقات میں ہی عمران خان کے سامنے میرے خلاف شکایات کا پنڈورا باکس کھول دیا گیا لیکن میں پہلی بار لب کشائی کررہا ہوں۔ شیر افضل مروت کا الزام ہے کہ مجھ پر اسٹیبلشمنٹ کا آدمی ہونے کا بیانیہ علیمہ خانم نے متعارف کروایا اور اس کو ہوا دی کہ میں اسٹیبلشمنٹ کا آدمی ہوں، یہ بہت سارے میڈیا پرسنز اور یوٹیوبرز کو بلاکر میرے خلاف کان بھرتی تھیں، وجہ یہ تھی کہ میں نے علیمہ خانم یا بشریٰ بی بی کے گروپس میں کسی ایک کو جوائن کرنا تھا، علیمہ خانم نے مجھے اپنے گروپ میں شامل کرنے کیلئے ہمیشہ سخت رویہ اپنایا، علیمہ خان کی زبان آگ اگلتی تھی۔
دہشت گردوں کی 10 نسلیں بھی بلوچستان اور پاکستان کا کچھ نہیں بگاڑ سکتیں، آرمی چیف