شکار پور: بے امنی کیخلاف جماعت اسلامی کا ایس ایس پی آفس پر دھرنا
اشاعت کی تاریخ: 29th, January 2025 GMT
شکارپور (نمائندہ جسارت) جماعت اسلامی سندھ کے امیر کاشف سعید احمد کی کال پر سندھ اور شکارپور میں بڑھتی ہوئی بے امنی کے خلاف جماعت اسلامی کی جانب سے ریلی اور ایس ایس پی آفس پر دھرنا دیا گیا، پرامن ریلی جہاز چوک سے نکالی گئی، جو مختلف راستوں سے ہوتے ہوئے ایس ایس پی آفس پہنچی جہاں دھرنا دیا گیا، دھرنے کی قیادت ڈپٹی جنرل سیکرٹری سندھ امداد اللہ بجارانی، امیر ضلع شکارپور عبدالسمیع بھٹی، امیر شہر مولانا صدار الدین مہر اور دیگر رہنماؤں نے کی، دھرنے میں جمعیت علماء اسلام، شکارپور بچاؤ تحریک، پیرامیڈیکل، جیئے سندھ محاذ، قومی عوام تحریک، جمعیت علماء پاکستان، ادیب ممتاز منگی امیر چانڈیو، سول سوسائٹی میاں ظفر علوی اور دیگر تنظیموں کے رہنماؤں، تاجروں اور وکلاء برادری نے شرکت کی۔ ریلی کے شرکاء نے حکومت کے خلاف نعرے بازی کی، امن کھپے، امن کھپے کے نعرے لگائے گئے، ایس ایس پی نے دھرنے میں پہنچ کر دھرنا ختم کرنے کے لیے رہنماؤں کو کہا لیکن جماعت اسلامی کے رہنماؤں نے مطالبات ماننے تک دھرنا ختم کرنے سے انکار کر دیا، دھرنے پر پولیس کی بھاری نفری پہنچ گئی۔ اس موقع پر رہنماؤں نے کہا کہ شکارپور میں روڈ راستوں سمیت گھر دکانیں بھی غیر محفوظ ہیں، قومی شاہراہ، نیشنل ہائی وے بھی غیر محفوظ ہو گئیں، اغواء برائے تاوان اور ڈکیتی کی وارداتیں روز کا معمول بن گئی ہیں۔
.ذریعہ: Jasarat News
کلیدی لفظ: جماعت اسلامی ایس ایس پی رہنماو ں
پڑھیں:
متنازع نہروں کیخلاف قوم پرستوں کی کال پر سندھ میں ہڑتال، خیرپور میں ریلوے ٹریک پر دھرنا
دریائے سندھ سے متنازع نہریں نکالنے کے خلاف قوم پرست جماعت کی جانب سے آج سندھ میں شٹر ڈاؤن ہڑتال کی جارہی ہے، کئی شہروں میں کاروباری مراکز بند اور سڑکوں پرٹریفک معمول سےکم ہے، وکلا کاخیرپور میں دھرنا 3 روز سے جاری ہے جس کے باعث سندھ سے پنجاب سمیت دیگر صوبوں کوجانے والا ٹریفک بندہےجبکہ قوم پرست جماعتوں کے کارکنوں نے دھرنا دے کر ریلوے ٹریک بھی بند کردیا ۔
نجی ٹی وی کے مطابق دریائے سندھ سے متنازع نہریں نکالنے کے خلاف قوم پرست جماعتوں کی کال پر آج سندھ بھر میں شٹرڈاؤن ہڑتال کی جارہی ہے۔
جامشورو، کوٹری، نوشہروفیروز، کندھ کوٹ، خیرپور، جیکب آباد سمیت سندھ کے مختلف شہروں میں کاروباری مراکز اور مارکیٹیں بند ہیں جبکہ سڑکوں پر ٹریفک کی روانی معمول سے کم ہے۔
خیر پور میں قوم پرست جماعتوں کے کارکنوں نے ریلوے ٹریک پر دھرنا دے دیا، دھرنےکے باعث اپ اور ڈاؤن ٹریکس کو بند کردیا۔مشتعل مظاہرین نےلاہور سے کراچی آنے والی عوام ایکسپریس کو روک لیا۔
دوسری جانب خیرپور میں ببرلو بائی پاس پر وکلا کا تین دن سے دھرنا جاری ہے، قومی شاہراہ پر جاری احتجاج میں وکلا کے ساتھ قوم پرست جماعتوں کے کارکن ،ادیب ، شعرا ، دانشور اور خواتین کی بڑی تعداد شریک ہے۔
پنجاب جانے والی شاہراہ 3 دن سے بند ہونے کے باعث گاڑیوں کی طویل قطاریں لگ گئیں،
دریں اثنا، وکلا نے کشمور میں ڈیرہ موڑ پر این 55 شاہراہ پر دیا گیا دھرنا ختم کردیا، دھرنے کے باعث سندھ سے دیگر صوبوں کو جانے والی ٹریفک 2 روز تک بند رہی، وکلا کے احتجاج کی حمایت میں یونیورسٹیز کے طلبہ نے بھی جامشورو میں دھرنا دیا۔
Post Views: 1
ایران امریکہ مذاکات اس وقت اہم ثابت ہونگے جب برابری کی بنیاد پر ہونگے، علامہ ساجد نقوی