5 سالوں میں آئی ٹی برآمدات میں کتنا اضافہ ہوا؟
اشاعت کی تاریخ: 30th, January 2025 GMT
پاکستان جیسے ترقی پذیر ممالک کی کوشش ہوتی ہے کہ کسی طرح وہ اپنی درآمدات کو کم سے کم رکھتے ہوئے برآمدات میں اضافہ کریں، اس سے نہ صرف معاشی اشاریے بہتر رہتے ہیں بلکہ ملک بھی ترقی کی راہ پر گامزن رہتا ہے۔
پاکستان کا درآمدات اور برآمدات کا فرق جسے عام زبان میں تجارتی خسارہ کہا جاتا ہے انتہائی زیادہ ہے، مختلف حکومتوں کی کوشش اور ترجیح رہی ہے کہ کسی طرح درآمدات کو کم کیا جائے اور برآمدات کو بڑھایا جائے۔
یہ بھی پڑھیں:انٹرنیٹ مسائل کے باوجود پاکستان کی آئی ٹی برآمدات میں تاریخی اضافہ
اس مقصد کے حصول کے لیے درآمدات پر بھاری ڈیوٹی اور ٹیکس عائد کیے جاتے ہیں جبکہ درآمدات کو بہتر بنانے کے لیے مختلف سہولیات فراہم کی جاتی ہیں۔
گزشتہ چند سالوں میں پاکستان کی آئی ٹی انڈسٹری نے ترقی کی ہے یہی وجہ ہے کہ پاکستان کی آئی ٹی برآمدات سالانہ ایک ارب 44 کروڑ ڈالر سے بڑھ کر 5 سالوں میں سالانہ 3 ارب 22 کروڑ ڈالر سے تجاوز کر گئی ہیں۔
مجموعی برآمدات میں گزشتہ مالی سال میں 10.
مزید پڑھیں:آئی ٹی برآمدات میں اضافہ، نوجوانوں کو کونسے شعبوں میں جانا چاہیے؟
اسٹیٹ بینک آف پاکستان کے ریکارڈ کے مطابق مالی سال 2019-20 میں پاکستان کی آئی ٹی برآمدات کا حجم ایک ارب 44 کروڑ ڈالر تھا، جو 2020-21 میں بڑھ کر 2 ارب 10 کروڑ ڈالر، 2021-22 میں 2 ارب 61 کروڑ ڈالر تھا۔
اسی طرح آئی ٹی برآمدات سال 2022-23 میں معمولی کمی کے بعد 2 ارب 59 کروڑ ڈالر رہی جبکہ گزشتہ مالی سال 2023-24 میں آئی ٹی برآمدات میں بڑا اضافہ دیکھا گیا جس کا حجم 3 ارب 22 کروڑ ڈالر رہا۔
مزید پڑھیں:حکومتی اقدامات کی بدولت آئی ٹی برآمدات میں 30 فیصد اضافہ ہوا، وزیراعظم کو بریفنگ
اسٹیٹ بینک آف پاکستان کے اعداد و شمار کے مطابق رواں مالی سال کے ابتدائی 6 ماہ کے دوران آئی ٹی شعبے نے ایک ارب 86 کروڑ ڈالر کی خدمات برآمد کی ہیں جو کہ گزشتہ مالی سال کی نسبت 28 فیصد زیادہ ہیں۔
گزشتہ ماہ دسمبر میں 34 کروڑ ڈالر خدمات برآمد کی ہیں جو کہ ماہ نومبر کے مقابلے میں 12.2 فیصد زائد ہے، جبکہ دسمبر 2023 کی نسبت 14.8 فیصد زائد ہیں، نومبر 2024 میں 31 کروڑ ڈالر جبکہ دسمبر 2023 میں 30 کروڑ ڈالر کی آئی ٹی خدمات برآمد کی گئی تھیں۔
مزید پڑھیں:پاکستان کی آئی ٹی ایکسپورٹس میں 34 فیصد اضافہ، 4 ماہ میں ایک ارب 20 کروڑ ڈالر کی برآمدات
ماہرین کی جانب سے آئی ٹی برآمدات میں اضافے کو اسٹیٹ بینک کی پالیسیوں کا نتیجہ قرار دیتے ہوئے کہا جارہا ہے کہ آئی ٹی برآمدات میں اضافے کا یہ رجحان مالی سال 2025 میں بھی جاری رہے گا۔
اندازے کے مطابق رواں مالی سال کے دوران ملکی آئی ٹی برآمدات گزشتہ سال کے مقابلے پر 10 سے 15 فیصد اضافے کے ساتھ ساڑھے 3 سے پونے 4 ارب ڈالر رہیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ٹی اسٹیٹ بینک برآمدات پاکستان تجارتی خسارہ ترقی پذیر درآمدات ڈالرذریعہ: WE News
کلیدی لفظ: ا ئی ٹی اسٹیٹ بینک برا مدات پاکستان تجارتی خسارہ درا مدات ڈالر ا ئی ٹی برا مدات میں پاکستان کی ا ئی ٹی آئی ٹی برا مدات اسٹیٹ بینک اضافہ ہوا کروڑ ڈالر مالی سال درا مدات مدات کو ایک ارب
پڑھیں:
پاکستان کے مختلف شہروں میں سیمنٹ کی قیمتوں میں ملا جلا رجحان
اسلام آباد(نیوز ڈیسک)پاکستان کے اہم شہروں میں سیمنٹ کی قیمتوں میں ملا جلا رجحان دیکھنے میں آیا ہے، کچھ شہروں میں معمولی اضافہ ہوا ہے، جبکہ کچھ میں کمی ریکارڈ کی گئی ہے، تاہم سالانہ بنیادوں پر مجموعی طور پر قیمتوں میں نمایاں اضافہ دیکھا گیا ہے۔
اسلام آباد میں سیمنٹ کی قیمت 6 روپے اضافے سے 1,387 روپے فی بوری تک پہنچ گئی، جو 0.4 فیصد ہفتہ وار اضافہ اور 14.6 فیصد سالانہ اضافہ ہے۔ گزشتہ سال اپریل 2024 میں قیمت 1,210 روپے تھی۔
راولپنڈی میں قیمت 2.1 فیصد اضافے کے ساتھ 1,379 روپے فی بوری ہو گئی، جو پچھلے سال کی 1,199 روپے قیمت کے مقابلے میں 15 فیصد زیادہ ہے۔
لاہور میں معمولی 1.4 فیصد کمی دیکھی گئی، جہاں قیمت 1,497 روپے فی بوری رہی، تاہم سالانہ بنیاد پر اب بھی 19.8 فیصد اضافہ موجود ہے۔ اپریل 2024 میں قیمت 1,250 روپے تھی۔
پشاور میں 0.1 فیصد کا معمولی اضافہ ریکارڈ ہوا، اور قیمت 1,400 روپے فی بوری ہو گئی۔ گزشتہ سال کی 1,201 روپے قیمت کے مقابلے میں 16.6 فیصد اضافہ دیکھا گیا۔
کراچی میں سیمنٹ کی قیمت مستحکم رہی اور 1,313 روپے فی بوری پر برقرار رہی، تاہم سالانہ بنیاد پر قیمت میں 12.1 فیصد اضافہ ہوا، کیونکہ اپریل 2024 میں قیمت 1,171 روپے تھی۔
تجزیہ کاروں کے مطابق، مہنگائی، توانائی لاگت، اور ترسیل کے مسائل سیمنٹ کی قیمتوں میں اتار چڑھاؤ کی بڑی وجوہات ہیں، جو آئندہ ہفتوں میں بھی اسی رجحان کے ساتھ جاری رہنے کا امکان رکھتے ہیں۔
جماعت اسلامی کا متوقع غزہ مارچ، اسلام آباد میں سیکیورٹی ہائی الرٹ، ریڈ زون سیل
سپریم کورٹ : 9 مئی کے مزید اہم مقدمات سماعت کے لیے مقرر