پاکستان امت مسلمہ کی امیدوں کا مرکز، دشمن قوتیں سازشوں میں مصروف ہے، کور کمانڈر راولپنڈی
اشاعت کی تاریخ: 29th, January 2025 GMT
پاک فوج کے زیر اہتمام آزاد کشمیر کے ضلع راولاکوٹ میں ریٹائرڈ فوجیوں کی فلاح و بہبود کیلئے پروگرام کا انعقاد کیا گیا۔ پروگرام میں سینکڑوں کی تعداد میں ریٹائرڈ فوجیوں، کور کمانڈر راولپنڈی اور جی او سی مری نے خصوصی شرکت کی۔
تقریب سے خطاب کرتے ہوئے کور کمانڈر راولپنڈی نے کہا کہ وطن عزیز پاکستان امت مسلمہ کی امیدوں کا مرکز ہے۔ دشمن قوتیں پاکستان کو کمزور کرنے کی سازشوں میں مصروف ہے ، ہم سب کو مل کر اس ملک کی مضبوطی کیلئے کردار ادا کرنا ہو گا۔
انہوں نے کہا کہ افواج پاکستان پر تنقید کرنے کے لیے جو فیشن بنا دیا گیا ہے اس کے لیے اساتذہ کرام اور والدین اپنے بچوں کی ذہن سازی کریں، ان کی تربیت کریں۔ خصوصی طور پر ان کی ذہنی تیاری کے لیے ان کی ذہنی استعداد کار بڑھانے کے لیے اپنا کردار ادا کریں۔
کور کمانڈر راولپنڈی نے کہا کہ پاک فوج کا جوان 23 ہزار فٹ کی بلندی پر کھڑے ہو کر وطن کی حفاظت کرتاہے جس سےہماری چادر اور چار دیواری کا تحفظ ہوتا ہے، آزادی کی قدر غزا کی پٹی میں بسنے والے شیر خوار بچوں، خواتین اور مسلمانوں سے پوچھیں یا مقبوضہ کشمیر میں جائیں تو پتا چلتا ہے۔ یہ پاکستانی اور کشمیری قوم کی اجتماعی ذمہ داری ہے کہ اپنے قومی اداروں کے ساتھ پوری قوت کے ساتھ کھڑے ہو کر دشمن قوتوں کا مقابلہ کریں
انہوں نے مزید کہا کہ دشمن کے آلہ کار سوشل میڈیا پر منفی پروپیگنڈے کر کے نوجوان نسل کے ذہنوں کو آلودہ کر رہے ہیں۔ نوجوان سوشل میڈیا کا مثبت استعمال کرتے ہوئے ملکی مفاد اور مظلوم کشمیریوں کی آواز اجاگر کریں۔
اس موقع نے کور کمانڈر راولپنڈی نے سابقہ فوجیوں کے مسائل سنے اور حل کیلئے احکامات دئیے۔ سابقہ فوجیوں نے اس بہترین پروگرام کو ویٹرن کمیونٹی کے ساتھ تعلقات کو مزید مضبوط کرنے اور انکی فلاح وبہبود کے لیے سنگ میل قرار دیا۔ ویٹرنز نے اس کامیاب پروگرام کے انعقاد پر پاک فوج کا شکریہ ادا کیا اور مستقبل میں بھی اسطرح کے پروگرامز کی خواہش کا اظہار کیا۔
.ذریعہ: Daily Mumtaz
کلیدی لفظ: کور کمانڈر راولپنڈی کے لیے کہا کہ
پڑھیں:
فلسطین کے معاملے پر امت مسلمہ کو فیصلہ کن اقدامات کرنے ہوں گے ،اسپیکر ایاز صادق
فلسطین کے معاملے پر امت مسلمہ کو فیصلہ کن اقدامات کرنے ہوں گے ،اسپیکر ایاز صادق WhatsAppFacebookTwitter 0 19 April, 2025 سب نیوز
استنبول (سب نیوز)قومی اسمبلی کے اسپیکر ایاز صادق نے استنبول میں فلسطین کی حمایت میں ہونے والے اجلاس میں فلسطین سمیت دیگر ممالک کے اسپیکرز سے ملاقات میں کہا کہ پاکستان فلسطینیوں کے حق میں آواز بلند کرتا رہے گا اور امت مسلمہ کو اس معاملے پر فیصلہ کن اقدامات کرنے ہوں گے۔
ترکیے کے شہر استنبول میں فلسطین کی حمایت میں منعقدہ اجلاس میں اسپیکر قومی اسمبلی سردار ایاز صادق نے شریک ممالک کے اسپیکرز، پریذائیڈنگ افسران سے اہم ملاقاتیں کیں اور فلسطین کی تشویش ناک صورت حال سمیت باہمی دلچسپی کے دیگر امور پر تبادلہ خیال کیا گیا۔ اسپیکر قومی اسمبلی نے ترکیے کے اسپیکر کے فلسطین کے معاملے پر اہم اجلاس منعقد کرنے کے اقدام کو سراہا اور کہا کہ اجلاس کا مقصد فلسطینی عوام کے ساتھ عالمی یکجہتی کا اظہار تھا اور انہوں نے پاکستان کی فلسطینیوں کے ساتھ غیرمتزلزل حمایت کا عزم دہرایا۔
انہوں نے کہا کہ مسلم امہ کو فلسطین پر متحد ہو کر مشترکہ لائحہ عمل اپنانے کی ضرورت ہے، فلسطینیوں پر ریاستی دہشت گردی دنیا کے جدید اصولوں کے منافی ہے، فلسطین کے معاملے پر امت مسلمہ کو فیصلہ کن کرنے ہوں گے۔اسپیکر قومی اسمبلی ایاز صادق نے فلسطین کے اسپیکر سے ملاقات کی اور فلسطینی عوام سے یک جہتی کا اظہار کیا اور کہا کہ پاکستان کے عوام فلسطینی ماں، بچوں اور بزرگوں کا درد محسوس کرتے ہیں۔
ان کا کہنا تھا کہ پاکستان کے عوام کے دل فلسطینی عوام کے ساتھ دھڑکتے ہیں، پاکستان کی پارلیمان اور عوام مشکل گھڑی میں فلسطین کے عوام کے ساتھ کھڑے ہیں اور پاکستان فلسطینی عوام کی اخلاقی، سیاسی اور سفارتی حمایت جاری رکھے گا۔ایاز صادق نے کہا کہ پاکستان کی پارلیمان نے فلسطینیوں کے حق میں متعدد قراردادیں منظور کیں ہیں، اسرائیلی فورسز نے غزہ میں بربریت کا بازار گرم کر رکھا ہے، فلسطین کی حالت زار پر اقوام عالم کی مجرمانہ خاموشی سمجھ سے بالاتر ہے۔اس موقع پر فلسطین کے اسپیکر نے پاکستان کے فلسطینی عوام کے لیے دردمندانہ جذبات کو سراہا۔
اسپیکر قومی اسمبلی ایاز صادق نے ترکیہ کے ہم منصب سے بھی ملاقات کی اور فلسطین کی تشویش ناک صورت حال پر مشترکہ حکمت عملی پر زور دیتے ہوئے کہا کہ فلسطین میں انسانی المیہ جنم لے چکا ہے۔اماراتی ہم منصب سے ملاقات میں ایاز صادق نے فلسطین میں فوری جنگ بندی پر زور دیا، اسی طرح ملائیشیا کے ہم منصب سے ملاقات میں دونوں رہنماوں نے فلسطین پر پارلیمانی سطح پر تعاون پر اتفاق کیا۔اسپیکر ایاز صادق نے انڈونیشیا کے اسپیکر سے بھی ملاقات کی، جہاں اسلاموفوبیا پر اظہار تشویش اور فلسطینی عوام سے یکجہتی کا اظہار کیا گیا۔
انہوں نے کہا کہ مشترکہ کوششوں کے ذریعے اقوام عالم کو مظلوم اقوام کے حق خود ارادیت کے لیے بیدار کرنا پڑے گا، پاکستان پارلیمانی سفارت کاری کے ذریعے فلسطینیوں کے حق میں آواز بلند کرتا رہے گا۔
کراچی: کورنگی کریک میں ماہرین نے دوبارہ آگ لگا دی