نوازشریف اور مریم نواز کا ذکر کیے بغیر کچھ لوگوں کی سیاست ادھوری ہے:عظمی بخاری
اشاعت کی تاریخ: 29th, January 2025 GMT
لاہور: وزیر اطلاعات پنجاب عظمیٰ بخاری نے کہا ہے کہ نوازشریف اور مریم نواز کا ذکر کیے بغیر کچھ سیاستدانوں کی سیاست آج بھی مکمل نہیں ہو سکتی۔
بیرسٹر سیف کے بیان پر ردعمل دیتے ہوئے عظمیٰ بخاری نے کہا کہ این آر او کی تلاش آپ کے لیڈر اور اس کے خاندان کا مسئلہ ہے، اس میں نوازشریف کا کوئی قصور نہیں۔ مریم نواز کو پنجاب کے عوام کی خدمت سے فرصت نہیں، اور مذاکرات کا بخار بھی آپ ہی کو چڑھا تھا۔
انہوں نے مزید کہا کہ اڈیالہ جیل کے قیدی کو نوازشریف نے نہیں کہا تھا کہ 9 مئی اور 26 نومبر کی بغاوتیں کی جائیں۔ پی ٹی آئی کے رہنما کو ڈیل کی امید نہ ہونے کی وجہ سے مذاکرات ختم کرنے کا اعلان کیا۔
عظمیٰ بخاری نے کہا کہ جو شخص چور دروازے اور امپائر کی انگلی پر چلنے کی سیاست کرتا ہو، وہ بات چیت پر یقین نہیں رکھتا۔ ایسے شخص کی سیاست ہمیشہ سہاروں پر ہوتی ہے اور وہ کبھی بھی حقیقی لیڈر نہیں بن سکتا۔ وہ شخص جو کوچ کی ہدایات پر چل رہا تھا، آج اپنے کوچ کے پکڑے جانے کے بعد سیاسی طور پر یتیم ہو چکا ہے۔
وزیر اطلاعات پنجاب نے یہ بھی کہا کہ جو شخص صرف اپنے مفاد کو دیکھتا ہو، اس سے بات چیت کرنا وقت کا ضیاع ہے۔ جو کبھی چوروں، ڈاکوؤں اور دہشت گردوں کو جیل میں ڈالنے کی بات کرتا تھا، وہ آج 9 مئی کے دہشت گرد اور توشہ خانہ کے چور این آر او کے لیے چور دروازے تلاش کر رہا ہے۔
.ذریعہ: Nai Baat
پڑھیں:
نواز شریف کو ہٹا کر نااہل شخص کو مسلط کیا گیا، سازشوں کی وجہ سے پالیسیوں کا تسلسل قائم نہ رہ سکا، احسن اقبال
وفاقی وزیر منصوبہ بندی و ترقی احسن اقبال نے کہا ہے کہ سابق وزیراعظم نواز شریف نے ملک کو بڑے ترقیاتی منصوبے دیے، لیکن پھر ایک نااہل شخص کو مسلط کردیا گیا، اور سازشوں کی وجہ پالیسیوں کا تسلسل قائم نہ رہ سکا۔
مزید پڑھیں: 2017 میں ترقی کرتا پاکستان سازشوں کے باعث تباہی سے دوچار ہوا، نواز شریف
لاہور میں تقریب سے خطاب کرتے ہوئے انہوں نے کہاکہ نوازشریف کے دور میں ملکی معیشت تیزی سے ترقی کررہی تھی، جبکہ دہشتگردی اور لوڈ شیڈنگ کا خاتمہ ہوگیا تھا۔
انہوں نے کہاکہ نوازشریف نے ملک میں موٹرویز کا جال بچھایا، ان کو 10 سال کا موقع مل جاتا تو مہاتیر محمد سے بڑے لیڈر ثابت ہوتے۔
احسن اقبال نے کہاکہ نوازشریف نے ہمیشہ اصولوں کی سیاست کی، اور تعمیر وترقی کو ترجیح دی، بار بار اقتدار سے نکالنے جانے کے باوجود ملک کو ترقی کی سمت پر ڈھالا۔
وفاقی وزیر نے کہاکہ نوازشریف کے دور میں پاکستان ترقی کررہا تھا اور پھر ایک نااہل شخص کو مسلط کیا گیا، جس کے بعد ترقی کا پہیہ رک گیا۔
انہوں نے کہاکہ میثاق جمہوریت میں طے ہوا تھا کہ ملک میں آئینی عدالتیں بننی چاہییں، اب ہم نے یہ قدم اٹھایا تو کہا جاتا ہے کہ عدلیہ کے خلاف سازش ہوگئی۔
انہوں نے میڈیا پر تنقید کرتے ہوئے کہاکہ لندن میں جھوٹ بولنے پر مقدمہ ہو جاتا ہے، لیکن پاکستان میں تو میڈیا پر لوگوں کی پگڑیاں اچھالی جاتی ہیں۔
مزید پڑھیں: نواز شریف کے خلاف کی گئی سازشوں نے پاکستان کی جڑوں کو ہلا دیا، شہباز شریف
انہوں نے کہاکہ ماضی میں میرے خلاف ایک وزیر نے جھوٹ بولا کہ سی پیک میں کرپشن کی گئی ہے، لیکن پھر کسی نے اس الزام کی تحقیق نہیں کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احسن اقبال سازش نواز شریف وزیراعظم پاکستان وفاقی وزیر وی نیوز
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر