عزیز میموریل ہاکی کلب ٹیم سندھ لیول پر کھیلنے کراچی پہنچ گئی
اشاعت کی تاریخ: 29th, January 2025 GMT
حیدرآباد (اسٹاف رپورٹر) سیکنڈ چیف آف آرمی اسٹاف انٹر کلب نیشنل ہاکی چیمپئن شپ کے مقابلوں میں عزیز میموریل ہاکی کلب کی ٹیم نے حیدرآباد ڈویژن کوالیفائی کرکے سندھ لیول پر کھیلنے کراچی پہنچ گئی۔ ان خیالات کا اظہار ڈسٹرکٹ حیدرآباد ہاکی ایسوسی ایشن کے صدر سید وسیم حسین اور سیکرٹری انجینئر طاہر حبیب عابد نے عزیز میموریل ہاکی ٹیم حیدرآباد ڈویژن کوالیفائی کرنے اور تھرڈ رائونڈ سندھ کھیلنے کے لیے جانے والی ٹیم سے ملاقات کے دوران کہی۔ سیکرٹری انجینئر طاہر حبیب عابد نے کہا کہ ہم آج اپنا اہم میچ کراچی میں کھیلیں گے، اُمید کرتے ہیں کہ ان شا ء اللہ تھرڈ رائونڈ سندھ جتنے کے بعد فائنل لاہور میں کھیلنے کا ارادہ ہے، ہاکی کپتان عزیز میموریل حیدرآبادکی ہاکی ٹیم نے حیدرآباد کا سر فخر سے بلند کیا ہے، جیت کا مشن لے کر آگے بڑھائیں گے۔
.ذریعہ: Jasarat News
کلیدی لفظ: عزیز میموریل
پڑھیں:
ایم کیو ایم پاکستان سندھ کے پانی پر کوئی سمجھوتا نہیں کرے گی، ڈاکٹر فاروق ستار
کراچی:متحدہ قومی موومنٹ (ایم کیو ایم) پاکستان کے سینئر رہنما اور رکن قومی اسمبلی ڈاکٹر فاروق ستار نے کہا ہے کہ سندھ کے پانی کے معاملے پر کوئی سمجھوتہ نہیں کریں گے۔
کراچی ایکسپو سینٹر میں منعقدہ فرنیچر نمائش کے دورے کے موقع پر میڈیا نمائندگان سے گفتگو فاروق ستار نے زور دیا کہ پیپلز پارٹی متنازع کینالوں کے معاملے پر جلسوں کے پیچھے چھپنے کے بجائے آل پارٹیز کانفرنس بلائے اور بتائے کہ صدر نے اس فیصلے پر دستخط کئے تھے یا نہیں۔
ان کا کہنا تھا کہ پیپلز پارٹی پنجاب سے سندھ کے حصے کا پانی لیتی ہے مگر کراچی کو اُسکے حق کا پانی نہیں دیتی ہے۔ ڈاکٹر فاروق ستار نے مزید گفتگو کرتے ہوئے کہا کہ متنازع کینالز کے معاملے پر ہمارا دو ٹوک مؤقف ہے ایم کیو ایم پاکستان سندھ کے پانی پر کوئی سمجھوتا نہیں کرے گی۔
انہوں نے کہا کہ کراچی والے فراغ دل ہونے کے ساتھ ساتھ صابر اور شاکر بھی ہیں کہ جن کو کبھی بجلی، پانی تو کبھی گیس کی لوڈشیڈنگ کے نام پر تنگ کیا جاتا ہے شہر کی سڑکیں اور انفراسٹرکچر تباہ و برباد ہوچکا مگر اسکے باوجود کراچی کے شہری صبر کئے ہوئے ہیں۔
ڈاکٹر فاروق ستار نے کہا کہ اس وقت میٹرک کے امتحانات کے دوران لوڈ شیڈنگ اور مختلف سینٹرز کی تبدیلیوں نے طلباء اور والدین کو پریشان کر رکھا ہے۔
ترکی: منظم جرائم کے خلاف آپریشن، 200 سے زائد ملزمان گرفتار