پیپلز پارٹی مہاجروں کو انتقامی کارروائیوں کا نشانہ بنارہی ہے، ڈاکٹر سلیم حیدر
اشاعت کی تاریخ: 28th, January 2025 GMT
چیئرمین ایم آئی ٹی نے کہا کہ بدقسمتی سے پاکستان کی اسٹیبلشمنٹ ان کرپٹ عناصر کو لگام دینے میں ناکام رہی ہے اور ہمیشہ سندھ میں مہاجروں کی مصنوعی قیادت کو کھڑا کیا گیا جس نے خود مہاجروں کو ہی رسوائی اور ذلت کے دہانے پر پہنچادیا ہے۔ اسلام ٹائمز۔ مہاجر اتحاد تحریک کے چیئرمین ڈاکٹر سلیم حیدر نے کہا ہے کہ سندھ کی تباہی کی ذمہ دار پاکستان پیپلز پارٹی اور اس کی قیادت ہے جو سندھ کے وسائل کو لوٹ کر پیسہ بیرون ممالک کی بینکوں میں منتقل کررہی ہے، آج سندھ کے تاجر، صنعتکار اور کاروباری افراد پریشان ہیں جبکہ وڈیرے، جاگیردار اور کرپٹ بیوروکریٹ دن بدن خوشحال ہوتے جارہے ہیں۔ انہوں نے کہا کہ کراچی، حیدرآباد اور شہری علاقوں کو کھنڈر بنادیا گیا ہے، اس کا بجٹ کاغذوں میں خرچ کیا جارہا ہے، عملی طور پر روڈ، انفراسٹرکچر اور دیگر معاملات تباہی کا شکار ہیں۔ انہوں نے کہا کہ پیپلزپارٹی کی حکومت گزشتہ 15 سالوں سے جس طرح سندھ کے شہری علاقوں کے وسائل پر قابض ہے اور ان شہروں میں رہنے والے مہاجروں کو براہ راست انتقامی کارروائیوں کا نشانہ بنارہی ہے، اس کے بعد مہاجروں کے پاس اپنے صوبے اور اختیار کے علاوہ کچھ نہیں بچا ہے۔
ان کا کہنا تھا کہ مہاجروں کو چاہئے کہ وہ پیپلز پارٹی کی کرپٹ مافیا کیخلاف اٹھ کھڑے ہوں، کچے اور پکے کے ڈاکوؤں کو لوٹ مار سے روکیں۔ انہوں نے کہا کہ بدقسمتی سے پاکستان کی اسٹیبلشمنٹ ان کرپٹ عناصر کو لگام دینے میں ناکام رہی ہے اور ہمیشہ سندھ میں مہاجروں کی مصنوعی قیادت کو کھڑا کیا گیا جس نے خود مہاجروں کو ہی رسوائی اور ذلت کے دہانے پر پہنچادیا ہے۔ انہوں نے کہا کہ اب وقت آگیا ہے کہ مہاجر شعور اور فہم فراست کا مظاہرہ کرتے ہوئے اپنے اور اپنے بچوں کے مستقبل کیلئے اٹھ کھڑے ہوں ورنہ مہاجروں کو تیسرے درجے سے بھی زائد بدترین زندگی گزارنی پڑے گی کیونکہ جس طرح مہاجروں پر تعلیم اور روزگار کے دروازے بند کئے گئے ہیں وہ کسی سے ڈھکے چھپے نہیں ہیں۔
ذریعہ: Islam Times
کلیدی لفظ: انہوں نے کہا کہ مہاجروں کو
پڑھیں:
کینالز منصوبہ پیپلز پارٹی ہی مسترد کرائے گی: وزیرِاعلیٰ سندھ مراد علی شاہ
وزیرِ اعلیٰ سندھ مراد علی شاہ — فائل فوٹووزیرِ اعلیٰ سندھ مراد علی شاہ نے کہا ہے کہ کینالز منصوبہ پیپلز پارٹی ہی مسترد کرائے گی۔
وزیرِ اعلیٰ سندھ مراد علی شاہ نے سندھ کے شہر سیہون میں میڈیا سے گفتگو کرتے ہوئے کہا ہے کہ دریائے سندھ میں پانی کی قلت کے باعث سیہون میں پانی کا بحران پیدا ہوا ہے۔
انہوں نے کہا ہے کہ کینالز منصوبوں کے خلاف پورا سندھ سراپائے احتجاج ہے، پیپلز پارٹی کے ہوتے ہوئے سندھ کے خلاف کوئی سازش کامیاب نہیں ہو گی۔
وزیرِ اعلیٰ سندھ سید مراد علی شاہ نے کہا ہے کہ کالاباغ ڈیم کا بھی لوگ کہتے تھے بن رہا ہے، اب یہی صورتحال چولستان کینال کے لیے پیدا کی جا رہی ہے، پیپلز پارٹی ایک طاقت ہے اور ہم اس کا استعمال بھی کریں گے، پیپلز پارٹی کی حمایت کے بغیر یہ وفاقی حکومت چل نہیں سکتی، ہمارے پاس اسے گرانے کی طاقت ہے۔
مراد علی شاہ نے پیپلز پارٹی کی مقبولیت کے حوالے سے کہا ہے کہ عمر کوٹ کے عوام نے بتا دیا کہ عوام پیپلز پارٹی کے ساتھ ہیں، کچھ لوگوں نے کہا کہ سندھ کے لوگ پیپلز پارٹی سے ناراض ہیں۔
کنالز کے منصوبے پر بات کرتے ہوئے وزیرِ اعلیٰ سنھ نے کہا ہے کہ بلاول بھٹو اور صدر آصف زرداری نے پارلیمنٹ میں کینالز منصوبوں کو مسترد کیا، بلاول کہہ چکے کہ کینالز معاملے پر عوام کے ساتھ ہوں، وزیرِاعظم کے ساتھ نہیں۔
انہوں نے کہا کہ میں نے وفاق کے سامنے کینالز کے خلاف بھرپور احتجاج کیا، عوام کینالز منصوبوں کے خلاف احتجاج کر رہے ہیں، وکلاء کے احتجاج کی حمایت کرتے ہیں۔
مراد علی شاہ نے بتایا ہے کہ حیدرآباد میں گزشتہ روز جلسہ کیا، 25 اپریل کو سکھر میں جلسہ ہو گا۔
کراچی: کورنگی کریک میں ماہرین نے دوبارہ آگ لگا دی