ڈی آئی خان، ایل پی جی باؤزر دھماکے کی ویڈیو سامنے آگئی
اشاعت کی تاریخ: 28th, January 2025 GMT
ڈیرہ غازی خان میں انڈس ہائی وے کے ریسٹ ایریا میں کھڑے ایل پی جی باؤزر دھماکے کی ویڈیو سامنے آگئی۔
آگ نے دیگر 2 باؤزرز، آئل ٹینکر اور ایک پیٹرول پمپ کو اپنی لپیٹ میں لے لیا۔
ریسکیو کی کارروائی کے دوران 3 فائر فائٹرز جھلس کر زخمی ہوگئے، آگ پر قابو پالیا گیا۔
ڈپٹی کمشنر کےمطابق واقعہ میں 1 شخص جاں بحق اور تین فائرفائٹر جھلس کر معمولی زخمی ہوئےجبکہ آگ پر 6 گھنٹوں بعد قابو پایا گیا۔
ڈی جی خان کی تحصیل کوٹ چھٹہ میں انڈس ہائی وے پر ریسٹ ایریا میں 3 ایل پی جی باؤزر کھڑے تھے، ایک باؤزر میں اچانک آگ لگی اور دھماکے سے پھٹ گیا، جس کے بعد قریب موجود دیگر 2 گیس باؤزر اور ایک آئل ٹینکر کو بھی آگ نےاپنی لپیٹ لے لیا۔
ریسکیو اور فائر بریگیڈ کی 6 گاڑیوں نے آگ بجھانے میں حصہ لیا جبکہ مظفرگڑھ سے بھی ریسکیو ٹیمیں طلب کی گئیں۔
آگ لگنے پر قریبی آبادی کو محفوظ مقامات پر منتقل کیا گیا، ریسٹ ایریا کے ہوٹل اور پیٹرول پمپ کو آگ سے جزوی نقصان پہنچا۔
.ذریعہ: Jang News
کلیدی لفظ: باو زر
پڑھیں:
کراچی آج ہیٹ ویو کی لپیٹ میں، پارہ 41 پر جانے کا امکان
—فائل فوٹوملک کا سب سے بڑا شہر کراچی آج ہیٹ ویو کی لپیٹ میں ہے۔
محکمۂ موسمیات کے مطابق شہرِ قائد میں آج زیادہ سے زیادہ درجۂ حرارت 39 سے 41 ڈگری تک جانے کا امکان ہے جبکہ آئندہ 24 گھنٹوں کے دوران بھی موسم گرم اور مرطوب رہنے کی پیش گوئی کی گئی ہے۔
ماہرینِ صحت نے ہیٹ ویو کے پیش نظر کراچی کے شہریوں کو احتیاط کی ہدایت کرتے ہوئے کہا ہے کہ شہری صبح 11 بجے سے شام 4 بجے تک غیر ضروری طور پر گھروں سے باہر نہ نکلیں۔
کراچی میں آئندہ 24 گھنٹوں کے دوران موسم گرم رہنے کا امکان ہے۔
دوسری جانب محکمۂ موسمیات کا کہنا ہے کہ حیدر آباد میں زیادہ سے زیادہ درجۂ حرارت41، نواب شاہ میں 42، سکھر میں 40، ملتان میں 39، لاہور میں 38، پشاور میں 33 اور کوئٹہ میں 24 ڈگری تک جانے کی توقع ہے۔
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی