مزید لاشیں نہیں اٹھائیں گے‘ ہر لاپتا فرد زندہ چاہیے‘ ماہ رنگ بلوچ
اشاعت کی تاریخ: 29th, January 2025 GMT
نوکنڈی (آن لائن) ڈاکٹرماہرنگ بلوچ نے کہا ہے کہ مزید لاشیں نہیں اٹھائیں گے، ہر لاپتہ فرد زندہ چاہیے ان خیالات کا اظہار ڈاکٹر ماہرنگ بلوچ ، سمی دین بلوچ و دیگر نے گزشتہ روز بلوچ یکجہتی کمیٹی کے زیر اہتمام ضلع چاغی کے صدر مقام دالبندین میں ہونے والے اجتماع جلسہ میں کیا جبکہ جلسے میں ہزاروں افراد نے شرکت کیا۔ تفصیلات کے مطابق دالبندین شہر کے نواح میں واقع ڈنو میدانی میں صبح 11 بجے شروع ہونے والا یہ اجتماع شام کو پانچ بجے اختتام پزیر ہوا۔ دالبندین کے مقامی صحافیوں نے بتایا کہ دالبندین میں اس سے پہلے اتنا بڑا اجتماع نہیں ہوا جس میں پہلی مرتبہ خواتین اور بچوں کی بھی ایک بڑی تعداد نے شرکت کیا جبکہ صحافیوں کے مطابق شرکا کی بڑی اکثریت نوجوانوں پر مشتمل تھی جو کہ دالبندین اور ضلع چاغی کے دیگر علاقوں کے علاوہ رخشان ڈویژن کے دیگر اضلاع سے آئے تھے۔
.ذریعہ: Jasarat News
پڑھیں:
بلاسود قرضہ فراہمی کی تقریب، حافظ نعیم الرحمٰٰن کا خطاب
امیرِ جماعتِ اسلامی پاکستان حافظ نعیم الرحمٰن—فائل فوٹوامیرِ جماعتِ اسلامی پاکستان حافظ نعیم الرحمٰن نے کہا ہے کہ سرکار کے نظام کو بہترین ہونا چاہیے، مگر ایسا نہیں ہے، ہر شعبہ طبقاتی نظام بنتا جا رہا ہے۔
وزیرِ آباد میں بلاسود قرضہ فراہمی کی تقریب سے خطاب میں حافظ نعیم الرحمٰن نے کہا کہ پاکستان کے 44 فیصد لوگ غربت کی لکیر سے نیچے زندگی گزار رہے ہیں۔
انہوں نے کہا کہ بینظیر انکم سپورٹ پروگرام کی طرح کئی اسکیمیں ہیں، لیکن غربت ختم نہیں ہو رہی ہے، حکومت صرف دکھاوے کے کام کرتی ہے۔
امیرِ جماعتِ اسلامی نے کہا کہ نوجوانوں کے پاس روزگار نہیں ہو گا تو مایوسی ہو گی۔
ان کا کہنا ہے کہ باصلاحیت نوجوانوں کو آئی ٹی کے کورس کرا دیے جائیں تو وہ بہت سے کام کر سکتے ہیں۔
حافظ نعیم الرحمٰن نے کہا کہ تھانہ کچہری کا سسٹم، جاگیر دارانہ اور سرمایہ دارانہ نظام ختم ہونا چاہیے، نظام کی تبدیلی کے لیے مؤثر اور طاقت ور آواز اٹھنی چاہیے۔
انہوں نے کہا کہ ہمیں مایوس نہیں ہونا چاہیے، جماعتِ اسلامی آنے والے وقت میں خود کو زیادہ متحرک کرے گی۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر