ایڈیشنل آئی جی نے کراچی کے تاجروں کا زمینوں پر قبضے کا دعویٰ مسترد کردیا
اشاعت کی تاریخ: 29th, January 2025 GMT
کراچی:
ایڈیشنل آئی جی جاوید عالم اوڈھو نے کہا ہے کہ زمینوں پر قبضوں میں کمی واقع ہوئی ہے۔ بلاول ہاؤس میں گزشتہ روز کراچی کے بڑے تاجروں نے زمینوں پر قبضے کی شکایات کی گئی تھی۔
بدھ کو نارتھ کراچی ایسوسی ایشن آف ٹریڈ اینڈ انڈسٹری میں صحافیوں کے سوالات کے جوابات دیتے ہوئے ایڈیشنل آئی جی جاوید عالم اوڈھو کہا کہ زمینوں پر 2023 کے مقابلے میں قبضے کی کم شکایات موصول ہوئی ہیں۔ سال 2024 میں زمینوں پر قبضے اور تجاوزات کی شرح میں کمی واقع ہوئی ہے۔ زمینوں پر قبضے یا دیگر مسائل ہوں، پولیس افسران کے خلاف مقدمات بھی درج ہوئے اور انھیں سزائیں بھی ہوئی ہیں۔
انہوں نے کہا کہ پولیس میں جرائم کے حوالے سے زیرو ٹالرینس ہے۔ میں یہ نہیں کہتا کہ آباد نے جھوٹی شکایات لگائی ہیں۔ زمینوں پر قبضے سے متعلق آباد کی شکایات کسی خاص بلڈر سے متعلق ہوسکتی ہے۔
ایڈیشنل آئی جی نے 2024 میں زمینوں پر قبضے کے حوالے سے سال بھر کہ شکایات جلد منظرعام پر لانے کا اعلان بھی کیا۔ انہوں نے کہا کہ لینڈ گریبنگ نہ ہونے کے برابر ہے، میرا دعوی ہے کہ محکمہ پولیس میں جتنی سزائیں ہیں کہیں اور نہیں ہے۔ انہوں نے کہا کہ پولیس حکومت کا ذیلی شعبہ ہے لیکن پولیس پر کوئی سیاسی دباؤ نہیں ہے۔
انہوں نے کہا کہ بڑھتی ہوئی آبادی کے باعث نئے مسائل سامنے آرہے، چنگچی مافیا سے متعلقہ مسائل کوحل کرنے کے لیے متعلقہ محکموں کے ساتھ مل کرکام کرنا چاہیے کیونکہ اس سے بڑی تعداد میں روزگار وابستہ ہے لیکن پھر بھی ڈی آئی جی ٹریفک سے مسائل کے حل کی ہدایت کروں گا۔ ہم لاء انفورسمنٹ ایجنسی ہیں جوقانون بنتاہے اس پرعمل درآمد کے لیے پابند ہوتے ہیں۔
انہوں نے کہا کہ کنڈہ مافیا سے متعلق کے لیکٹرک کے حکام سے فریاد کی جائے، کراچی میں اسٹریٹ کرائم میں 24فیصد کی کمی واقع ہوئی ہے۔ سی پی ایل سی رپورٹ کے مطابق موبائل اور موٹرسائیکل چھیننے کی وارداتوں میں کمی آئی ہے۔
قبل ازیں نارتھ کراچی ایسوسی ایشن آف ٹریڈ اینڈ انڈسٹری کے صدر فیصل معز خان نے خطاب کرتے ہوئے کہا کہ کراچی کے ترقیاتی منصوبوں کے لیے حکومت کے 60فیصد حصے کے ساتھ نجی شعبہ 40فیصد سرمایہ کاری کے ساتھ پبلک پرائیویٹ پارٹنرشپ کے لیے تیار ہے۔ نارتھ کراچی ایک بہت بڑا صنعتی علاقے پر مشتمل ہے۔
انہوں نے کہا کہ اس صنعتی علاقے سے 30 سے 40ملین ڈالر کی مصنوعات برآمد ہورہی ہیں۔ علاقے میں 8 ہزار چھوٹی درمیانی درجے کے ساتھ بڑی صنعتیں قائم ہیں، نکاٹی نے صنعتی علاقے میں کرائم مانیٹرنگ کے لیے 100 سے زائد سی سی ٹی وی کیمرے نصب کیے ہیں۔
ان کا کہنا تھا کہ نارتھ کراچی صنعتی علاقے میں چھ ماہ سے کوئی بڑا جرم نہیں ہوا البتہ چھوٹی وارداتیں ہورہی ہیں۔ انہوں نے کہا کہ علاقے میں ایک ایسا مافیا سرگرم ہے جو نجی پی پی ایم ٹی پر کنڈے ڈال کر فی گھر 1500روپے بجلی بیچتا ہے۔
.ذریعہ: Express News
کلیدی لفظ: انہوں نے کہا کہ ایڈیشنل آئی جی نارتھ کراچی صنعتی علاقے علاقے میں کے ساتھ کے لیے
پڑھیں:
نائیجیریا: چرواہوں اور کسانوں کے درمیان جھڑپوں میں 56 افراد ہلاک
نائیجیریا: چرواہوں اور کسانوں کے درمیان جھڑپوں میں 56 افراد ہلاک WhatsAppFacebookTwitter 0 20 April, 2025 سب نیوز
ابوجا(آئی پی ایس )رواں ہفتے وسطی نائجیریا کی بینو ریاست میں مبینہ طورپر خانہ بدوش مویشیوں کے حملوں میں کم از کم 56 افراد ہلاک ہوگئے۔غیر ملکی میڈیا کے مطابق ایک حکومتی ترجمان نے کہا کہ تلاش اور بچا کی کارروائیوں کے جاری رہنے سے مرنے والوں کی تعداد میں مزید اضافہ ہو سکتا ہے۔
پولیس ترجمان نے ایک بیان میں کہا کہ بڑی تعداد میں مشتبہ ملیشیا نے رات کے وقت بینو ریاست کے ایک علاقے پر حملہ کیا، یہ حملہ چرواہوں اور کسانوں کے درمیان مہلک جھڑپوں کے دوبارہ سر اٹھانے کے درمیان ہوا، یہ تنازعہ حالیہ برسوں میں سیکڑوں افراد کی جانیں نگل چکا ہے۔انہوں نے کہا کہ سیکیورٹی فورسز کو تعینات کیا گیا تھا اور حملہ آوروں کو پسپا کیا جا رہا تھا، انہوں نے کسانوں پر گولیاں چلائیں اور پانچ کسانوں کو ہلاک کر دیا۔پولیس نے بتایا کہ دوسرا حملہ لوگو میں ہوا جو پہلے واقعے کے علاقے سے تقریبا 70 کلومیٹر دور ہے۔
پولیس ترجمان کے مطابق ایک اور علاقے میں پولیس کے پہنچنے سے پہلے 12 افراد مارے گئے۔یہ حملے بینو کے علاقے اوٹکپو میں 11 افراد کے مارے جانے کے صرف 2 دن بعد ہوئے ہیں جب کہ ایک قبل مسلح افراد نے دیہات پر حملہ کر کے 50 سے زیادہ افراد کو ہلاک کر دیا تھا۔ریسرچ فرم انٹیلی جنس کے مطابق 2019 سے خانہ بدوش مویشیوں کے چرواہوں اور کاشتکار برادریوں کے درمیان جھڑپوں میں 500 سے زائد افراد ہلاک ہو چکے ہیں جب کہ 2.2 ملین افراد اپنے گھر چھوڑنے پر مجبور ہوگئے۔
سندھ پبلک اکاﺅنٹس کمیٹی کا اجلاس‘کراچی ڈیویلپمنٹ اتھارٹی کے 5سو جعلی پنشنرز کو 66 کروڑ کی ادائیگی پر ڈائریکٹر فنانس معطل